Vaktstjóri vill athygli.

Vaktstjóri lýðræðisvaktarinnar prófessor Þorvaldur Gylfason er að vonum óánægður yfir  hvað litla athygli framboð hans og fræga fólksins vekur.  Þetta gerist þrátt fyrir að Þorvaldur státi af skrautlegasta hattinum, víðfeðmustu úlpunni og hann tali jafnan bæði á út- og innsoginu þegar hann flytur þjóðinni boðskap sinn um lýðræðið frá Austurvelli.

Til að vekja á sér athygli hefur Þorvaldur skorað á formann Samfylkingarinnar til kappræðna um stjórnarskrármál.  Nauðhyggja Þorvaldar kemur hvað best í ljós af þessari áskorun vegna þess að hafi einhver flokkur ljáð stórnlagaráðsrugli hans einhverja athygli og reynt að þröngva því upp á þjóðina þá er það Samfylkingin. Um hvað ætlar þá vaktstjórinn að kappræða við  Árna Pál?

Þorvaldur vaktstjóri stóð að stofnun Dögunar og samþykkti að fara í framboð fyrir Dögun með því sklyrði að verðtrygging yrði ekki tekin af neytendalánum. Dögun samþykkti það ekki og þá klauf Þorvaldur sig frá Dögun ásamt Pétri Gunnlaugssyni, Lýð Árnasyni og fleiri mannvitsbrekkum úr stjórnlagaráðinu sáluga. Einingin varði hins vegar ekki lengi því að vaktstjórinn hafði það af að hrekja ýmsa sálufélaga sína af vaktinni og stofna nýja flokka. Svo tók vaktstjórinn upp málefnið sem klauf hann frá Dögun.

Vaktstjórinn ber ábyrgð á a.m.k. 4 framboðum við þessar kosningar vegna einþykkju sinnar og fordildar.  Fróðlegt verður að sjá hvernig þessi efnakljúfur sjálfrar náttúrunnar telur að hann geti náð að sameina þjóðina fyrst hann hefur náð fjórfaldri sundrungu á nokkrum vikum. 

Ef til vill væri rétt að skattgreiðendur gerðu kröfu um að vaktstjórinn sem og talsmaður neytenda og fleiri færu að vinna vinnuna sína en séu ekki endalaust áskrifendur að laununum sínum á kostnað skattgreiðenda meðan þeir bullukollast í pólitík.

 

Athugasemdir

[Kristján B Kristinsson (IP-tala skráð) 16.4.2013 kl. 15:47]

Að láta svona rugludall eins og Þorvald Gylfason búa til nýja stjórnarskrá er svona álíka og að láta slátrara vinna við skurðarborðið á spítala vegna þess að hann kann að beita hníf.

[Jósef Smári Ásmundsson, 16.4.2013 kl. 16:48]

Minnir svolítið á það þegar Ástþór Magnússon(tvöþúsundkallinn)var að skora á Ólaf Ragnar(forsetann) í kappræður.Mér finnst maðurinn gera svolítið mikið úr Árna Páli með þessu.Hefði ekki verið vænlegra að skora t.d. Sigmund Davíð eða Bjarna Ben á hólm?

[Anna Sigríður Guðmundsdóttir, 16.4.2013 kl. 20:12]

Ég fletti DV-þjóðfélags-gróusögu-áróðurs-ritinu í dag, og við mér blasti auglýsing frá Þorvaldi Gylfasyni: Ég er áskrifandi að DV, því Dv þorir...og svo frv.

Eftir situr í mínum huga: Hverjir halda Þorvaldi Gylfasyni og Dv-gróusögunum gangandi?

Ég leyfi mér að ígrunda allt sem ég les og heyri, og tek afstöðu út frá minni eigin sannfæringu hverju sinni!

Sannfæringin mín er ekki til sölu. Enda er hún lítils virði í krónum, evrum og dollurum talið!

Hugsjónir og sannfæringar eru ekki til sölu, heldur ómetanleg hugsjóna-sálarauðlind hvers og eins.

Ef þú ert ekki þú sjálfur í lífinu, hver ættir þú þá að vera?

Jesús var hann sjálfur og var drepinn! ætlum við að láta hræða okkur frá að standa óhrædd með kærleiksboðskapnum?

M.b.kv.

[Jón Magnússon, 17.4.2013 kl. 09:52]

Já og það sem meira er Kristján. Hagfræðiprófessorinn Þorvaldur Gylfason sem var ráðgjafi Inbibjargar Sólrúnar þá utanríkisráðherra sá ekki að neitt væri athugavert í íslenskum efnahagsmálum fyrir Hrun og starfaði á vegum Bagusveldisins auk þess að gefa Ingibjörgu ráð og lagði til skömmu fyrir Hrun að farin yrði Írska leiðin út úr efnahagsvanandum með því að skattgreiðendur ábyrgðust skuldir einkabankana. Hefði tillögum Þorvaldar verið fylgt væri Ísland gjaldþrota og á álíka stað og Zimbabwe,

[Jón Magnússon, 17.4.2013 kl. 09:53]

Það hefði verið eðlilegra að skoar á jafningja sinn, Arnþrúði Karlsdóttur frambjóðanda í Reykjavík Norður fyrir flokk heimilanna þau Þorvaldur eru á mun líkara róli og vön að tala saman í hljóðnemann á útvarpi Sögu nú gætu þau farið í kappræður.

[Jón Magnússon, 17.4.2013 kl. 09:54]

Dálæti DV á Þorvaldi Gylfasyni og Þorvaldar Gylfasonar á DV segir töluverða sögu bæði um blaðið og Þorvald vaktstjóra.

[Kristján B Kristinsson (IP-tala skráð) 17.4.2013 kl. 11:08]

Sæll Jón, já maður er hugsi yfir Viðskipta og hagfræðideild HÍ sem virðist skarta hverri silkihúfunni upp af annri eins og fræðilegur metnaður sé eitthvað óþekkt fyrirbæri þar á bæ.  

[Jón Magnússon, 17.4.2013 kl. 23:00]

Já það segir þú satt Kristján.