Af hverju Rússland en ekki Tyrkland?

Af hverju fordæma Bandaríkjamenn og Evrópusambandið ekki aðför Erdogans forsætisráðherra að lýðræðinu í Tyrklandi. Erdogan hefur látið fangelsa stóran hóp blaða- og fréttamanna, dómara, saksóknara og rannsóknarlögreglumanna til að koma í veg fyrir umfjöllun og rannsókn á spillingarmálum forsætisráðherrans og aðilum honum tengdum.

Af hverju fordæma Bandaríkjamenn og Evrópusambandið ekki Tyrkland fyrir að hafa stuðlað að uppreisn í Sýrlandi og stuðla að áframhaldi ófriðarins o...g hörmunga sýrlensku þjóðarinnar

Af hverju er ekki beitt refsiaðgerðum gegn Tyrklandi og tyrkneskum embættismönnum fyrir mannréttindabrot, ásælni gagnvart nágrannaríkjum og hernðaraðgerðum þar?

Af hverju telur Evrópusambandið rétt að fá Tyrki í Evrópusambandið en útiloka Rússa?

Óneitanlega virðist heimssýn forustufólks í Bandaríkjunum og Evrópusambandinu ekki hafa þróast mikið síðan í kaldastríðinu.

Svo kemur þessi Guðs volaði Gunnar Bragi Sveinsson utanríkisráðherra og fetar dyggilega í slóð Evrópusambandsins og Bandaríkjanna og styður hefndaraðgerðir gegn vinaþjóð. Má ég þó af tvennu :::::: biðja um Ólaf Ragnar.

Athugasemdir

[Vilhjálmur Örn Vilhjálmsson, 20.3.2014 kl. 11:33]

Sumir Bandaríkjamenn halda að "Stockholm" sé höfuðborg "Copenhagen". Það er gífurleg vanþekking á umheiminum í BNA og Rússlandi.

[Grímur (IP-tala skráð) 20.3.2014 kl. 16:07]

Ósköp er ég sammála þér

maður upplifir líka þessa kúgun

um að allir eigi að taka afstöðu með eða á móti

líkt og var auðvelt í gamla daga í kalda stríðinu

en einhvern veginn er þetta ekki lengur svart og hvítt

bara grátt

Þó fréttamenn reyni að telja manni trú um annað

[salmann tamimi (IP-tala skráð) 20.3.2014 kl. 16:42]

Afhverju ekki fordæma Israel sem hertók Palestina? Afhverju ekki fordæma Bretland fyrir að hertaka Falklandseyjar? þetta er hræsni og ekkert annað

[Helgi (IP-tala skráð) 22.3.2014 kl. 18:18]

Sæll.

Okkar ágæta vinaþjóð Bandaríkjamenn eru ekki enn búnir að átta sig á því að þeim kemur ekki allt í heiminum við. Hvað ætla þeir að gera ef Rússar loka á þá varðandi Afganinstan? Hvað ef þeir auka stuðning sinn við Íran? Afskipti þeirra og annarra þjóða af innanríkismálum í öðrum löndum er uppskrift að vandræðum. Svo er það nú þannig að meirihluti stjórnmálamanna vill skipta sér að öllu á milli himins og jarðar.

Fréttamenn hérlendis "gleyma" algerlega að fjalla aðeins um bakgrunn þessa ófriðar í Úkraínu: Úkraína stendur afar illa fjárhagslega og skuldar t.d. rússneska gasfyrirtækinu svimandi upphæðir. Landið rambar á barmi gjaldþrots vegna óstjórnar.

@Salmann Tamimi: Á Falklandseyjum búa Bretar sem vilja vera undir stjórn Bretlands. Kynntu þér söguna eilítið.

Palestína er svo alveg sérstakur kapítuli. Hvers vegna ættu Palestínumenn að fá Jerúsalem sem höfuðborg þegar gyðingar hafa verið meirihluti íbúa þar í næstum 150 ár? Hvenær urðu Palestínumenn til sem þjóð? Eru Palestínumenn þjóð? Ef svo er, hvað gerir þá að þjóð? Hvenær urðu þeir að þjóð? Af hverju eru til palestínskir flóttamenn? Bera arabaþjóðirnar á svæðinu enga ábyrgð á flóttamannavandanum? Hvað gerðist á milli Jórdana og Palestínumanna?

Hvers vegna benda múslimar nánast alltaf á Ísrael og Bandaríkin þegar vandi kemur upp? Af hverju er allt í steik á Gaza? Já, auðvitað - það er USA og Ísrael að kenna - þó Ísraelar hafi yfirgefið svæðið þar af fúsum og frjálsum vilja til að liðka fyrir friði. Skil ég það rétt?

Ísraelar fóru frá Gaza fyrir löngu síðan og hvað er þeir sem nú stjórna þar að gera til að undirbúa stofnun lífvænlegs ríkis? Er verið að laða að ferðamenn? Mennta íbúana? Undirbúa einhvers vonar framleiðslu? Koma á friðsamlegum samskiptum við nágranana, Egyptaland og Ísrael? Á hverju ætlar sjálfstætt ríki Palestínumanna að lifa?

Gyðingar hafa alltaf verið fjölmennir á svæðinu en arabar komu þangað á 7. öld (næstu 2000 árum eftir að gyðingar settust þar að). Síðan þá hafa múslimar verið ofsalega "góðir" við gyðinga og kristna á svæðinu (dhimmi) og því verið afar erfitt að vera ekki múslimi þarna enda fækkaði hratt í öðrum trúarhópum eftir að múslimar náðu yfirráðum á svæðinu. 

Þegar talað er um hernám Palestínu fer alveg eftir því hvaða tímaramma maður hefur í huga. Sögulega séð tilheyrir svæðið gyðingum og Balfour yfirlýsingin er í takt við þann skilning. 

Ég vona innilega að friður komist á þarna og að hægt verði að stofnsetja sjálfstætt ríki Palestínumanna þarna fljótlega en ég er ekki bjartsýnn því allan samningsvilja vantar öðru megin.