Nú er nauðsyn

Við stefnuræðu forsætisráðherra í fyrra mótmæltu þúsundir á Austurvelli lánaokrinu og getuleysi stjórnvalda. Jóhanna varð hrædd og skipaði nefnd og þegar nefndin tók jóðsótt fæddist lítil mús, sem engu máli skiptir fyrir skuldastöðu heimilanna.

Þjófnaðurinn í gegn um verðtrygginguna heldur áfram og lánin hækka og hækka þrátt fyrir að þjóðarframleiðsla dragist saman. Vilhjálmur Birgisson verkalýðsleiðtogi á Akranesi sagði á Bylgjunni í morgun að höfuðstóll þeirra hefði hækkað um 70 milljarða á síðasta ári. Það er álíka og nettóverðmæti sjávarafla af Íslandsmiðum á einu ári.  Sá samanburður sýnir hversu gegndarlaust verðtryggingarránið er.

Á sama tíma og raunverð fasteigna hefur hrunið og lækkað miðað við Evru eða Bandaríkjadal um 70% frá 2008 þá hefur höfuðstóll verðtryggðu lánanna hækkað og hækkað. Ríkisstjórnin hefur ekkert gert til að bregðast við þessu.  Ekki er lengur hægt að una við slíkt aðgerðarleysi.

Í fjárlagafrumvarpi Steingríms J. Sigfússonar er gert fyrir hækkun ákveðinna neysluskatta sem munu enn auka verðbólguna og hækka höfuðstól verðtryggðu lánanna. Þjófur verðtryggingarinnar mun stela síðustu krónunni sem þú átt í húsinu eða íbúðinni þinni.

Leo Tolstoy sagði að það þjóðfélag þar sem ekki væri gætt réttlætis fengi ekki staðist. Íslenska þjóðfélag lánaokursins fær ekki staðist. Í því efni verður réttlætið að ná fram að ganga. Íslenskir neytendur verða að njóta sömu lánakjara og eru á hinum Norðurlöndunum.  Það verður líka að skila ránsfeng verðtryggingarinnar frá hruni til þessa dags og taka verðtrygginguna úr sambandi þegar í stað.  Ekkert minna dugar.

Nú verðum við að sameinast um að mótmæla óréttlæti lánaokursins og standa saman og berjast hvar sem við getum. Í kvöld gefst gott tækifæri til að láta stjórnvöld heyra að okkur er alvara. Við ætlum að ná fram réttlæti. Við ætlum að eiga framtíð með virðingu og reisn. Við ætlum að víkja burtu lánaokri og sérhagsmunagæslu.

Stöndum saman. Mætum kl. hálfátta í kvöld á Austurvöll og sýnum samstöðu gegn verðtryggingu og okri. Mótmælum friðsamlega og af  festu. 

Sýnum samstöðu gegn verðtryggingarofbeldinu. 

Athugasemdir

[B.N. (IP-tala skráð) 3.10.2011 kl. 22:07]

Úrdráttur um nútímaþrælahaldið(íslenska verðtryggingin) úr greininni ,,Þar sem daglaunin duga'' eftir undirritaðann sem birtist í Morgunblaðinu 19. nóv. 2006

,,Útflutningsgreinarnar hér heima eiga sér þó málsbætur hvað varðar getu til að borga mannsæmandi laun því vaxtastigið sem fyrirtækin búa við í samkeppninni um markaði erlendis er hér miklu hærra en í Danmörku. Til dæmis eru stýrivextir hjá Seðlabankanum 14% en 3,5% í Danmörku. Þetta fyrirkomulag leiðir af sér að á Íslandi er betra að geyma aurana sína á bankabók og liggja síðan rólegur á meltunni og bíða afrakstursins heldur en að taka þátt í uppbyggingu samfélagsins t.d. með því að fara út í fyrirtækjarekstur. Hér er fjármagnstekjuskatturinn aðeins 10%.

Þetta alíslenska kerfi er hannað fyrir þá efnuðu, fyrst og fremst og hina útvöldu, þ.m.t. útrásarmenn. Þetta leiðir svo sjálfkrafa til atvinnuleysis í samfélaginu og heldur skuldurum í ánauð hárra vaxta og verðtryggingar. Í Danmörku eru fjármagnstekjur hins vegar meðhöndlaðar eins og hverjar aðrar launatekjur og takið eftir að þar er engin verðtrygging eins og við þekkjum hana og enginn skilur. Viðskiptahallinn hér á landi í dag styður þessa kenningu mína en hann er um 300% af landsframleiðslu.

Á sama tíma er viðskiptajöfnuðurinn jákvæður hjá frændum vorum. Uppsveiflan er slík þar um slóðir, að vöntun er á um 10.000 manns til arðbærra starfa. Það er engin tilviljun að burtfluttum Íslendingum til Danmerkur hefur fjölgað um góð 100% frá 1993 til dagsins í dag.''

"Venlig hilsen..."

Baldvin Nielsen Reykjanesbæ.

[Júlíus Björnsson, 3.10.2011 kl. 22:16]

Allar borgir heim gera út á aðlandi neytendamarkað, fjölmennar út lágvöru og fámennar út gæði þjónustu og vöru. Sömu borgir tryggja sér hráefni og orku inna heim efnahagslögsögu og utan hennar. Þá er um að gera að planta frumvinnslu niður [lávsk] í Afríku  og öðrum fjármálavanþroskuðum ríkjum, eins og Íslandi: tryggja sér kvota með skuldsetningu skráðra eigenda. Menn verða læra erlend fræði frá réttum sjónarhóli.  Álverið hér skapar fullt af störfum í Hollandi, það tryggir virkjun hér sem gæti stuðlað að blómlegri neytenda markaði á Íslandi.  Langur vinnutími er ekki mælikvarði á greind eða um hæfi til ákvörðunartöku. Hér er hægt að skera niður fullt af prófessor stöðum. Sum fræði eru ekki nauðsynleg til verðmæta sköpunar og eiga betur heima innan einkageirans án ríkisstyrkja.  

Við verðum að keyra 5,5% verðbólgu[almennum meðalhækkunum] ef UK keyrir á 4,5%. Heildarneysluvístalan hér er helst Þrándur í götu. Við þurfum að vinna um 50% hærri þjóðartekjur að raunvirði, meðan samdráttur heldur áfram á Vesturlöndum, er 3,0% hagvöxtur óafskrifaður áframhaldandi hraðbraut til Kúpu Norðursins.