Af hverju þessi fjandskapur við kristni?

Það er með ólíkindum hvað forustu Samfylkingarinnar er uppsigað við kristni og kirkjuhald. Þeir beita meirihuta sínum í Reykjavík ítrekað til að koma í veg fyrir að skólabörn fái að njóta jólaboðskaparins á sama tíma og þeir mæta tímanlega í öll jólaglögg á vegum Borgarinnar og aðrar uppákomur í tilefni jólanna. Slíkt er ekki hræsni að þeirra mati. En þetta sama fólk segir það hræsni þegar kristið fólk vill fylgja almennum helgisiðum.

Þegar borgarstjóranrflokkur Sjálfstæðisflokksins vonum seinna áttaði sig á nauðsyn þess að standa vörð um þau grunngildi sem kristið samfélag byggir á þá froðufellir margt Samfylkingarfólk af illsku.

Fyrstu verðlaun fær vafalaust Sigríður Ingibjörg Ingadóttir þingmaður Samfylkingarinnar sem kallar afstöðu borgarstjórnarflokks Sjálfstæðisflokksins  "Djöfulsins teboðshræsni" Í sjálfu sér eðlilegt að þingmaðurinn skuli þegar á bjátar ákalla þann máttinn sem næst henni stendur.

Sósíaldemókratarnir í Samfylkingunn hafa fyrir löngu tapað hugmyndafræðilegum grundvelli sínum og viðurkenna í raun gjaldþrot hinna sósáilísku kenninga og yfirburði markaðssamfélagsins. Í þeirri pólitísku tilvistarkreppu hafa þeir tekið upp baráttu gegn kristni og kirkjuhaldi, fyrir opnum landamærum, réttindum samkynhneigðra og múslima.

Það hefði verið meira samræmi í stefnunni, ef þeir beittu sömu rökum um kristni og Íslam en því er heldur betur ekki þannig varið.

Nú er það svo að samkynhneigð er refsiverð og liggur jafnvel dauðarefsing við í flestum ríkjum sem játa Íslam og jafnstaða kynjana er ekki virt þar. En það veldur ekki vökum hjá hinu frjálslynda Samfylkingarfólki sem man ekkert þegar það á við.

Athugasemdir

[Helga Kristjánsdóttir, 16.12.2014 kl. 05:54]

Góður! Enginn amast við þótt S.I.I.ákalli mátt sinn.En á hraða ljóssins i dag las ég þessi ummæli "djöluls teboðs hræsni",sem hænsni. Ég hrökk ekkert við hélt að rithöfundurnn Steinar Sigurjóns hefði haft þessi áhrif,gamli vinstri mágur minn.Sem ritaði að Íslendingar væru hænsn.--Ég ætla bara að vona að þau láti af þessum asnagangi,að skipta sér af alda gammali venju,sem þau varðar ekkert um.  

[Baldinn, 16.12.2014 kl. 09:44]

Það mætti halda af þessum skrifum að skólaheimsóknir í kirkju væri gamall siður á Íslandi.  Svo er ekki.  Þetta fór að tíðkast nýlega og margir hafa sett þetta í samhengi við þegar fór að fækka í "þjóðkirkjunni ".  Þá hófst markaðssókn kirkjunnar sem hefur náð niður í 3 ára leikskólabörn.

Þessir frasar sem nú birtast m.a. hér þar sem þú skrifar um að börnin fái ekki að njóta jólaboðskapsins eru bara hlægilegur. Það er engin að banna börnunum að fara í kirkju ekki frekar en þeim er bannað að spila fótbolta eða fimmleika

[Óli Jón, 16.12.2014 kl. 10:13]

Er komið í veg fyrir að foreldrar fari með börn sín í kirkju?

Er komið í veg fyrir að börnin sjálf fari í kirkju?

Nei, en það er reynt að koma í veg fyrir að heimsendingarþjónusta ríkisins ferji börnin í kirkjutrúboð á skólatíma. Ástæðan? Jú, það ku hafa dregið svo mikið úr sókn í sunnudagaskólana eftir að barnaefnið (eitthvað skemmtilegra) birtist í sjónvarpi á helgarmorgnum að eitthvað þurfti að gera til þess að Ríkiskirkjan gæti nýliðað inn ný andlög sóknargjalda.

Þetta er kjánalegur málatilbúnaður!

