Þeir hamast að Ögmundi

Sporgöngufólk Steingríms J. Sigfússonar hamast nú að Ögmundi Jónassyni fyrir mannaráðningu í stöðu sýslumanns á Húsavík. Yfirsnati Steingríms, Björn Valur Gíslason er þarna í forustu eins og við mátti búast.

Sú niðurstaða að Ögmundur hefði brotið jafnréttislög var kærkomin fyrir Steingrím J.  Sama dag tilkynnti hann ráðningu ráðuneytisstjóra í nýtt atvinnuvegaráðuneyti - án auglýsingar, á grundvelli leyndarhyggju í andstöðu við góða stjórnsýslu. Þessi geðþóttaákvörðun Steingríms J. gleymdist þegar hann atti stuðningsliði sínu á Ögmund.

Sú markvissa barátta, að skapa séraðstöðu fyrir háskólamenntaðar framagjarnar konur á grunvelli hugmynda um jafnstöðu kynjanna er nokkuð sérstök. Mannréttindi eru fyrir einstaklinga en ekki hópa. Hvað afsakar það að séu tveir umsækjendur um stöðu jafnhæfir skuli kona tekin framyfir karlinn. Baráttan hefur ekki miðað við að bæta kjör og jafnstöðu láglaunakvenna. Þær hafa orðið útundan og femínistunum koma þær takmarkað við.

Árásirnar á Ögmund sýna vel að Steingrímur og hans lið ætlar að sjá til þess að menn eins og Ögmundur og Jón Bjarnason vaði ekki upp á dekk. Svik við Flokkinn og Foringjann verða ekki liðin. 

Athugasemdir

[Bjarni Gunnlaugur (IP-tala skráð) 3.9.2012 kl. 09:14]

Það er nú líka annar flötur á þessu máli og hann er sá hvað lög eru höfð flókin. Ef marka má Ögmund þá hefur hann, sjálfur ráðherrann með hóp af sérfræðingum til taks, farið í hvívetna eftir lögum sem annar hópur sérfræðinga kemst að þeirri niðurstöðu að hann hafi brotið.  Hvers eigum við litlu karlarnir (og konurnar) að gjalda?  Er ekki hægt að hafa lögin í þessu landi einföld,sanngjörn og skýr? Er kanski kominn tími til að endurskoða þessi blessuðu jafnréttislög með tilliti til þess?

[Anna Sigríður Guðmundsdóttir, 3.9.2012 kl. 09:52]

Þótt ég treysti Ögmundi ekki vegna svika hans við kjósendur í ESB-umsókninni, og tvískinnung hans í öllu því ferli, þá finnst mér þetta jafnréttis-öfgatal um hann ósanngjarnt. Rétt skal vera rétt. Maður verður að geta verið sanngjarn í sinni gagnrýni. Ef við tækjum nú á raunverulegu jafnréttisbrotunum á Íslandi, þá væri margt betra á Íslandi. Jafnrétti er nefnilega alls ekki kynbundið. Orðið  jafnrétti  þýðir í raun jafn réttur allra manna/kvenna/barna.

Stjórnarskráin hefur svo sannarlega verið hundsuð og margbrotin bæði fyrr og síðar, þegar kemur að jöfnum rétti allra.   

65.gr. Allir skulu vera jafnir fyrir lögum og njóta mannréttinda án tillits til kynferðis, trúarbragða, skoðana, þjóðernisuppruna, kynþáttar, litarháttar, efnahags, ætternis og stöðu að öðru leyti. Konur og karlar skulu njóta jafns réttar í hvívetna.

Það væri kannski ekki svo vitlaust af háttsettu hálauna-konunum á Íslandi, að byrja á að berjast fyrir launajafnrétti og mannréttindum á Íslandi. Þær háttsettu eru ekkert skárri en karlremburnar, þegar þær komast í valdastöður. Snobbaðar kvenrembur!

M.b.kv.

[Jón Magnússon, 3.9.2012 kl. 13:10]

Já það er löngu kominn tími til að endurskoða jafnréttislögin. Lögin eru í samræmi við það sem löggjafinn ákveður. Ef þau eru óskír þá er Alþingi um að kenna.

[Jón Magnússon, 3.9.2012 kl. 13:13]

Því miður þá er þetta svona Anna. Gott hjá þér að benda á 65.gr. stjórnarskrárinnar. Þar er talað að karlar og konur skuli njóta jafns réttar í hvívetna. Það þýðir þá líka að lögin um janfstöðu karla og kvenna sem kveða á um að kona skuli ráðinn frekar en karl ef þau eru jafn hæf brjóta að því leyti gegn þessu ákvæði stjórnarskrárinnar.

[Sigurður Þórðarson, 3.9.2012 kl. 15:06]

Sammála góðum pistli Jón, þetta virðast vera  "héraðsvíg".

Femenískir rétthugsunarvarðmenn minnir mig stundum á trúarlögregluna í Íran þó ekki stundi þeir hýðingar með priki eins og kollegar þeirra þar syðra.   Ef stjórnmálamenn í svokölluðum femenískum flokkum hafa efasemdir þykir þeim og reyndar fleirum öruggara að viðra þær ekki.

Venjulegar konur sem þurfa að hafa áhyggur af framfærslu sinna geta spurt sig hvort ekki séu brýnni mál á dagskrá.

[Valdimar Samúelsson, 3.9.2012 kl. 15:31]

Jón það er skrítið en jafnréttislögin virðast einu lögin sem er farið í saumanna á . Hvað annað er brotið þá er ekkert gert þótt það séu jafnvel Landráð.

[Jón Magnússon, 3.9.2012 kl. 20:55]

Þakka þér fyrir Sigurður, þarft og gott innlegg frá þér. Eins og við mátti búast.

[Jón Magnússon, 3.9.2012 kl. 20:56]

Þrýstihópurinn er svo stekur Valdimar sbr. það að Steingrímur J. er á sama tíma að ráða að geðþótta í stöðu ráðuneytisstjóra í atvinnumálaráðuneytinu og brýtur allar reglur um góða stjórnsýslu.

[Magnús Jónsson, 3.9.2012 kl. 22:50]

Jón: tvennt vefst fyrir mér í þessu ráðningarferli, ef ég er ekki að misskilja málið þá er kona sú sem kærir núverandi Síslumaður á Akranesi, þannig að ef hún hefði verið sett á Húsavík, þá hefði kvenkyns síslumönnum ekki fjölgað, og ráða hefði þurft í stöðuna á Akranesi????, eða hvað.

Annað er að ef Ráðherra brítur lög og er dæmdur til greiðslu skaðabóta, hví er það Ríkissjóður sem borgar bæði skaðabæturnar og málskostnað, á hér við mál Foreætisráðherra, ef við þú og ég brjótum lög þá verðum við sjálfir að borga, þar dugir ekki að segja "mamma borgar", eða er ég að misskilja þetta allt saman.

[Jón Magnússon, 5.9.2012 kl. 13:00]

Magnús hún er sett en ekki skipuð.  Ætli ekki sé beðið eftir því hvort Sérstakur snúi aftur sem er raunar ólíklegt.  Alveg hárrétt hjá þér Ríkissjóður borgar.