Rökfræðileg uppgjöf. Atlagan að stjórnarskránni VIII.

Stjórnlagaráðsliðar sem hafa hvað hæst um nauðsyn heildarbreytingar á stjórnarskránni eru rökþrota.

Undanfarið hef ég hrakið rök og sjónarmið þeirra sem standa að atlögunni að stjórnarskránni. Engin haldbær mótmæli hafa komið fram þó að sjónarmið stjórnlagaráðsliðanna hafi verið hrakin lið fyrir lið. 

Rangfærslum og ósannindum er beitt er af hálfu þeirra sem krefjast þess að þóðin játi ófullburða og oft vanhugsuðum tillögum stjórnlagaráðsins.  Þeir treysta sér ekki til að mótmæla með rökum en halda sig við sömu röngu fullyrðingarnar í þeirri von að blekka megi þjóðina fram yfir kjördag.

Rökfræðileg uppgjöf þeirra sem gera atlögu að stjórnarskránni er algjör.

Það skiptir því máli að kjósendur hrindi þessari atlögu og mæti á kjörstað og sýni upphlaupsliðinu það sem það á skilið með atkvæði sínu.

Til ítrekunar vil ég benda á að tillögur stjórnlagaráðs breyta ekki fiskveiðistjórnarkerfinu, þær greiða ekki lánin, þær afnema ekki verðtrygginguna og þær hafa ekkert með hrun á banka- eða fjármálamarkaði að gera.

Þetta upphlaup og atlaga að stjórnarskránni hefur dregið athygli þjóðarinnar frá þeim verkefnum sem eru mikilvægust og skipta máli við uppbyggingu aukinnar velferðar og velmegunar.

Ljúkum þessu óráðs- ferli núna og segjum afgerandi  Nei við tillögum stjórnlagaráðs.

Snúum síðan bökum saman til sóknar til aukins jöfnuðar, gegn spillingu, gegn verðtryggingu og fyrir bættum lífskjörum.

Athugasemdir

[Kjartan Eggertsson, 19.10.2012 kl. 13:48]

Jón! Það er ekki verið að kjósa um stjórnarskrá. Hins vegar er verið að spyrja þjóðina um grundvallaratriði sem Alþingi mun væntanlega taka tillit til ef það á annað borð ætlar sér að gera breytingar á stjórnarskránni.

Og þessi atriði sem spurt er um er einmitt grunnu þess að "snúum síðan bökum saman til sóknar til aukins jöfnuðar, gegn spillingu, gegn verðtryggingu og fyrir bættum lífskjörum"' eins og þú orðar svo vel.

[Ómar Ragnarsson, 19.10.2012 kl. 20:12]

Var það "atlaga að stjórnarskránni" þegar talsmenn allra flokka á Alþingi sögðu fyrir lýðveldisstofnun 1944 að stjórnarskráin væri bráðabirgðastjórnarskrá og hétu því að eftir ófriðinn yrði farið í það að semja nýja stjórnarskrá frá grunni?

Var það "atlaga að stjórnarskránni" þegar þáverandi forseti Íslands, Sveinn Björnsson, brýndi ráðamenn þjóðarinnar til að ljúka því verki sem þeir hefðu lofað?

[Ágúst H Bjarnason, 19.10.2012 kl. 21:09]

Takk fyrir góða pistla um stjórnarskrármálið.

Ég mætti hjá sýslumanni í gær.  Lét nægja að svara fyrstu spurningunni í skoðanakönnuninni.  

[B.N. (IP-tala skráð) 19.10.2012 kl. 23:21]

Þjóðin þarf að velja sér stjórnmálamenn til forustu sem fara eftir stjórnarskránni sem nú er. Velji þjóðin sér stjórnmálamenn í framtíðinni sem færu eftir stjórnarskránni en ekki eftir eins og þröngir sérhagsmunir segðu hverju sinni hefði það sama ígildi að Íslendingar hafi fengið nýja stjórnarskrá því síðan danir gáfu okkur stjórnarskránna höfum við aldrei haft stjórnmálastétt sem hefur lagt sig í líma að fara eftir henni svo vel sé.

Ég óttast að eftir daginn á morgun sama hvernig fer munu sérhagsmunirnir í landinu snúa umræðunni um kosningarnar með helstu fjölmiðla landins að vopni þannig að margir munu ekki vita hvað snýr upp eða niður í þessu stjórnarskrá máli.

Lýðræði er vinna án gjalds!

Lýðræði eru hlekkir þjóðarinar!

Lýðræði er aldrei sterkara en veikasti hlekkurinn!

Lýðræði byggt á sérhagsmunum er ekki lýðræði!

Baldvin Nielsen

[Jón Magnússon, 19.10.2012 kl. 23:22]

Kjartan ég er fyrst og fremst að tala um spurninguna hvort leggja eigi tillögur stjórnlagaráðs til grundvallar nýrri stjórnarskrá. Það finnst mér ekki hægt. Í fyrsta lagi vegna þess að þar er um illa orðaðar tillögur að ræða. Í öðru lagi er verið að setja inn í stjórnarskrá alls konar hluti sem þar eiga ekki heima og í þriðja lagi þá eru það ekki nema nokkur atriði sem þarf að endurskoða varðandi stjórnarskrána. Þá á að skoða og gera breytingar eftir góða og grandvara skoðun helst í góðri sátt aukins meirihluta fólksins í landinu.