[Jón Magnússon, 16.12.2014 kl. 15:31]

Takk fyrir það Helga það vona ég líka.

[Jón Magnússon, 16.12.2014 kl. 15:33]

Mér finnst alltaf slæmt þegar fólk vill ekki koma fram undir nafni þú sem kallar þig Baldinn og tel almennt ekki ástæðu til að eiga orðastað við slíka drauga. En heimsóknir skólabarna í kirkjur og tengsl við krsitna trú er ekki ný af nálinni og tíðkaðist t.d. þegar ég gekk í barnaskóla og unglingaskóla en síðan er liðin meir en hálf öld á nóinu. Þannig að þetta er einfaldlega rangt hjá þér.

[Jón Magnússon, 16.12.2014 kl. 15:36]

Það er greinilegt Óli Jón að þú og sálufélagi þinn sem kallar sig Baldinn hér fyrir ofan eruð með sömu skýringu og tilheyrið sjálfsagt sama hópnum sem hefur fengið vantrúarlega uppfræðslu sína frá sama aðila hver svo sem hann  eða hún er.  Þetta er fallegur siður og tengir börnin við þá helgi jólanna sem skiptir mestu máli. Gott og hollt í allri Mammons dýrkuninni.

[jón (IP-tala skráð) 16.12.2014 kl. 18:04]

Sæll jón

ég held að þetta sé líka leifar af gamla sovétþankaganginum

þar var allt sem tengdist trúarbrögðum jafnað kerfisbundið við jörðu, prestar lagðir kerfisbundið í einelti og allt sem heilagt var þurfti að rífa niður með einum eða öðrum hætti. Held að kirkjubjöllur jafnvel voru bræddar niður í fallbyssur eða álíka. 

Ekkert mátti keppa við ægivald flokksins og það er merkilega

líkt þankaganginum í íslenskum vinstrimönnum, þeir mega ekkert gott eða heilagt sjá án þess að vilja jafna það niður við jörðu í anda jafnaðarstefnunnar. En er það ekki óendanlegur hroki og mikið yfirlæti fólgið í því að vilja leggja niður 1000 ára menningu eftir duttlungum handfylli manna?

[Óskar Sigurðsson, 16.12.2014 kl. 20:13]

Frábært hjá þér Jón. Gleðilega Hátíð. 

Óskar

[K.H.S., 16.12.2014 kl. 20:24]

Heimsóknir skólabarna úr Voginum í Langholtskyrkju hafa tíðkast öll æviár kyrkjunnar. Uppsettning skólabarna á helgileik í kyrkjunni fyrir skólasystkyni og aðra gesti hefur verið fastur liður í helgihaldinu hér í Langholtinu og Vogunum alla tíð Ég man að ég tók þátt í uppfærslunni , lék Jósep þá 14 ár gamall 1963. Svo þessar ólíkinda fullyrðigar þessara siðmenntuðu Vantrúarmanna eru bara raup og bull að vanda. 

[Halldór Jónsson, 16.12.2014 kl. 22:19]

Bravó Jón

[Sigurður M Grétarsson, 16.12.2014 kl. 22:29]

Það er einfaldlega bull að það sé einhver hálfrar aldar siður að fara með skólabörn í kirkju þó vissulega geti verið að það hafi tíðkast í einhverjum skólum. Í flestum skólum er þessi siður 10 til 20 ára gamall og jafnvel yngri í sumum skólum. Ég hef heyrt að fólki sem hefur verið með börn í grunnskóla allt til ársins 2008 sem kannast ekki við að farið hafi verið með börn þeirra í kirkju. En sennilega hófst þetta í flestum skólum rétt í kringum nýliðin aldamót. Upphafið að þessu er ásókn kirkjunnar í að fá slíkar heimsóknir eftir að aðsókn í sunnudagaskóla minnkaði verulega en er þessi siður er ekki til komin vegna þarfa barna fyrir það að komast í kirkju.

En upphafið af því upphlaupi sem nú hefur að því er virðist sett allt á annan endan er facebook færsla Lífar Magneudóttur þar sem hún gagnrýnir að flutt sé hugvekja í heimsókn Langholtsskóla í Langholtskirkju á þeirri forsendu að í því felist trúboð.

