Báknið burt er forgangsverkefni

Forsenda þess að ríkisstjórnin geti framkvæmt þá góðu hluti sem hún lofar að framkvæma á þessu kjörtímabili er m.a. að draga mjög úr umsvifum og útgjöldum ríkisins.

Til tilbreytingar mætti fara aðra leið við að ná útgöldum ríkisins niður en norræna velferðarstjórn Jóhönnu fór.

Í stað þess að ráðast að sjúkrastofnunum, öryrkjum og öldruðum mætti skoða að skera í burtu flottheitin og fíneríið og fituna sem hefur dafnað ágætlega hjá ríkinu frá því fyrir Hrun.

Af hverju má ekki endurskipuleggja utanríkisþjónustuna miðað við nútímaþarfir í margmiðlunarumhverfi? Leggja niður sendiráð og fækka starfsfólki. Hvað með að draga úr styrkjum til stjórnmálaflokka, samtaka og félaga sem eðlilegt er að standi á eigin fótum án aðkomu skattgreiðenda. Hvað með að einfalda ríkiskerfið án þess að draga úr þjónustu með hjálp tækninnar? Hvað með að draga úr velferðarkerfi atvinnuveganna?

Spennandi verkefni bíða nýs menntamálaráðherra, en hann þarf að einhenda sér í að íslenskir námsmenn útskrifist stúdentar 2 árum fyrr en þeir gera núna þ.e. á sama aldri og í nágrannalöndum okkar.  Auk þess þarf að umbylta skólastarfinu þar sem möguleikar í margmiðlun gefa tækifæri til að bæta kennslu og fræðslu með mun minni tilkostnaði en nú.

Athugasemdir

[Helgi Þór Gunnarsson, 23.5.2013 kl. 21:31]

Sæll Jón, mér lýst mjög vel á þessar tilögur, af hverju ekki? Ríkisstjórnin ætti náttúrulega að taka til í eiginn ranni fyrst áður en grunnstoðir sammfélagsins eru næstum því hristar í sundur.

[Helgi (IP-tala skráð) 23.5.2013 kl. 22:02]

Sæll.

Það er nú einu sinni þannig að menn fara alltaf verr með annarra manna fé en sitt eigið. Það skýrir sennilega tröllvaxnar lífeyrisskuldbindingar hins opinbera - sem hvergi koma fram í fjárlögum. Það skýrir líka þá gríðarlegu sóun sem á sér stað í opinbera geiranum. Við erum í raun gjaldþrota og samt virðast ferlega fáir sjá þörfina á miklum niðurskurði í opinbera geiranum. Alltof margir telja það sjálfsagðan hlut að leggja stein í götu þeirra sem eru að reyna að skapa verðmæti. Svona hugsunarháttur er dýr, það höfum við fundið á eigin skinni undanfarin ár :-(

Það er gott hjá þér að vekja athygli á þessum risavaxna vanda sem stór opinber geiri er. Annars er ljóst að menntakerfið hefur brugðist illa undanfarna áratugi enda sést það gleggst á því að menn skuli ekki átta sig á skaðsemi sósíalisma. Af hverju ætti íslenskur sósíalismi að vera öðru vísi en t.d. sovéskur sósíalismi?

Mér finnst alltaf jafn merkilegt að hlusta á SA og ASÍ fimbulfamba um kaupmátt og launahækkanir án þess að fatta hvar vandinn liggur. Besta kjarabótin sem fólk getur fengið er veruleg lækkun skatta á fyrirtæki og einstaklinga. Þá hafa einstaklingar meira á milli handanna og fyrirtæki geta ráðið fleiri til sín, fært út kvíarnar eða hækkað laun þeirra sem fyrir eru. Ég minni á að á árunum 1991-2001 voru skattar á fyrirtæki lækkaðir í þrepum úr 45% í 18%. Þessi lækkun varð þess valdandi að tekjur hins opinbera af þessum skattstofni þrefölduðust!

Segja þarf upp verulegum fjölda opinberra starfsmanna og leggja má niður heilu ríkisbatteríin eins og t.d. jafnréttisstofu, FME, SÍ, matvælastofnun (hið opinber á ekki skipta sér að því hvað fólk leggur sér til munns) og fullt af nefndum. Hleypa þarf einkaðilum að í heilbrigðisþjónustu, sorphirðu, menntamálum og víðar. Slá þarf fullt af fáránlegum reglum af og reyna að laða til okkar erlenda fjárfesta (sem gerist með því að hafa skatta lága og lágmarka opinber afskipti).

Allir eiga að greiða sömu skattprósentuna, annað er gróf mismunun. Lögfræðingastéttin hefur farið illa að ráði sínu að benda ekki á þá lögleysu að mismuna fólki eftir tekjum.

Annars byrja menn hér alltaf á vitlausum enda, við þurfum að átta okkur á því hvað við viljum að hið opinbera geri og fjármagna svo það almennilega í stað þess að fjársvelta t.d. lögregluna og heilbrigðiskerfið. Það er sjálfsagt ekki traustvekjandi fyrir sjúklinga að sjá plástra á tækjum? 

Við höfum ekkert við ýmis ríkisbatterí að gera og gott hjá þér að vekja athygli á því. Hið opinbera torveldar verðmætasköpun og veldur því lakari lífskjörum en ella, kjósendur verða að fara að kveikja á perunni með það.

[Helgi Jónsson (IP-tala skráð) 23.5.2013 kl. 22:03]

Hvað með að fjölga ekki Ráðherrum og þenja þar með báknið..??

[Kristján B Kristinsson (IP-tala skráð) 24.5.2013 kl. 12:47]

Sæll Jón, það virðist vera eitthvað óskaplegt tregðulögmál í gangi þegar kemur að því skera óþarfa fitu af ríkisbákninu, er ekki vandamálið það að elítan sem hefur komið sér þar fyrir er hávær, fyrirferðamikil og samtryggð þegar reynt er að taka eitthvað frá henni? þá er auðveldara að ráðast á sjúklinga og gamalmenni eins og dæmin sanna. 

[Sigurður M Grétarsson, 26.5.2013 kl. 15:43]

Það má vel vera að það sé svigrúm til sparnaðar en reyndar var búið að fara vel yfir það af fráfarandi ríksistjórn sem var búin að ná góðum árangri á því sviði sérstaklega í stjórnarráðnum. Sigmundur talaði um það í viðtali að það eigi að stofna stafshóp sem á að fara yfir rekstur ríksins með sparnað í huga og tiltekur sérstaklega sameiningar sem gætu skilað sparnaði og jafnvel líka betri þjónustu. Þetta hljómar undarlega í ljósi þess að eitt fyrsta verk nýrrar ríkisstjórnar er að taka til baka vel heppnaða sameiningu ráðuneyta sem hefur skilað bæði sparnaði og betri skilvirkin í stjórnsýslunni. Þetta gera þeir bara til að koma fleiri flokkshestum að í ráðherrastöður.

Það á því að spara með sameiningum en ekki í þeirra eigin bakgarði. Þetta gefur ekki góðan tón varðandi sameiningar ríkisstofnanna þar sem gömlum flokkshundum þessara sömu flokka hefur verið komið fyrir í æðstu stöðum. Hætt er við að í forgangi verði jafnvel minna hagkvæmar sameiningar þar sem ekki þarf að hrófla við þeim mönnum.