Gefst ríkisstjórnin upp á Tröllahálsi og þannig endi saga.

Jóhanna Sigurðardóttir reynir nú með öllum ráðum að koma einhverjum stoðum undir veika ríkisstjórn sína. M.a. er sagt að hún hafi reynt við Hreyfinguna í því skyni og Hreyfingin látið líkilega.

Sé svo að Hreyfingin ljái máls á samstarfi við stjórnarflokkana til að verja ríkisstjórnina þá fer það síðasta af þeim sjónarmiðum sem þetta fólk setti fram fyrir kosningar og á þingi fyrst eftir komu sína þangað.

Jóhanna veit að hún getur reitt sig á stuðning Guðmunds Steingrímssonar Gnarrista og ef til vill á Sif Friðleifsdóttir ef í öll sund ætlar að fjúka, en það dugar skammt ef Kristján L. Möller, Árni Páll og Jón Bjarnason fara að sprikla eins og þeim hentar.

Fyrir löngu er ljóst að ríkisstjórnin hefur engar lausnir. Hún hefur engin markmið lengur eða framtíðarsýn önur en þá að stjórna frá degi til dags. Hún þarf að reiða sig á endalaus pólitísk hrossakaup og málamiðlanir til að halda velli.  Sagan sýnir að  slíkar ríkisstjórnir valda alltaf óbærilegum skaða fyrir framtíðina.

Til að koma í veg fyrir meira tjón, væri best fyrir Jóhönnu að viðurkenna vanmátt sinn og boða til nýrra kosninga í áramótaávarpi sínu þ.31.12.n.k.

Athugasemdir

[Seiken (IP-tala skráð) 29.12.2011 kl. 11:26]

Þetta er svo sem ekki í fyrsta sinn sem að stjórnarheimilið lekur upplýsingum í múginn um að í fyrirsjáanlegri framtíð muni valdhöfunum berast liðstyrkur í formi nýs stjórnarflokks.  Aldrei hefur þetta gengið eftir, en það er ekki þar með sagt að þessi Hreyfingar-kenning geti ekki verið sönn.

Ég er ekki viss um að það yrði svo slæmur leikur hjá Hreyfingunni að styrkja stjórnina gegn því að skjaldborgin verði loksins reist. Mér finnst líklegt að næstu kosningar vinnist af því afli sem nær að virkja óánægjufylgið en ég geri ráð fyrir því að það fylgi sé að stórum hluta fólk, sem finnur reiði sinni vegna skjaldborgarsvikanna engan farveg.

Ég get hins vegar dregið í efa að stjórnin sé fær um að reisa öfluga skjaldborg héðan af og að þar með sé þessi Hreyfingarstuðningur úr sögunni. Stjórnin samdi snemma árs 2009 við kröfuhafa bankana um að þeir mættu hámarka innheimtu af skuldum og að stjórnin myndi í engu aðstoða fólk við að verjast bönkunum. Það er engin tilviljun að allt frá hruni hefur stjórnin markvisst hunsað talsmann neytenda og Hagsmunasamtök heimilanna.

Að ætla að reisa skjaldborg núna sem myndi duga til þess að friða þjóðina þýðir væntanlega að ganga verður gegn þessu samkomulagi. Það er hæpið að SF sé til í það þar sem að samkomlagið virðist vera órjúfanlega tengt ESB umsókninni.

[Eyjólfur G Svavarsson, 29.12.2011 kl. 17:49]

mikið andskoti vildi ég að hún gerði það Jón. En miðað við það sem á undan er gengið, held ég að það séu tálvonir, því miður!! Eina markmiðið sem þessi stjórn hefur er að halda í stólana, hvað sem það kostar!!! Ekkert er gert til að bjarga þjóðini frá Örbyrgð.#!:(.

[Jón Magnússon, 29.12.2011 kl. 22:31]

Þetta eru ágætar hugleiðingar Seiken. Ég held að það sé rétt niðurstaða hjá þér að Samfylkingin ætlar sér ekki að gera neitt í skuldavanda venjulegs fólks.

[Jón Magnússon, 29.12.2011 kl. 22:32]

Sammála Eyjólfur.

[Björn Emilsson, 29.12.2011 kl. 23:53]

Leiðtogar VG alias/ Kommunistaflokkur Islands, Svavar Gestsson, Indriði og höfuðpaurinn Steingrímur J ofl hafa unnið að því hörðum h0ndum í meir en 30 löng ár að ná völdum og sjá í hyllingum sitt Sovét island rísa úr sæ. Það hentar þeim ágætlega að vera í samfloti með Samfylkingar/Samkrulli og fylgisveinum. Framtíðin er Stórríki Þýskalands ESB sem er stjórnað af mergsognum kommúnistaforingjum Austur Evrópu. Þeir sjá i hyllingum Rússland sameinað Stórríkinu. Sennilega verður Kína og N-Korea með í púljunni. Því miður lítur út fyrir að þetta fólk komi til með að ná ætlunarverki sínu.