Mótmæli gegn ímyndaðri aðför

Hópur fólks ætlar að efna til samstöðufundar gegn meintri aðför að RÚV kl. 17 síðdegis. En hvaða aðför er verið að tala um?  Þeir sem fyrir fundinum standa og stjórnarandstaðan heldur því fram að verið sé í skipulagri aðför að RÚV undir forustu ríkisstjórnarinnar. Aðförin að RÚV sem talað er um er þó ekki til staðar nema í hugarheimi stjórnaranstöðunnar og samtöðuaðilanna sem ætla að skunda á Austurvöll í dag og treysta sín heit við stofnunina.

Fyrir nokkru rétti menntamálaráðherra RÚV um hálfan milljarð til að mæta útgjöldum vegna viðvarandi tapreksturs RÚV og jafnframt til að fresta því óumflýjanlega. Varla getur gjafmildi menntamálaráðherra á kostnað skattgreiðenda talist vera í aðför að RÚV. Þetta er fyrst og fremst aðför gegn skattgreiðendum.

Lífskúnstnerinn og listamaðurinn Jakob Magnússon einn þeirra sem stendur fyrir samstöðufundi ímundunarveikra á Austurvelli síðar í dag segir þann tilgang vera helstan með fundinum

"að við fáum að borga okkar útvarpsgjald með atbeina ríkisins"

Það þýðir að samstaðan er um að ríkið taki útvarpsgjöld af öllum hvort heldur þeir vilja þjónustuna eða ekki. Fundur Jakobs og félaga er þá samstaða um skattheimtu þeirra sem ekki vilja þjónustu fjölmiðils. Síðar talar Jakob um að hann vilji fá að borga 2.000 krónur á ári í útvarpsgjald og virðist ekki gera sér grein fyrir að útvarpsgjaldið er nánast tíu sinnum hærri fjárhæð.

Ímundunin og vænisýkin getur ekki orðið öllu meiri en staðfest er í viðtali við Jakob Magnússon. Í fyrsta lagi á að halda samtsöðufund til að mótmæla aðför að RÚV, sem engin er. Þvert á móti liggur fyrir að stofununin fær aukafjárveitingu. Í annan stað þá er það ímyndun fundarboðenda að útvarpsgjaldið sé 2.000 krónur þegar það er tæplega tíu sinnum hærra.

Væri nú ekki í ráð að ná samtöðu um að útvarpsgjaldið verði árlega það sem boðendur samstöðufundarins á Austurvelli berjast fyrir að útvarpsgjaldið verði kr. 2.000. Mér finnst ástæða til að hvetja fólk til að mæta og krefjast þess með Jakobi að útvarpsgjaldið verði í samræmi við það sem hann talar um eða 2000 krónur á ári.

 

Athugasemdir

[Jón Valur Jensson, 13.12.2014 kl. 01:55]

Góð endaályktun í lok þíns ágæta pistils, nafni!

[Halldór Egill Guðnason, 13.12.2014 kl. 07:20]

Ef ekki er um prentvillu ad raeda í vidtalinu vid Jakob, thar sem hann maerir thad ad fá ad greida áfram 2000 krónur á ári til RUV,thá er thad ekkert annad en ömurlegt ad bodad skuli til svona dellusamkomu af ekki betur upplýstari kónum. Fá ef til vill einhverjir útvaldir athyglissjúkir menningarprelátar afslátt af gjaldnídslunni til RUV? 

[Emil Emilsson (IP-tala skráð) 13.12.2014 kl. 09:17]

Seljum Rúv og málið er dautt, nóg er af öðru að taka til að ræða um.

[Erlingur Alfreð Jónsson, 13.12.2014 kl. 12:05]

Heill og sæll Jón.

Hvað svo sem líður umræðu um hvort taka eigi af skattgreiðendum gjald til að reka RÚV eða ekki, er það þá ekki samt svo að meðan það er þó gert, sbr. lög um RÚV nr.6 frá 2007, er það skýlaus krafa að slíku gjaldi sé skilað til RÚV í samræmi við innheimtuna en ekki veitt í aðra málaflokka, eða hvað? Það er nú ekki svo að menntamálaráðherra hafi af einskærri góðmennsku sinni hækkað framlög um hálfan milljarð frá fjárlögum 2013. Var það ekki bara lögum samkvæmt til að mæta vanefndum síðustu ára?

En til fróðleiks vil ég nefna að ég er með fyrirspurn hjá fjármálaráðuneytinu um hversu miklum hluta þess útvarpsgjalds sem af mér hefur verið innheimt sl.4 ár hefur í raun verið skilað þangað sem það á að fara. Mér hefur verið lofað svari á mánudag komandi.