Draugurinn í Háskólanum

Fréttastofa ríkissjónvarpsins hefur vakið upp gamlan draug úr Háskóla Íslands, Gylfa Magnússon. Gylfi þessi stjórnaði atlögu að íslenska bankakerfinu í septemberlok 2008 og gerðist síðan mótmælandi á vegum Harðar Torfasonar, annars trúbadúrs. Framganga Gylfa sem mótmælanda varð síðan til þess að hann varð viðskiptaráðherra í stjórn Jóhönnu Sigurðardóttur.

Margir töldu að Gylfi þessi væri happafengur í ríkisstjórnina þar sem hann væri fræðimaður, mótmælandi og eini maðurinn sem hefði stjórnað alsherjar aðför að bankakerfi lands síns.  Það voru greinilega mannkostirnir sem Jóhanna Sigurðardóttir mat mest þegar hún valdi fólk til ráðherradóms.

Gylfi vann það sér síðan til frægðar sem ráðherra að vera einn verklausasti viðskiptaráðherra sem nokkru sinni hefur setið í landinu.  En hitt var þó verra að upp komst um strákinn Gylfa þegar hann hagræddi sannleikanum með þeim hætti að hann sagði Alþingi vísvitandi ósatt.  Þá var ljóst að dagar hans í ráðherrastól voru taldir.

Í kvöld birtist þessi draugur fortíðarinnar til að gagnrýna lánveitingu Seðlabankans til Kaupþings banka í byrjun október 2008.  Eins og fyrri daginn var Gylfi með það á hreinu hverjum um væri að kenna án þess þó að hafa kynnt sér málið til hlítar. 

Það vill svo til að ég sat í Viðskiptanefnd Alþingis þessa örlagaþrungnu daga í október 2008 og spurðist ítarlega fyrir um þetta lán, raunar sá eini sem það gerði. Mér er því ljóst hvað var um að ræða og það er annað en uppvakningur fréttastofu sjónvarpsins heldur fram.

Gaman væri að Gylfi Magnússon færði frekari rök fyrir þeim sjónarmiðum sem hann setti fram í kvöldfréttum sjónvarpsins ef hann hefur þá tíma til þess vegna anna við að verja verðtrygginguna.

Athugasemdir

[Guðmundur Kristinn Þórðarson, 7.3.2012 kl. 23:40]

Jón þú ert frábær,ég er yfirleitt sammála þér

[Heimir Lárusson Fjeldsted, 8.3.2012 kl. 03:32]

Vel mælt.

[Ómar Gíslason, 8.3.2012 kl. 09:28]

Ég er nú farinn að halda það Jón að Gylfi er á launum hjá RÚV. Hann virðist alltaf poppa upp hjá RÚV og það er eins og enginn annar er til í landinu!

[Íslendingur (IP-tala skráð) 8.3.2012 kl. 10:50]

Froðusnakkið í honum er sannkölluð Gylaginning. Ólafur Margeirsson hefur gert "fræðimennsku" hans að gjalti í pistlum sínum á Pressunni,

[Ómar Geirsson, 8.3.2012 kl. 15:11]

Blessaður Jón.

Vilt þú ekki upplýsa okkur.

Sannleikurinn þarf að vitnast.

Kveðja að austan.

[Júlíus Björnsson, 8.3.2012 kl. 16:47]

Í kauphöllum svo sem í USA og UK þar sem velta er 80% í hlutbréfum vsk. fyrtækja og önvegisfyritækin eru þau sem markasetja á CPI neytendahópinn með meðtekjurnar þá gildir fyrir þá sem ekki hafa tíma 24 á sólarhring 360 daga ár til reyna græða raunávöxtun á 60 mánað uppgjörum og vilja ekki tapa verðtryggingu CPI eða PPP , að fjárfest þá í ríkiskuldbréfum eða miklu úrvali að bréfum öndvegisfyrirtækja.
Aldrei í sögu Kauphalla hefur tekist að verðtyggja almenna langtíma verðtyggingu á ávöxtunarkröfu hingað til. Það er reikna áhættuna út en reynslan kemur  í veg fyrir lagsetningu erlendis.  Flest ríki eftir 1971 líta á tekjur í annarra ríkja mörkuðum jafn tekjum annarra ríkja á sínum markaði og þess vegna eru tekjur ríkis alltaf deb hreinar eignir [reserve]  án CRED, og því ekki að vigta á móti og þarf ekki að bóka í efnahagsreikning nema þá CRED og DEB 0 markaðsverð.

