Grænn vegur til versnandi lífskjara

Við húrrahróp og fögnuð samþykkti Alþingi einróma þingályktunartillögu um eflingu svonefnds græns hagkerfis. Verði þessi græna ályktun að veruleika þá verða meiri höft lögð á borgarana og  atvinnustarfsemi verður gert erfiðara fyrir.

Það er athyglivert að á sama tíma og íslenskir stjórnmálamenn sameinast í húrrahrópum og lýðskrumi um gildi græna hagkerfisins, þá eru þær þjóðir sem áður hafa lagt út á þessa braut að uppgötva hvílíka lífskjaraskerðingu það hefur í för með sér fyrir almenning. Einnig gríðarlegan kostnaðarauka fyrir ríki og sveitarfélög. Eðlilegt að þingheimur fagni.

Í Bretlandi er rætt um í tengslum við umræður um fjárlög og útgjöld ríkisins, að lög vegna meintrar hnattrænnar hlýnunar og græna hagkerfisins,  valdi gríðarlegum hækkunum á raforku til almennings. Með skírskotun til græna hagkerfisins eru skattar á bensín og aðrar munaðarvörur auknir- skemmtileg tilhugsun fyrir íslenska neytendur eða hvað?

Í grein enska stórblaðsins The Daily Telegraph í dag segir að græna hagkerfið valdi kostnaðarauka upp á 650 pund árlega á venjulega fjölskyldu eða 130.000 íslenskar krónur á ári. Skyldu íslenskir alþingismenn hafa hugsað um þennan viðbótarpinkil á fjölskyldurnar í landinu þegar þeir stigu stríðsdans á Alþingi til að fagna samþykkt þingsályktunartillögunnar um græna hagkerfið?

Fjármálaráðherra Breta hefur áhyggjur af uppsöfnuðum áhrifum "grænnar stefnumörkunar" eins og hún hefur verið rekin í Bretlandi og Evrópusambandinu og segir að endalausar kröfur um þjóðfélagsleg og umhverfisleg markmið þýði gjaldþrota fjölda fyrirtækja,  mörg störf muni tapast og landið verði fátækara."  Athyglisvert að þetta skuli fjármálaráðherra Breta segja á sama tíma og Alþingismenn á Íslandi dönsuðu stríðsdans af fögnuðu yfir því að koma þessum hömlum á íslenska þjóð.

Skrýtið að þessi græna leið til versnandi lífskjara skuli hafa forgang á Alþingi en verðtryggingu og skuldavanda skuli ýtt til hliðar.  Eðlilega nýtur Alþingi trausts þjóðarinnar í samræmi við þessa forgangsröðun.

Athugasemdir

[Þráinn Jökull Elísson, 21.3.2012 kl. 13:40]

Ég fæ að deila þessu Jón.

[Júlíus Björnsson, 21.3.2012 kl. 18:34]

Banka áhættuvaxta álagið erlendis er minnst langtíma grunnvaxtakrafa [hér ávöxtunakrafa] + Verðbólguálagið á heimamarkði Bankans sem biðlar keppninaut um langtíma lánafyriurgreiðslur eða skammtíma.  Þegar banki leggur 5 % á sína skuldunauta og biður annan banka að redda sér þá hirðir bankinn sem lánar þessi 5,0%  til viðbótar verðtyggingarvöxtum í það minnsta.

Bankar eru í eðli sínu ekki sósíalistar.  Fjármagna ekki kenninauta til að vax haraðar en þeir sjálfir.

Þetta lögmál er greinlega ekki kennt í Háskólum allra handa ópragmatískar sérfræði. En er kennt innan veggja Alvöru banka. Í Ríkum þar sem Stjórnsýslan er með töglin og hagldirnar á öllu er sjálfssagt að bæta við komma og öfugugga álagi.  Króna er nafn á ávísunum Ríkisjóðs, Stjórnsýslur annarra meiriháttar ríkja eru ekki heimskur almúgi eða vogununarsjóðir, gengið breytist ekki þótt sé skipt um nafn á því.  Það er ekki heilbrigt að safn peningum sem er eru úr gulli í sjóði.  Gengi vaxa og þverra til skiptis í samhengi allra ríkja.  Ísland er búið njörfa niður sinn útflutning um 80%. Getur ekki hoppað milli ríkja eins og vogunasjóður.
Einkaframtak sem lítið áberandi getur leyft sér mikið meira á Aljóðvetfangi, eins og dæmin sanna.

