Glæsilegur fundur um innflytjendamál

Frjálslyndi flokkurinn hélt glæsilegan fjölsóttan fund um málefni innflytjenda í kosningamiðstöðinni í Skeifunni 7 í kvöld.  Fjöldi fundarfólks tók til máls og ljóst var að mikill hugur er í fólki. Við ætlum okkur að hafa stjórn á okkar landamærum og gera kröfur til þeirra sem hingað koma. Á sama tíma gerum við kröfur um að þeir sem hingað koma til lengri eða skemmri dvalar njóti allra réttinda.

Einn fundarmaður benti á að við hefðum frekar atvinnurekendavandamál og stjórnmálamannavandamál og þess vegna væri að verða til innflytjendavandamál. Þar átti hann við þá sem greiða fólki ekki umsamin laun og láta verkafólk búa við ömurlegar aðstæður. Að öðru leyti átti hann við stjórnmálamennina sem neita að horfast í augu við raunveruleikann og fljóta sofandi að feigðarósi.

Annar fundarmaður benti á að hér væri ekki rasismi en hann kæmi ef við gerðum ekki ráðstafanir fyrirfram eins og Frjálslyndi flokkurinn berst fyrir.

Á sama tíma eru vasaútvörpin hennar Ingibjargar Sólrúnar, Árni Árnason, Eiríkur Bergmann og Ágúst Ólafur að hamast við það að halda því fram að við getum ekki neitt gert. Við verðum bara að taka því sem að okkur er rétt. Það er ekki þannig. Við getum t.d. gert ákveðnari kröfur til þeirra sem koma í gegn um EES samninginn og við getum líka farið fram á tímabundnar undanþágur. Við getum líka tekið upp sama hátt og Sviss þ.e. gera tvíhliða samning við Evópusambandið. Þó að við höfum deilt hluta fullveldisins með öðrum þjóðum í EES þá erum við ekki skuldbundin til að gera það um aldur og ævi. Það er skylda íslenskra stjórnmálamanna að gæta hagsmuna fólksins í landinu. Það ætlum við Frjálslynd að gera.

Það er ánægjulegt að finna hvað málflutningur okkar hefur mikinn byr. Þó að margt fjölmiðlafólk og fulltrúar sérhagsmunaaflana sem njóta þess að fá hingað ódýrt vinnuafl reyni að gera lítið úr málflutningi okkar þá skilur fólkið í landinu að við tölum fyrir fólkið.

Athugasemdir

[Georg Eiður Arnarson, 3.4.2007 kl. 23:08]

Til hamingju með fundinn.

[Jóhann Páll Símonarson, 3.4.2007 kl. 23:52]

Heill og sæll Jón.

Eins og ég heft sagt áður þú ert hugmynda snauður lögmaður sem hefur snúið og tekið hugmyndir fá öðrum sem voru í prófkjörsbaráttu  til ykkar og reynt að gera það að ykkar málflutningi það er dapurlegt til þess að vita.

Það er eins og einn sem kom að máli við mig þessi flokkur er í dauðategjunum og á lítið eftir, mjög lítið hugmyndaflug eða framfarir sem þeir ætla að bjóða fólki uppá á næstu dögum. sami frasin heldur áfram þá fær maður nóg enda er kokið farið að fyllast.

Ég vil benda ykkur á varandi erlent fólk sem flytur til landsins það er fyrsta atriðið að kenna fólki að tala íslensku áður enn bera svona málflutning á borð.

Þið eruð að koma á ótta meðal erlends fólk sem kemur til landsins sem er margt ágættis fólk sem þú og þinn flokkur ef menn kalla flokk  sem lítur niður til þess ágætis fólk sem mun síðar koma ykkur í koll sem ég kalla á góðri Íslensku Öfgamenn þið eruð Öfgamenn í ykkar málflutningi.

Jóhann Páll Símonarson.

[Gunnar Tryggvason (IP-tala skráð) 4.4.2007 kl. 02:10]

komið öll sæl, ég var að velta því fyrir mér hvort mannsal sé stundið í skjóli innflytjendamála hér? Hvað er það annað er þrælahald eða mannsal þegar ekki er hugað að rétti þeirra sem hingað koma. Þetta fólk býr jafnvel í húsnæði sem er ekki samþykkt sem íbúðarhúsnæði og tímakaup undir lágmakrslaunum. Er það þetta sem við viljum?

[Arnar Guðjónsson (IP-tala skráð) 4.4.2007 kl. 08:54]

Hvað vilja menn gera svo atvinnurekendur misnoti ekki aðstöðu sína gagnvart erlendu vinnuafli? hvernig á að stoppa það öðruvísi en að hafa einhverja bremsu á erlendu vinnuafli?

margir að mínum vinum hafa misst sína vinnu t.d. í byggingarvinnu.
vegna þess að atvinnurekandinn gaf ráðið 3 erlenda á verði 1 íslendings, þessi hugsanaháttur er agalegur, ekkert nema að græða sem mest.
Hvað er að því að hugsa einnig um hag okkar íslendinga?
á bara gefa skít í íslendinga?

