Hlutfallslega mest aukning þjóðarframleiðslu hvað?

Jóhanna Sigurðardóttir þrástagast á því að á Íslandi hafi orðið mestur vöxtur þjóðarframleiðslu ríkja í Evrópu á síðasta ári. Þetta er raunar ekkert afrek miðað við aðstæður undanfarin ár.

Þetta minnti mig á vini mína tvo sem fóru í megrunarkeppni um áramótin 2011. Þeir voru báðir 100 kg. Um áramótin 2012 hafði Gulli vinur minn náð af sér 8 kg. en Gústi vinur minn bætt á sig 2. Þeir ákváðu að halda keppninni áfram og um þessi áramót hafði Gulli  bætt á sig 2 kílóum og var orðinn 94 kg., en Gústi náði af sér hálfu og var 101.5 kg. Þegar þeir ræddu þetta vinirnir sagði Gústi. Þú ert nú meiri feitabollan Gulli bætir á þig 2 kílóum meðan ég næ af mér hálfu kílói. Gústi ræddi það síðan endalaust hvað hann hefði náð að gjörsigra Gulla hlutfallslega í megrunarkeppninni árið 2012.

Hér fljótum vér eplin sögðu hrossataðskögglarnir.

Athugasemdir

[Anna Sigríður Guðmundsdóttir, 2.1.2013 kl. 23:42]

Er ekki rétt að setja slitastjórnar-krakka bankanna í megrun? Það gæti verið hættulegt fyrir bankana að missa þessa hæfileikaríku og ofurlaunuðu krakka úr þeirri ábyrgðarmiklu vinnu, að ræna almenning þessa lands.

Vonandi verður megrunardeild á nýja háskólasjúkrahúsinu fyrir þá sem eru orðnir sjúkir af ofeldi bankaræningjanna dómara-lögvörðu.

M.b.kv.

[B.N. (IP-tala skráð) 3.1.2013 kl. 10:26]

Sæll Jón

Langaði að senda hérna inn aftur sem ég setti hérna inn hjá þér þegar þú varst að skrifa  ,Ónýtur gjaldmiðill'' í mars 2008 ,,Seðlabankinn er að reyna að taka úr umferð krónur með þessum háu stýrivöxtum til að reyna að sporna við miklu framboði af innlendri mynt sem ekki er innistæða fyrir því miður. Seðlabankanum  hefur gengið illa hingað til að ná fram sínum markmiðun vegna EES samningsins því í gengnum hann hefur um langa hríð flætt óhindrað erlent lánsfjármagn inn í okkar hagkerfi stjórnlaust. Nú eru þeim veisluhöldum lokið. En það jákvæða í þessu öllu saman er að framundan þarf íslensk þjóð ekki að hafa áhyggjur af umframþyngd sulturinn sér um sína''

Baldvin Nielsen, Reykjanesbæ

B.N. (IP-tala skráð) 1.3.2008 kl. 18:13

P.S. Kannski átti Jóhanna að vísa í mín orð í stað orða danska hagfræðingsins hjá Danske Bank sem hún talaði svo mikið um í áramótaræðunni

[Jón Magnússon, 3.1.2013 kl. 13:40]

Meinarðu að aukningin sé mest þar Anna.

[Jón Magnússon, 3.1.2013 kl. 13:40]

Það er alveg rétt hjá þér Baldvin hún hefði átt að hlusta á ýmsa fyrr.

[Anna Sigríður Guðmundsdóttir, 4.1.2013 kl. 23:24]

Jón. Nei, eiginlega var þetta vanhugsuð háðs-athugasemd frá mér, sem ekki var réttlát.

Ég biðst afsökunar á að hafa skrifað þessa óréttlátu athugasemd.

Ég held nefnilega að gull-krydd sé kannski ekki svo fitandi, þótt ég viti það nú ekki.

Maður þarf að hafa vit á að biðjast afsökunar, þegar maður er ósanngjarn. Ég reyni mitt besta til að vera sanngjörn í minni hvössu gagnrýni. Ég þarf að sjálfsögðu réttláta gagnrýni á það vanhugsaða sem ég skrifa. Ég læri mest á leiðbeiningum og réttlátri gagnrýni.

M.b.kv.