Nauðsynleg öryggisráðstöfun

Í fréttum í gær var sagt frá fjölda lögreglumanna á vakt í tveim stórum lögregluumdæmum. Ljóst var af fréttinni að lögregluþjónar á landsbyggðinni eru allt of fáir auk þess hef ég grun um að víða séu þeir ekki nógu vel tækjum búnir.

Hvað sem líður sparnaðaráætlunum og nauðsyn þess að dregið sé úr umsvifum ríkisins þá er samt nauðsynlegt að tryggja öryggi borgaranna með því að haldið sé uppi lögum og reglu  og aðstoða ef slys eða óhöpp verða. Það verður ekki gert nema fjölga lögreglufólki og endurnýja tækjakost lögreglunnar.

Spurning er hvort ekki sé nauðsynlegt að landið allt verði eitt lögregluumdæmi. Þá er líka spurning hvort ekki sé hægt að bjóða sem samfélagsverkefni almennum borgurum að koma lögreglunni til aðstoðar eftir að hafa fengið viðeigandi þjálfun t.d. varðandi umferðarstjórnun og gæslustörf svo og að tryggja aukið öryggi barna og unglinga svo dæmi séu tekin.

Við eigum að vera fyrirmyndarland varðandi löggæslu og öryggi fólks

 

Athugasemdir

[Villi Asgeirsson, 18.6.2013 kl. 17:48]

Hvað er hægt að borga mörg löggumannalaun ef við fáum greitt fyrir auðlindina fisk?

[Halldór Jónsson, 20.6.2013 kl. 23:02]

Bereitschaftspolizei er til í Þýskalandi. Og svo hafa þeir líka her. Við höfum björgunarsveitir en það er annað en að sinna löggæslu og ekki hægt að setja í einn pott. Matt Dillon er hefur öðruvísi embætti en hjálparsveitarmaður.