Bjartar vonir vakna.

Óvenju miklar vonir virðast bundnar við nýju ríkisstjórnina. Margir af stuðningsmönnum Samfylkingar og Vinstri grænna segjast binda vonir við nýju stjórnina. Það hefur komið nokkuð á óvart hvað stuðningur við stjórnina er víðtækur.

Vissulega á hver ríkisstjórn sína hveitibrauðsdaga og það skiptir máli að nota þá sem best.  Það er ánægjulegt að finna þá breytingu sem hefur orðið á viðhorfi fólks. Nú horfa margir vongóðir fram á veginn og búast við góðum árangri ríkisstjórnarinnar hinir sem eru ekki eins bjartsýnir segja samt: "Þetta verður ekki verra en sú ríkisstjórn sem fyrir var" og bæta jafnvel við:  "Það er ekki hægt." 

Ríkisstjórn Jóhönnu Sigurðardóttur var rúin trausti og jafnvel hörðustu stuðningsmenn Samfylkingar og Vinstri grænna jánka því margir að sú ríkisstjórn hafi með öllu brugðist í að efna kosningaloforð en murrast stundum með einhverjar afsakanir af hverju gekk svona illa.

Það er sögunnar að skilgreina það betur af hverju ríkisstjórn Jóhönnu var jafnslæm og raun bert vitni. Það er ekki viðfangsefnið í dag. Viðfangsefnið í dag er að þessari ríkisstjórn gangi sem allra best.

Standi þessi ríkisstjórn sig ekki þá verðum við vissulega í rosalegum vanda.  Það skiptir því máli unga fólk að láta hendur standa fram úr ermum, gera sitt besta og ekkert þras.

Athugasemdir

[Hrólfur Þ Hraundal, 27.5.2013 kl. 00:43]

En sá sem veit ekki hvort Evrópusambandið er lífið eða dauðinn, það er ekki foringi sem veðjandi er á.

[Jón Magnússon, 27.5.2013 kl. 12:47]

Verður ekki að dæma ríkisstjórnina af verkum sínum Hrólfur en ekki gefa henni fyrirfram einkunnir.

[Sigurður M Grétarsson, 28.5.2013 kl. 23:49]

Jón. Ég held að sagan muni komast að allt annarri niðurstöðu en skýringum á því af hverju ríksistjórn Jóhönnu Sigurðardóttir hafi verið svona vond. Hún mun kolmast að þeirri niðurstöðu að ríkisstjórn Jóhönnu Sigurðardóttur hafi verið ein besta ríksstjórn sem við höfum haft. Það þarf blinda menn til að sjá það ekki.

Þessi ríkisstjórn tók við nærri gjaldþrota þjóðarbúe eftir óstjórn og óráðsíu ríkisstjórnar Sjálfstæðisflokks og Framsóknarflokks sem með sönnu var versta ríkisstjórn sögunnar. Sagan mun komast að því hvernig sú ríkisstjórn olli með óráðsíu og spillingu einu versta hruni mannkynssögunnar á Íslandi. Sagan mun átti sig á því þrekvirki sem þaðvar að ná þjóðargbúini í þó þá stöðu sem það er í núna á aðeins fjórum árum sem er afrek enda himin og haf milli stöðunnar núna og þegar hún tók við.

Dómur sögunnar mun ekki vera slæmur um Jóhönnu og Steingrím heldur fyrst og frems mesta skaðvald íslandssögunnar Davíð Oddson. Hann á mikla sök á hruninu bæði sem fosætisráðherra mestan hluta valdatíma þeirrar ríkisstjórnar sem olli hruninu og olli síðan gjaldþroti Seðlabankans með dæmalausu klúðri enda var hann engan vegin hæfur til að takast á við starf bankastjóra Seðlabankans.