Nýtt verkefni fyrir rannsóknarnefnd Alþingis?

Í fyrradag var sagt frá því að spænska ríkið mundi yfirtaka Bankia bankann í því skyni að endurreisa trú á fjármálastjórn landsins og bankakerfinu. Sá er munur á aðkomu stjórnvalda hér á sínum tíma vegna Glitnismálsins í september 2008 og þessa spænska máls að þar höfðu endurskoðendur bankans neitað að undirrita reikninga samfara ásökunum um útblásna eignastöðu-greinilega meðvitaðri um stöðu mála en endurskoðendur Glitnis banka á sínum tíma.

Gæfa Spánverjaa er að eiga engan Gylfa Magnússon mótmælanda og fyrrum ráðherra, sem í kjölfar yfirtöku ríkisins á Glitni mælti fyrir áhlaupi á íslenska bankakerfið með fullum árangri. Hagfræðideildir Spænskra háskóla er líka meðvitaðri um mikilvægi þess að svona aðgerð takist og gangverk viðskiptalífsins en hagfræðideildir íslensku háskólanna voru fyrir bankahrunið hér.

Það er einnig athyglivert að enginn kennir Davíð um þessa yfirtöku eða fjandskap stjórnvalda við banka eða skammast út í forsætisráðherra, spænskt stjórnkerfi eða ríkisstjórn.  Forusta stjórnarandstöðuflokksins lætur sér ekki til hugar koma að kalla ríkisstjórnarflokkinn hrunflokk eða kenna markaðshagkerfinu um slæma stöðu spænskra banka og nauðsyn þjóðnýtingar Bankia.

Fyrst spænskir stjórnmálamenn og háskólamenn eru svona illa meðvitaðir þegar vandamál steðja að varðandi banka landsins, þá virðist full þörf á að virkja hið snarasta rannsóknarnefnd Alþingis að nýju til að rannsaka vanda spænsks stjórnkerfis og stjórnmála sem og skoða hvort ekki sé nauðsynlegt að landinu verði sett ný stjórnarskrá.

Ekki fer sögum af því að forsætisráðherrann spænski hafi boðað ríkisstjórnina til tíðra funda áður en gripið var til þjóðnýtingar Bankia en í einni frétt er sagt að ákvörðunin hafi meira að segja komið réðherrum á óvart. Sennilega er því einnig verkefni fyrir Landsdóm Markúsar Sigurbjörnssonar  að skoða hugsanlegt afbrot spænska forsætisráðherrans í aðdraganda bankakrísunar þar í landi.

Athugasemdir

[Jón Steinar Ragnarsson, 11.5.2012 kl. 12:02]

Bankia er í raun samsteypa sex eða sjö gjaldþrota banka sem voru settir undir einn hatt undir nafni Bankia. Bankia er ríkisbanki semsagt, en samt er stjórnin ekki betri en það að þessi ódrepandi banki í eigu ríkisvaldsins er á hausnum.

Spillingin innan ríkisvaldsins á spáni er ekkert minni en ef um einkaaðila væri að ræða enda situr ríkisvaldið sem leppustjórn ESB án samþykkis þjóðarinnar. 

Ætli Landsbankinn væri ekki kominn í þrot ef hér sæti leppstjórn ESB? Hvernig læt ég...það er hér leppstjórn ESB nú þegar. Þeir voru einmitt að fækka ráðuneytum að skipan æðstaráðsins og þræta svo fyrir að við séum í aðlögun.

[Eggert Guðmundsson, 11.5.2012 kl. 13:00]

Góður, Jón.  Gott að nudda aðeins í vitleysingana.

[Jón Magnússon, 11.5.2012 kl. 18:21]

Það er alveg rétt hjá þér Jón Steinar að Bankia er samsteypa nokkurra gjaldþrota banka, sem voru settir undir heitið Bankia.  Spænska stjórnin er að sjálfsögðu ekki leppstjórn ESB og ég efa það að það sé meiri spilling í æðsta stjórnkerfinu á Spáni en víða annarsstaðar þar á  meðal hér því miður.

[Jón Magnússon, 11.5.2012 kl. 18:21]

Þakka þér fyrir einkunina Eggert.

[Jón Steinar Ragnarsson, 11.5.2012 kl. 18:57]

Leppstjórn eða ekki, þá er tilhneigingin í eina átt í ESB Spáni.  Nafn forsætisráðherrans segir í raun sína sögu: Mariano Rajoy Brey Hitler Destch Mussolini. 

Eg er ekki að fara með fleypur. Hann heitir þetta og er af rótgrónum Franco fasisma runninn.  Þetta er sú þróun sem m.a. Nigel Farage hefur varað við. Sagan bítur í skottið á sér. Samruni ríkisvalds og auðvalds er aðalsmerki Fasismans og skilgreinir hann í raun frá öðrum ismum. 

Hefur þú trú á að þetta veiti á gott?