Seðlabankinn gegn ríkisstjórninni?

Seðlabankinn segir fyrirhugaða skuldaleiðréttingu verðtryggðra lána dýra og ómarkvissa og leggst gegn skuldaleiðréttingu sem ríkisstjórnin hefur boðað. Jónas Kristjánsson fyrrum ritstjóri fer einnig mikinn og telur alla hafa orðið fyrir forsendubresti og því sé það ekki réttlátt að gera neitt. 

Jónas og Seðlabankinn ættu að skoða að árið 2008 ábyrgðist íslenska ríkið allar innistæður í íslenskum bönkum hérlendis. Sú ábyrgðaryfirlýsing var aldrei borin undir Alþingi og Seðlabankinn hefur aldrei látið í ljósi vanþóknun á þeirri aðgerð. Sumir áttu þá hundruði milljóna á bankareikningum sem verðtryggingarþrælarnir þurftu að axla ábyrgð á.

Forsendubresturinn varðandi hækkun á verðtryggðu lánunum var fyrirséður við hrun. Ég benti á það sérstaklega og ítrekað í umræðum á Alþingi og krafðist þess að sett yrðu neyðarlög fyrir neytendur sem tækju verðtrygginguna úr sambandi meðan fár kyrrstöðuverðbólgunarinnar riði yfir. 

Það átti öllu sæmilega menntuðu fólki að vera ljóst að það sama mundi gerast hér og alls staðar þar sem bankahrun hefur orðið eða greiðslufall ríkis. Þess vegna skipti svo miklu til að gæta jafnræðis og réttlætis að taka verðtrygginguna úr sambandi. Það voru verstu mistök ríkisstjórnar Geirs H. Haarde að taka ekki verðtrygginguna úr sambandi og höfuðábyrgð á því ber Jóhanna Sigurðardóttir og þvergirðingshættinum við að sinna réttlætiskröfum fólksins s.l. fimm ár.

Það kostar að leiðrétta mistök aftur í tímann og þannig verður það líka með leiðréttingu verðtryggingarokursins. Sá kostnaður er fyrst og fremst vegna skammsýni síðustu ríkisstjórnar og sem skynjaði ekki mikilvægi skuldaleiðréttingar og hafði ekki nægjanlega ríka réttlætiskennd til að taka á málinu.

Athugasemdir

[Júlíus Björnsson, 24.6.2013 kl. 17:50]

Alþjóðlegt raunvirði Heildar ríkislögsögu reiðufjár innkomu [óháð gjaldeyrir] reiknast PPP á alþjóðagjaldeyris markaði og tekur til tekna af öllum þáttum [það sem geiri cash raunverluct=factors]  efinum, orku á vinnu[service], þátta sem  bera innkomu sölu skatta og innkomu aukninga söluskatta  innan sama ríkis. Sömu tekjur geta svo eignfærst í lok sama árs og orðið fastar lengur en fimm ár eða 60 mánuði [um föstu [í bakveðböndum] eiginirnar gildir: erlendis fasteigna verðtygging  sem miðar við  enga áhættu vanskila það er án raunávöxtunar til að greiða slíkt.  Heildar efnislegt viðhald allra fastra eigna í Ríki [borg er efnahagseining] sem er stöndugt  [developed] kosta max. 3,0% af heildar reiðfjár innkomu á hverju skatta ári.   Nýjar fastar eignir kosta  nýjar reiðufjár innkomur [nýjar borgir].  Raunvirði fasteigna í efnhagslögsögu samhengi fylgir reiðufjár innkominni eftir ár, nálgar ekki aukningu fyrir fram.   

[Kristinn Snævar Jónsson, 24.6.2013 kl. 20:19]

"... árið 2008 ábyrgðist íslenska ríkið allar innistæður í íslenskum bönkum hérlendis. Sú ábyrgðaryfirlýsing var aldrei borin undir Alþingi og Seðlabankinn hefur aldrei látið í ljósi vanþóknun á þeirri aðgerð. Sumir áttu þá hundruði milljóna á bankareikningum sem verðtryggingarþrælarnir þurftu að axla ábyrgð á."

Það er lóðið, Jón  (a.m.k. eitt af þeim). Þetta atriði, ásamt forsendubrestinum, eru þau atriði sem kalla á leiðréttingu höfuðstóls verðtryggðra lána réttlætis vegna.

[Halldór Friðgeirsson (IP-tala skráð) 24.6.2013 kl. 21:49]

Takk fyrir góðan pistil, Jón Magnússon.

Ég er eins og þú hissa á öllum áróðrinum gegn því að húsnæðislán sem stökkbreyttust við forsendubrest hrunsins verði leiðrétt. Eftir því sem lengra líður frá hruni verður þetta erfiðara. Hvað verður til dæmis um mál allra þeirra þúsunda sem búið er að henda út á götuna eftir að íbúðir þeirra hafa verið seldar á nauðungaruppboði, á vakt svonefndrar velferðarstjórnar Jóhönnu og Steingríms? Framsókn lofaði að ganga í að leiðrétta málið og vonandi verður þeim eitthvað ágengt í því. Jafnvel þótt Jónas Kristjánsson ritstjóri og fleiri góðir menn fullyrði að allir sem vilja fá leiðréttingu sinna máli séu fífl og hálfvitar og eigi enga leiðréttingu skilið því bankar og lífeyrissjóðir verði að fá allt sitt upp í topp og helst meira til.

[Jón Magnússon, 25.6.2013 kl. 10:22]

Þakka ykkur fyrir ykkar innlegg í þessa umræðu. Það eru sterk öfl sem hafa jafnan hamast á móti breytingum í lánamálum og það verða allir að leggjast á árar sem vilja koma fram réttlátum breytingum í lánamálum.