Loksins frábær fréttamennska.

Það er gaman að verða vitni að góðri, vandaðri og framsækinni fréttamennsku eins og í Kastljósi kvöldsins. Því miður gerist það allt of sjaldan en það er ekki þeim fréttamönnum að kenna sem unnu Kastljósþáttinn þar sem sýnt var fram á því miður hvernig stjórnsýslan, Ríkisendurskoðun og Alþingi bregðast hlutverki sínu.

Milljarðar streyma  eftirlitslaust úr ríkiskassanum án þess að nokkur geri alvarlegar athugasemdir við það.

Á sama tíma er sagt frá því að topparnir í slitastjórn Glitnis taki ótrúlegar fjárhæðir í laun og aðrar greiðslur. Þeir Steingrímur J. Sigfússon og þáverandi viðskiptaráðherra Gylfi Magnússon gerðu sérstakar athugasemdir við sjálftöku slitastjórna í umræðum á Alþingi í ársbyrjun 2010. Af hverju gerðu þeir svo ekki neitt.  Ég vildi á sínum tíma að það yrðu kosnar bankastjórnir í föllnu bankana en ekki slitastjórnir. En það þótti of dýrt.   

Jóhannes Kr. Kristjánsson og Sigurður Jakobsson fréttamenn á RÚV eiga heiður skilið fyrir vandaðan þátt og Helgi Seljan spurði beinskeyttra spurninga að vanda.

Væri ekki rétt að einhver þessara fréttamanna önnuðust um fréttir frá Alþingi.

Athugasemdir

[S i g u r ð u r S i g u r ð a r s o n, 24.9.2012 kl. 22:26]

Ríkisendurskoðun er nú ekki á sömu skoðun samkvæmt yfirlýsingu stofnunarinnar í kvöld.

[Ásthildur Cesil Þórðardóttir, 24.9.2012 kl. 22:58]

Algjörlega sammála þér í þessu, þetta er bara óþolandi kæruleysi ráðamanna með skattfé borgaranna.

[Þórólfur Ingvarsson, 24.9.2012 kl. 23:40]

Ég spyr bara, hvað er eiginlega að gerast þvílíkur viðbjóður en frábært að þetta er dregið fram í Kastljósinu.

[Jón Magnússon, 25.9.2012 kl. 15:50]

Nei og þar á bæ hvarflar að mönnum að koma böndum á tjáningarfrelsið Sigurður og reyna að fá lögbann við flutningi Kastljós þáttar. Það væri nú heldur betur saga til næsta bæjar ef ríkisstofnun A fer í mál við ríkisstofnun B til að reyna að koma í veg fyrir tjáningarfrelsið. Gef lítið fyrir yfirvarpið um þjóðaröryggið. Hvar ætli það vandamál liggi svosem varðandi umfjöllun Kastljóss.

[Jón Magnússon, 25.9.2012 kl. 15:53]

Því miður Ásthildur og það var dapurlegt að fá tvær fréttir í gær um það að ákveðnir aðilar geta verið á beit hjá skattgreiðendum eða föllnu bönkunum.  Þó fátt komi manni lengur á óvart þá gerir þetta það.

[Jón Magnússon, 25.9.2012 kl. 15:54]

Sammála Þórólfur.

[S i g u r ð u r S i g u r ð a r s o n, 25.9.2012 kl. 15:57]

Nei, Jón. Vandamál Kastljóssins og þeirra fingralöngu er að þeir vita ekki hvað er rétt og hvað rangt í skýrsludrögunu. Hitt er svo annað mál að kaupin á þessu bókhaldskerfi er í tómu rugli. Ekki rugla þessum tveimur málum saman, stuldinum og efni skýrslunnar.

[Jón Magnússon, 26.9.2012 kl. 00:33]

Góð ábending Sigurður. En ég rugla þessu ekki saman.