Gjafir eru yður gefnar

Samtök fjármálafyrirtækja segjst hafa lækkað skuldir heimilanna um 143.9 milljarða. Er þetta virkilega rétt?

Þegar betur er að gáð þá er þetta röng og villandi framsetning á einföldu máli. Staðreyndin er sú að með endurreikningi ólögmætra gengistryggðra lána lækka þau um 119 milljarða. Þetta er ekki lækkun heldur leiðrétting í samræmi við niðurstöðu Hæstaréttar.

Þá standa eftir 24.9 milljarðar en af þeim eru 18.7 milljarðar sem er lækkun vegna þess að fjármálafyrirtæki samþykktu lækkun óveðtryggðra lána með svokallaðri 110% leið. Rúmir 5 milljarðar eru síðan lækkun vegna sértækrar skuldaaðlögunar. 

Staðreyndin er þá sú að engin lækkun hefur orðið á innheimtanlegum skuldum eins og þær eru kallaðar. Eina lækkunin sem hefur orðið og fjármálafyrirtækin telja sér til gæða er lækkun í samræmi við landslög og langt umfram veðmörk þannig að sýnt var að þær mundu aldrei innheimtast. 

Sýnist einhverjum að það sé verið að gefa gjafir? 

 

Athugasemdir

[Jón Pétur Líndal, 31.8.2011 kl. 18:43]

Það má ekki gleyma að varðandi 110% leiðina er þrátt fyrir himinháa niðurfærslutölu sem sett er fram, verið að hirða allt af fólki. Sumir sem fara þessa leið áttu greiddu kannski ekkert út við fasteignakaup í upphafi, en flestir allavega 10-20% og sumir miklu meira. Af þessu fólki er verið að hirða hverja krónu sem það lagði fram og mörgum fleirum. Það væri því rökrétt að tala um þær gjafir sem almenningur er búinn að færa bönkunum. Aleiguna í mörgum tilfellum.

[Sveinn Úlfarsson (IP-tala skráð) 31.8.2011 kl. 18:48]

Heill og sæll Jón,

já þetta eru ótúleg vinnubrögð. Hvernig dettur Samtökum fjármálafyrirtækja í hug að matreiða svona blekkingar fyrir fólk. Ég er vissum að meira segja Steingrímur J fengi smá roða í kinnarnar.

Að telja leiðréttingar á lögbrotum, sem þessi sömu fyrirtæki brutu á viðskiptavinum sínum vera aðgerðir til lækkunar á skuldum heimilana er alveg ótúleg kokhreysti.

[Örn Johnson´43 (IP-tala skráð) 31.8.2011 kl. 22:45]

Jón, nýju bankarnir fengu að gjöf um 700 milljarða, samkv. AGS, ekki Steingríms stórlygara. Það var þegar nýju bankarnir keyptu eignir gömlu bankanna að verðmæti 1700 milljarða á 1000 milljarða. Svona tölur eru eins og baunir í þetta haf.

[Sigurjón Þórðarson, 31.8.2011 kl. 23:12]

Mér finnst umhugsunarvert hvernig fréttastofurnar matreiddu fréttatilkynningu Samtaka fjármálafyrirtækja - Hún var bókstaflega gleypt hrá.

Ég gæti trúað því að þegar upp er staðið þá muni spuni Samtaka fjármálafyrirtækja hafa þveröfug áhrif en til var ætlast.

[Sumarliði Einar Daðason, 1.9.2011 kl. 00:35]

Er þetta ekki bara venjulegt klór í bakkann þessara aðila sem eru ekkert sérstaklega vinsælir hjá almenningi í dag?

[Eyjólfur G Svavarsson, 1.9.2011 kl. 13:21]

Fjögur orð, (Fari þeyr til helvítis)!!!!!!!!

[Kjartan Sigurgeirsson, 1.9.2011 kl. 13:40]

Sæll Jón!  Þetta er alveg hárrétt, það kom svona í lok fréttarinnar hversu þungt vegur sú leiðrétting sem lánastofnanir voru dæmdar til að framkvæma.  Sennilega bíður stór hópur fólks eftir því að sú leiðrétting verði gerð til fulls, það getur varla verið leyfilegt að nota óverðtryggða stýrivexti SÍ til viðmiðunar við uppreikning á gjalddögum sem þegar eru greiddir og lánþegi hefur kvittun fyrir að hafa staðið skil á.

[Jón Magnússon, 1.9.2011 kl. 16:36]

Ég er svo hjartanlega sammála ykkur öllum saman. Sigurjón Þórðarson bendir m.a. á athygliverðan hlut. Það er hvernig fjölmiðlar taka svona fréttum. Gjörsamlega gagnrýnislaust. Ótrúleg vinnubrögð.