Í stað þess að taka umræðuna um það hvort flutningur hugvekju í skólaheimsókn feli í sér trúboð eða sé eðlilegur hluti trúfræðslu hefur Líf orðið fyrir miklum, óvægnum og óverðskulduðum árásum ýmissa aðila þar sem henni eru lögð orð í munn og ætlaðr hvatir sem hún hefur ekki. Hún er ranglega ásökuð um að vilja afnema kirkjuferðir skólabarna, vilja taka fyrir samstarf skóla or kirkju í trúfræðslu og vilja afnema litlu jólin eða aðventuna fyrir skólabörnum. Ekkert sem hún hefur sagt gefur neitt af þessu til kynna. Hún er aðeins að sinna hlutverki sínu sem formaður mannréttindaráðs með því að hafa efiirlit með því að farið sé að reglum um samskipti skóla við trúfélög í kirkjuheimsóknum skóla.

Þær ómaklegu árásir sem Líf hefur orðið fyrir vegna þessa máls hafa meðal annars komið frá oddvita Sjálfstæðisflokksins í Reykjavík og þingmanni sama flokks á Suðurlandi. Í báðum tilfellum er snúið út úr orðum hennar og farið með rangfærslur um hvað henni gengur til. Það eru þessar óvægnu og óversðkulduðu árásir þessara manna á Líf sem Sigríður Ingibjörk kýs að kalla „djjöfulsins tepokahræsni“.

En til að vita hvar þú stendur í þessu máli Jón. Ert þú sammála því viðhorfi að í grunnskólum skuli vera trúfræðsla en ekki trúboð? Eða telur þú í lagi að vera með trúboð í almennum grunnskólum eða ferðum á vegum þeirra þó það flokkist sem manntéttindabrot bæði samkvæmt mannréttindasáttmála Sameinuðu þjóðanna og mannréttindasáttmála Evrópu?

[Þórólfur Ingvarsson, 17.12.2014 kl. 00:09]

Ég ætla að taka mér í munn orð sem ég hef aldrei notað um þá sem ég er ekki sammála, fyrirgefið, en það er, vinstra skíta pakk.

Sá víðáttu flöktandi hópur sem endalaust er í mótsögn við sjálft sig talar fagurlega um menningu og henni berin  að gera hátt undir höfði, þvílíkt öfugmæli, á hverju hefur menning okkar byggst á í þúsund ár? Það er jú Kristin gildi, gildi sem alltaf standa fyrir sínu og munu gera það um ókomna tíð og okkur öllum sem láta okkur heilbrigt og gott siðgæði eitthvað varða ber skilda til að standa vörð um.

Ég vil taka það fram að ég er enginn öfgamaður þegar að trúarskoðunum og trúrækni kemur en ég get vitnað um það að enn þann dag í dag bý ég að þeirri leiðbeiningu og fræðslu sem minn afburða kennari og góði vinur, séra Jóhann Hlíðar sáði í minn garð bæði í barna og gagnfræðiskóla.

Ég get því nú sjötugur í fullkominni einlægni og vissu vitnað um það að það sem ég af séra Jóhanni Hliðar nam hefur forðað mér frá mörgum villigjörðum og ekki bara gagnast mér heldur líka samferðarfólki. Því allar villugjörðir og mistök eru þeirrar gerðar að þau snerta þá sem manni eru nær.

Ég hvet hugsandi fólk að lesa 1. Korintubréf 13. kafla frá og með fyrsta versi til og með 13. versi

[Óli Jón, 17.12.2014 kl. 23:07]

Jón: Þú svaraðir ekki spurningunum og þess vegna er rétt að ég ítreki þær:

• Er komið í veg fyrir að foreldrar fari með börn sín í kirkju?

• Er komið í veg fyrir að börnin sjálf fari í kirkju?

Svaraðu þessu einlæglega og speglaðu svo það sem þú segir hér ofar í útkomunni.

Svo talarðu um jafnstöðu kynjanna í Íslam, en kýst að gleyma hentuglega að það er ekki svo ýkja langt síðan að fyrsta konan þurfti að berjast fyrir stöðu sinni sem prestur innan Ríkiskirkjunnar. Sú stofnun vildi ekkert með þessa konu hafa, en þurfti eftir langt þref að beygja sig fyrir vilja almennings. Gefðu því ekki í skyn Ríkiskirkjan hér sé til fyrirmyndar í þessum efnum, það er hún svo sannarlega ekki.