[Jón Magnússon, 19.10.2012 kl. 23:29]

Þetta er töluverður misskilningur hjá þér Ómar. Í pistli mínum í dag rek ég atriði úr ræðu Bjarna Benediktssonar þáverandi formanns stjórnarskrárnefndar árið 1953 eða 9 árum eftir að lýðveldisstjórnarskráin var samþykkt. Þar rekur hann hvaða hugmyndir voru uppi. Þar var hvergi talað um heildarendurskoðun heldur þvert á móti. Þess vegna er það slitið úr sögulegu samhengi að tala um heildarendurskoðun sem hafi verið ákveðin árið 1944. Bjarni Benediktsson kvartar einmitt yfir því að tillögur um breytingar hafi ekki komið fram frá öðrum en Sjálfstæðismönnum þau ár sem hann var formaður stjórnarskrárnefndar. Þarna er um samtíma heimild að ræða Ómar og ég vísa í hana blaðsíðutal og allt. Kynntu þér þetta og hafðu það sem sannara reynist kæri vinur.

Það voru uppi deilur um vald forseta og þess vegna talaði Sveinn Björnsson með þessum hætti. Bjarni Benediktsson rekur það vel í ræðu sinni á Varðarfundinum árið 1953 sem ég vísa til í næstu færslu á undan. Þar gerir hann grein fyrir 5 tillögum sem sjálfstæðismenn fluttu um breytingar á stjórnarskránni til að auka völd forseta lýðveldisins.

Ég hef það mikið álit á þér Ómar sem vönduðum manni að ég trúi ekki öðru en þú viljir skoða málið í réttu ljósi. Ég er þess vegna tilbúinn til að setjast niður með þér eftir kosningar og fara í gegn um þetta með þér og sýna þér fram á hver hin sögulega staðreynd er í málinu.

[Jón Magnússon, 19.10.2012 kl. 23:30]

Þakka þér fyrir Ágúst. Mér finnst það líka mikilvægasta spurningin.

[Kári H. Sveinbjörnsson (IP-tala skráð) 20.10.2012 kl. 08:32]

Dettur alltaf þessi kveðskapur í hug þegar Ómar poppar upp með stælum og asnasrikli..

Piss piss og pelamál

púðursikur og evra

þegar mér er mikiðb mál

þá míg ég bara í skóna

[B.N. (IP-tala skráð) 20.10.2012 kl. 10:17]

Þjóðin þarf að velja sér stjórnmálamenn til forustu sem fara eftir stjórnarskránni sem nú er. Velji þjóðin sér stjórnmálamenn í framtíðinni sem færu eftir stjórnarskránni en ekki eftir eins og þröngir sérhagsmunir segðu hverju sinni hefði það sama ígildi að Íslendingar hafi fengið nýja stjórnarskrá því síðan danir gáfu okkur stjórnarskránna höfum við aldrei haft stjórnmálastétt sem hefur lagt sig í líma að fara eftir henni svo vel sé.

Ég óttast að eftir daginn á morgun sama hvernig fer munu sérhagsmunirnir í landinu snúa umræðunni um kosningarnar með helstu fjölmiðla landins að vopni þannig að margir munu ekki vita hvað snýr upp eða niður í þessu stjórnarskrá máli.

Lýðræði er vinna án gjalds!

Lýðræði eru hlekkir þjóðarinar!

Lýðræði er aldrei sterkara en veikasti hlekkurinn!

Lýðræði byggt á sérhagsmunum er ekki lýðræði!

Baldvin Nielsen

P.S. Dæmi brot á stjórnarskrá sem er í dag.

Árið 1944 var íslenska krónan(gamla krónan) ein dönsk króna en í dag 2012 er danska krónan reiknuð í gömlu íslensku krónunni 2200 krónur!!!

Þessi  tæra snilld í fjármálum hér á landi samræmist ekki stjórnarskránni  því þessi aðferð býr til óviðráðanlegan skuldir við útlönd fyrir ríkið við missum efnahagslegt sjálfstæði.

Segjum nei á kjördag því það eru skilaboð til stjórnmálanna að fara eftir stjórnarskránni sem nú er í einu og öllu!!

[Halldór Björgvin Jóhannsson, 20.10.2012 kl. 10:22]

Þetta er ekki flókið val í kosningunum 20.10.2012, það er einfalt X við nei við spurningu eitt, engin ástæða til að samþykkja opið skotleyfi fyrir ríkisstjórnina á stjórnarskránna, hún er fín eins og hún er, það þarf bara að fara fylgja henni og þeim lögum sem henni fylgja.

[Jón Magnússon, 20.10.2012 kl. 22:59]

Skil ekki haf hverju þið komuð ekki inn í athugasemdakerfið fyrr Baldvin og Halldór. En þakka ykkur fyrir innleggið og ég hef í sjálfu sér engu við að bæta.