Mig hlakkar bara ekki til þegar fer að þrengja að á íslenskum vinnumarkaði. helduru að atvinnurekendur muni frekar halda íslenskum mönnum í vinnu ef þeir hafa möguleika á að ráða 2 erlenda á launum 1 íslendings?
ég giska á að svona 30% af þeim sem vinna á kárahnjúkum munu stoppa hér á landi og búa hér og þá vantar atvinnu fyrir þá í bland við alla íslendingana og þar sem sumir vilja stopp á álfyrirtækinn

hvað á þá að gera?

[Ólafur Ragnarsson, 4.4.2007 kl. 10:18]

Ég segi til hamingu með góðan fund.Ekki hefur tekist vel með fyrsta atriðið sem Jóhann Páll talar um.Það verður maður var við á spítulunum nú orðið og einnig farið að bera á því í stórmörkuðunum.Það er von að sé farið að fara um hinar flokksforusturnar.Þeir snúast í kring um þessi mál eins og köttur um heitan graut.Og hverjum skildu þeir kenna um ef illa fer.Þá sennilega Frjálslyndaflokknum fyrir að eyðilegga umræðuna eins og einn bloggarinn kallaði það.Ég er nú bara  ekki viss um að allir innfluttir verkamenn sem hingað eru komnir séu á skrá Vinnumálastofnunar.Hefur nokkur hugmynd um hvað þeir eru ornir margir.Það er ég hræddur um ekki.Kveðja

[Vilhjálmur (IP-tala skráð) 4.4.2007 kl. 11:29]

Þetta er nú meira bullið.  Íslenskir kjarasamningar og lagarammar um vinnumál gilda um þá erlendu verkamenn sem hingað koma.  Ef Íslendingar ætla áfram að geta sótt sér vinnu óhindrað á EES verðum við að leyfa öðrum að koma hingað.  EES samningurinn er eitt mesta framfaraspor í íslenskum atvinnumálum síðan lýðveldið var stofnað.  Vilja Frjálslyndir eyðileggja hann og draga okkur út úr fjórfrelsinu?  Tölur Frjálslyndra um fjölgun erlendra verkamanna árin 2005-6 eru ómarktækar vegna tímabundinna framkvæmda við Kárahnjúka, sem hefði aldrei verið hægt að sinna með innlendu vinnuafli, nema þá með stórkostlegri spennu á vinnumarkaði og tilheyrandi verðbólgu.  Atvinnuleysi hér er nánast ekkert og mörg störf verða einfaldlega ekki fyllt með innlendu vinnuafli eingöngu.  Málflutningur Frjálslyndra er hræðsluáróður sem höfðar til lægri kennda hjá fólki og er ekki boðlegur í upplýstri lýðræðislegri umræðu.

[Hjörtur J. Guðmundsson, 4.4.2007 kl. 20:26]

"Við ætlum okkur að hafa stjórn á okkar landamærum og gera kröfur til þeirra sem hingað koma."

Hvað finnst ykkur þá um aðild Íslands að hinu landamæralausa Schengen-samstarfi, Jón?

[Jón Magnússon, 4.4.2007 kl. 22:16]

Ég hafði verulegar efasemdir um hagsmuni okkar af því að ganga til Schengen samstarfsins. Mér er sagt að þeir sem eru týndir inni á Schengen svæðinu skipti milljónum. Jafnvel fleiri en allir Danir. Ég vil taka Schengen samstarfið til endurskoðunar í því skyni að hætta því.

[Björn Heiðdal, 5.4.2007 kl. 03:24]

Mér fynnst þú alveg æðislegur Jón.  Góðir og greindir menn eiga skilað að komast á þing.  Ekki skemma eftirlaunin svo fyrir.  Auðvitað á að takmarka straum fólks til okkar og helst fá bara góð eintök.  Svo held ég líka að ESB væri alveg til í að ræða við þig sem forsætisráðherra um undanþágur og úrsögn.

Bræður og systur berjumst fyrir betra Íslandi og hreinu lofti. X-F.

[Jón Magnússon, 5.4.2007 kl. 09:42]

Þakka þér fyrir Björn Heiðdal. Stundum er talað um að oflof sé háð en það er annað mál. Þegar ég er orðinn þingmaður verður það eitt af mínum fyrstu verkum að bera fram frumvarp um að afnema sérstök lífeyrisréttindi alþingismanna.  Ég vil líka taka til umræðu og athugunar samstarf okkar og samninga við Evrópusambandið. Tel að EES samninginn þurfi að endurskoða í ljósi þeirra staðreynda sem blasa við eftir þann rúma áratug sem við höfum verið aðilar að EES.