Verndarar sjálftökuliðsins.

Í október 2008 tókst á ótrúlegan hátt að taka yfir rekstur bankanna og  tryggja almenningi bankaþjónustu.  Skipaðar voru skilanefndir sem fengu það hlutverk að koma fram sem stjórnir í viðkomandi fyrirtækjum.  Samið var við skilanefndarmenn um 16.000 króna tímagjald.

Jóhanna Sigurðardóttir og Kúbu-Gylfi Magnússon fordæmdu tímataxta skilanefnda í ársbyrjun 2009.  Þóttust þau ætla að koma böndum á ofurlaun þeirra.  Árangur Gylfa og Jóhönnu í þessu var ekki betri en í öðru sem þau hafa tekið sér fyrir hendur.  Laun í skilanefndum og slitastjórnum lækkuðu ekki undir handleiðslu Gylfa og Jóhönnu.  Þvert á móti hefur komið fram í fréttum að þau hafi fljótt hækkað um 120%.  Þessu til viðbótar var sjálftökuliðinu heimilað að semja við eigin fyrirtæki um þjónustu við þrotabú gömlu bankanna sem þetta sama fólk stjórnar sem skilanefndarmenn.

Samkvæmt lögum um fjármálafyrirtæki hafa skilanefndarmenn og slitastjórnarmenn stöðu stjórnarmanna - auk þess að vera opinberir sýslunarmenn.  Stjórnarmenn í fjármálafyrirtækjum bera ákveðnar skyldur og Fjármálaeftirlitið, sem heyrði undir ráðuneyti Gylfa, og nú Steingríms J. hefur eftirlit með stjórnarmönnum fjármálafyrirtækja. Eftirlitsskylda Fjármálaeftirlitsins var síðan að nauðsynjalausu sérstaklega áréttuð með lögum nr. 78/2011 sem tóku gildi fyrir tæpu einu og hálfu ári.

Gylfi Magnússon og Jóhanna Sigurðardóttir gerðu ekkert til að fylgja eftir stóru orðunum frá 2009 ?  Þau voru  verndarar sjálftökunnar. Nú eru það Jóhanna Sigurðardóttir og Steingrímur J. Sigfússon sem eru verndarar sjálftökuliðsins.  Undan þeirri ábyrgð getur Steingrímur J. ekki vikist þó hann fari ítrekað með fleipur um málið í fjölmiðlum af alkunnum orðhengilshætti. Annað hvort veit Steingrímur J ekki betur, en það sýnir þá vanhæfni hans, eða þá að hann stendur meðvitað með sjálftökuliðinu. 

Athugasemdir

[Hlynur Jörundsson (IP-tala skráð) 27.9.2012 kl. 20:35]

Þær eru orðnar ansi hjáróma afsakanirnar og skýringarnar.

Og ekki bara í slitastjórnamálum.

Þá hefur lengi verið ljóst hvernig stefndi ... en ekkert að gert ... enda stóð ekki til.

Það á hér sama við og um upprunarlegu yfirlýsingarnar um skjaldborg ... innantóm orð og gutl til að halda sætunum sem lengst.

Verður fróðlegt að sjá með nýjustu yfirlýsingunni hennar Jóhönnu um að hún ætli að forða sér áður en afleiðingarnar koma í ljós ... koma til með að snerta SJS ... því ekki er víst að arftaki Jóhönnu njóti sömu samtrygginar við SJS og veiti sömu samtryggingu og Jóhanna veitti SJS.

 FME var og er ennþá bara djók .. þó svo þeir hafi notað Guðlaugsmálin til að lenda ekki með verra upp á borðum almennings.

[Halldór Jónsson, 30.9.2012 kl. 13:02]

Hvernig fer öðruvísi þegar rekstrarlegir analfabetar taka við rekstri þjóðfélags. Ef það hefði verið einn rekstrarkommisar skipaður yfir skilanefndirnar hefði þessi grímulausi þjófnaður á almannafé sem þarn fór og fer fram aldrei skeð.