[Jón Magnússon, 8.3.2012 kl. 17:19]

Þakka ykkur fyrir Guðmundur og Heimir.

[Jón Magnússon, 8.3.2012 kl. 17:22]

Það virðist vera þannig Ómar að þessi fréttastofa Samfylkingarinnar dregur alltaf einn og einn svokallaðan fræðimann, en er fyrst og fremst að reka málstað Samfylkingarinnar inn í hvern fréttaþátt.  Þekkt er dæmið með Sigurlaugu stjórnsýslufræðing, en af henni er rykið dustað reglulega. Nú þykir nógu langt um liðið þannig að hægt sé að koma með Gylfa. 

[Jón Magnússon, 8.3.2012 kl. 17:22]

Jæja Íslendingur ég þarf að lesa það.

[Jón Magnússon, 8.3.2012 kl. 17:24]

Jú ég mun gera það Ómar.  En stundin er ekki komin fyrr en í fyrsta lagi þegar þetta Landsdómsmál hefur verið til lykta leitt, þó það hangi ekki að neinu leyti saman. En þá hafði ég hugsað mér að taka saman heilstæða frásögn af því sem ég tel að hafi gerst og gera grein þessu og öðru sem ég þekki frá fyrstu hendi

[Jón Magnússon, 8.3.2012 kl. 17:25]

Það er alveg rétt Júlíus. Verðtryggingin er rán.

[Júlíus Björnsson, 8.3.2012 kl. 18:10]

Hagsmunir í UK er að vera yfir meðalagi á öllum fimm árum í samanburði, menntaskóla, Háskóla, Ríkistjórna: Real interest er vextir yfir meðlagi : Verðtygging er 80% neytenda í meðalagi.   Gengi verður að vaxa á frjálsum mörkuðum til tyggja meiri framleiðslu og eða starfaldurshækkanir. UK tyggir 150% verðbólu á sínum markaði öll 30 ár. Ef neysla raunverðmæta eykst ekki á hvern íbúa í borg UK eða UK, á 30 árum þá er 150% hrein verðbólga og merkir að Pund hefur rýnaði eins og fasteigna bakveð. Þeir hafa tvisvar síðuðstu öld lækkað verðlag til fara ekki yfir 150%. Lækki verðlag styrkist gengi í viðkomandi ríki allir fá meira fyrir peninga.  Er Íslendingar nískir að eðlisfari eða almennt. SD hagfræðingar skilja þetta ekki og þess vegna eru fræði þeirra í samræmi óháð flokkskýrteini að því er virðist. Verum eins og Meiriháttar ríki heimsins í grunni: yfir meðallagi.

[Ómar Geirsson, 8.3.2012 kl. 22:01]

Það væri fróðlegt Jón.

Það þurfa fleiri að skrifa söguna en þeir sem annars vegar þvo hana og hins vegar þeir sem hafa hag af að afskræma hana.

Það er eins og menn skilji ekki að mestu máli skiptir að menn læri að sögunni.

Kveðja að austan.

[Þorsteinn Siglaugsson, 9.3.2012 kl. 15:52]

Þessa heilræðavísu birti ég á bloggi mínu þegar Gylfi laug (fyrst):

Lygavefinn liðugt spann

lipur þing að ginna.

En fyrr en því lauk sá frómi mann

flæktist í vefnum sjálfur hann.

Varist þú slíkt að vinna.