íslendinga verð að taka upp áttvísi og leggja niður þessa grunn stefnumótun á hverju ári stjórnsýlunnar. Í upphafi skyldi endinn skoða, svo sem að verðtyggja almenna áraunvöxtunarkröfu með ríkisábyrgð í formi framtíðar skattheimtu. Genið hér í samburði við Alþjóðsamfélgið hafði fallið frá 1983 til 2007 um 30% og er nú komin 4 ára reynsla á nýja gengið: evra jafnvel á næsta leyti: kvóti er í samræmi við gengi síðustu 5 ára. Það þarf að fækka þegnum um 30 %. Ekki auka skattheimtu. Viðskipta ríki okkur eru mjög ánægð með nýja gengið.

[Stefán Júlíusson, 21.3.2012 kl. 20:56]

Grænt hagkerfi gengur út á það að gera okkur meðvitaðri um umhverfið og hætta óþarfa eyðslu, þ.e. án þess að það skerði lífskjör.

T.d. að slökkva ljós, skrúfa fyrir krana, lækka í ofnum, hætta að kaupa poka í hvert skipti sem við verslum og hætta óþarfa akstri. 

Sparnaðurinn af þessu fer í að versla vörur sem eru umhverfisvænar.

Það getur verið að útgjöld hækki til skamms tíma, en þau eiga að lækka til lengri tíma litið.  Mörg dæmi sýna að svo sé, t.d. sparneytnari bílar, einangrun í húsum og "þrýstingsjafnarar" sem getur lækkað þrýsting á vatni inní hús og þar með sparað heitt og kalt vatn.

ISO 14001, er staðall til þess að aðstoða fyrirtæki til þess að gera þetta skipulega.  Ekkert annað.

Það er auðvitað hægt að líta á þetta hvernig sem er.  Ég lít á þetta sem áskorun frekar en kvöð.

Ég er að læra um þetta í náminu.  Skólabækurnar koma með ótal tillögur um hvernig hægt er að spara milljónir fyrirtækjum á ári.  Það sem virkar hjá fyrirtækjum ætti einnig að virka hjá fjölskyldum og einstaklingum.

Auðvitað er þetta bóknám, en ég veit að tillögurnar bera árangur.

[Jón Magnússon, 21.3.2012 kl. 23:06]

Með mikilli ánægju Þráinn.

[Jón Magnússon, 21.3.2012 kl. 23:11]

Stefán þetta er allt gott og blessað og ég geri mitt besta til að vera umhverfisvænn og nýta og endurnýta. Það er ekki það sem ég er að tala um. Ég er að tala um þá pólitísku rétthugsun sem hefur fengið útrás hjá stjórnmálastéttinni í Evrópu sem leiðir til mikils kostnaðarauka fyrir framleiðslufyrirtækin og dýrari vörur fyrir neytandann.  Auk þess eru búin til þúsundur starfa vegna ímyndaðra vandamála sem enn auka á kostnað skattgreiðenda en leysa ekki neitt annað en e.t.v. atvinnuvandamál nokkurra háskólastétta.  Reglur á reglur ofan og álitsgerðir á álitsgerðir ofan, möt og úttektir er heróp íhlutunarstefnu rétthugsunar stjórnmálanna hvað varðar hið græna hagkerfi. Hingað til hefur þessi stefna búið til fleiri vandamál en hún leysir.

En ég er hjartanlega sammála þér Stefán hvað það varðar að vera sparsamur og nýtinn og ganga vel um umhverfi sitt. Mæl þú manna heilastur hvað það varðar.

[Júlíus Björnsson, 22.3.2012 kl. 09:48]

EU neyðist til að draga úr allri orku noktun af náttúrlegum ástæðum, og líka að skapa nýja tegund af  neytendstörfum. Kapp er best með forsjá og nauðungar áherslur er mismunandi eftir svæðum að mínu mati. Meðan Íslendingar sætta sig við heirr hveravatn þá sætt sumir sig við litað vatn. Svo eru svo kallaðar orku  eða lálýsingar perur orðnar mjög dýrar á Íslandi kostuðu um 10 sinnum meira en hinar áður hefðbundnu fyrir nokkrum árum en er nú orðnar um 25 sinnum dýrari.  Spurning er hvort þetta tengist upplýsingum hjá orkuveitu um það sem þær eiga spara af orku í samanburði.  

Tilskipanir EU er ekki til að spara veltuskatta fyrirtækja að mínu mati heldur fyrst og fremst til að  jafna og minnka orku notkun á notanda innan EU að meðatali. Skólabækurnar eru svo tilgangurinn sem helgar meðalið. Fallegu rökin.