Crimes against logic.

Í bók sinni Crimes against logic fjallar Jamie Whyte um ýmis efni m.a. í einum kafla um erfðabreytt matvæli og meginskoðanir vinstri manna. 

Þar segir hann m.a. að margir hafi ákveðnar skoðanir í pólitík ekki vegna þess að þeir haldi endilega að þær eigi rétt á sér heldur vegna þess að þeim líki félagsskapurinn. Hann bendir síðan á að það sé einskonar plastpakka stefna fyrir ungt vinstra fólk. Það sé á móti frjálsu markaðskerfi, berjist fyrir umhverfisvernd, dreifingu fjármuna, femínisma og réttindum dýra. Ég gat ekki að mér gert að brosa út í annað þegar ég las þetta því að þetta virðist eiga við flesta sem nefndir hafa verið til sögunnar í forustu Íslandshreyfingarinnar.

Var einhver að tala um hægri græna?  Kemur þetta hægri e.t.v. í gegn um fyrrum frambjóðendur Vinstri grænna sem ætla nú að leiða framboðslista fyrir Íslandshreyfinguna. Spurning er hvort að nafnið á bók Jamie Whyte smellpassar ekki fyrir Íslandshreyfinguna.

Athugasemdir

[Guðmundur Pálsson, 6.4.2007 kl. 01:13]

Blessaður Jón. Áhugaverðar hugmyndir þínar og seint verður þú sakaður um hugleysi. FF er mikill hugmyndahvati í íslenskri pólitík nú um stundir. Ég tek undir teoríuna um plastbakkastefnu sem verður til af því að það er svo gaman að vera í réttum félagsskap!

Talandi um réttan félagsskap þá er kristið þjóðmálaafl að blogga og hér er slóðin www.krist.blog.is en síðan er lokuð fyrir athugasemdum. Þú verður að vita af þessum mönnum. Kveðja 

[Marvin Lee Dupree, 6.4.2007 kl. 09:40]

Er ekki hægt að segja það sama um ykkur? Nema hvað þið eru gömul og pínu úrelt. 

Að vísa í eina bók er athyglisverð röksemdarfærsla. :)

[J. Einar Valur Bjarnason Maack , 6.4.2007 kl. 14:17]

Tjah... Ég myndi nú ekki kasta vinstri grænum múrsteinum úr glerhúsi Marvin. Vinstri Grænir eru gerræðissinnaður pakkaflokkur. Ég fylltist viðbjóði af yfirlýstum vilja VG til þess að skipta sér af persónufrelsinu og því söðlaði ég um...

Þó að þú málaðir dráttarvélarkommúnismann grænan og fjarlægðir hamrinn úr sovétfánanum er kommúnismi samt kommúnismi...

[Guðrún Magnea Helgadóttir, 6.4.2007 kl. 16:05]

Ég veit ekki hvort innflytjenda umræða Frjálslyndaflokksins á neitt við hugrekki að gera. Mér finnst umræðan vera orð í tíma töluð.

[Magnús Þór Hafsteinsson, 6.4.2007 kl. 16:59]

Ég ætla nú að leyfa mér að benda á þessa færslu mína á vísisblogginu.

[Marvin Lee Dupree, 9.4.2007 kl. 01:44]

Bíddu nú við. Er ég strax orðinn Vinstri Grænn, minn kæri? Þú veist bara ekkert um mínar stjórnmálaskoðanir. Fagur orð duga þó ekki. Hehe, vá lógíkin hérna fer með mann.