Viljum við fá þetta ástand hér?

Ég spyr viljum við fá þetta ástand hér? Er það óvirðing við það góða fólk sem hingað hefur flutst á síðustu árum að meina öfgamönnum að koma til landsins. Er það óvirðing við einhvern að vilja ekki fá vandamál heim til sín? Vill einhver að Vítisenglar hafi útibú í landinu? Vill einhver að öfgamenn hafi útibú í landinu? Svari hver fyrir sig.

Dani fundinn sekur um að hvetja til hryðjuverka

Athugasemdir

[J. Einar Valur Bjarnason Maack , 11.4.2007 kl. 10:32]

Tja nú veit ég ekki.

Ég hygg að besta leiðin til þess að koma í veg fyrir trúarofstæki hérlendis sé að gera fólki það skylt að virða stjórnarskrárleg réttindi annara... Þ.e. 'Þú hefur þína trú fyrir þig og þarft að virða mín réttindi og frelsi.'...

Hvað varðar H/A þá held ég að það hyggilegasta sem hægt væri að gera í baráttunni gegn fíkniefnum væri að lögleiða þau - þá er hægt að taka gróðann frá fíkniefnasölunum og koma í veg fyrir mörg þeirra vandamála sem núverandi kerfi fylgja, hægt væri að greiða fyrir meðferðarúrræði með sköttun -sbr tóbaksálögur. Hinsvegar þyrfti langtum strangara landamæraeftirlit til þess að slíkt virkaði.
Ef hin svokölluðu 'rackett' eru tekin af glæpasamtökum sbr. H/A þá leysast þau upp og/eða verða eins og hverjir aðrir saumaklúbbar.

[Jón Valur Jensson, 11.4.2007 kl. 10:35]

Nei. Nei. Nei. Nei. Nei! Með þessum svörum mínum við spurningunum fimm tek ég undir með þeim ágæta manni Jóni Magnússyni. Bendi ykkur einnig á svar mitt við ótrúlegri Staksteinagrein Moggans í gær. En frábærlega stóð Magnús Þór sig í Kasljósþætti að kveldi sama dags.

[Jón Valur Jensson, 11.4.2007 kl. 10:38]

Nei. Nei. Nei. Nei. Nei! Með þessum svörum mínum við spurningunum fimm tek ég undir með þeim ágæta manni Jóni Magnússyni. Bendi ykkur einnig á svar mitt við undarlegri Staksteinagrein Moggans í gær.

(Svar sett inn aftur vegna mistaka við tengil; vinsaml. eyðið fyrra pósti. JVJ.)

[Birna Ó. Jónsdóttir (IP-tala skráð) 11.4.2007 kl. 10:49]

Nei, að sjálfsögðu ekki.  Með því að hleypa blindandi inn í land okkar öllum sem hingað vilja koma, er alltaf hætta á að öfgamenn komi inn, sem koma ekki með frið í huga.  Þá erum við að búa börnum okkar ótrygga framtíð og það væri mikill skynsemisskortur.  Við erum lítil þjóð og þurfum að fara hægt inn í allar breytingar.  Góðir foreldrar tryggja öryggi barna sinna.  Þannig viljum við einnig að yfirvöld hugi að öryggi lands og þjóðar.

Birna Ó. Jónsdóttir.

[Þórhallur S (IP-tala skráð) 11.4.2007 kl. 11:02]

Það er engin hætta á að þetta ástand sé að koma upp hér á landi, Vítisenglar hafa einu sinni reynt að koma til landins og þá tókst lögreglu ágætlega til við að hindra komu þeirra.

Annars finnst mér fáranlegt að líkja Vítisenglum saman við saklausa innflytjendur sem hingað til lands koma til að vinna.

Þó að hugsanlegt sé að einhver sem hafi eitthvað á sakavottorðinu komi til landsins þá er það ekkert til að missa svefn yfir.

Ég þekki t.d. mann sem var dæmdur hér á landi fyrir hylmingu og ætlaði sér svo út með fjölskylduna til USA um jólin en fékk ekki landvistarleyfi.

Svoleiðis stjórnun hugnast mér ekki og því hugnast mér ekki málflutningur ykkar þar sem þið reynið að kynda undir útlendingahatri og reynið að láta í ljós skýna að þetta séu allt glæpamenn og smitsjúklingar sem hingað til lands koma.

Ég vil geta farið án þess að framvísa sakavottirði og heilbrigðisvottorði til annarra landa og því mun ég ekki styðja að aðrir sem hingað til lands vilja koma þurfi að framvísa sakavottorði og heilbrigðisvottorði.    

[Arnar (IP-tala skráð) 11.4.2007 kl. 11:03]

Auðvitað er öll þjóðin sammála þér um að hingað viljum við hvorki glæpamenn né öfgamenn sem hvetja til haturs milli fólks á grundvelli trúar, litarháttar eða menningar. Þess vegna reynum við að grafast fyrir um sakaferil og hvort innflytjendur eru eftirlýstir.

Áhugaverðast er samt að vita hvernig í ósköpunum við eigum að "sigta frá" þá sem ekki hafa komist í kast við lög en gætu mögulega gerst sekir um glæpi á borð við öfgafullan hatursáróður? Vandi allra sem fást við löggæslu er nefnilega sá að það er allt annað en auðvelt að þekkja þá úr sem eiga eftir að fremja glæpi.

Varðandi Vítisenglana þá stóð Magnús Þór Hafsteinsson sig mjög vel i því að benda á að sérkennilegt væri að meina heilum hópi manna að koma í heimsókn til Íslands án þess að þeir hefðu sannanlega gerst sekir um neinn glæp. Hann benti m.a.s. á að hann þekkti marga ágæta norska mótorhjólamenn.

[Haraldur (IP-tala skráð) 11.4.2007 kl. 17:11]

Ég vil ekki hafa ykkur fylgismenn Frjálsblindra hér á landi.

Ef hingað koma menn sem fremja afbrot þá er heimilt að vísa þeim úr landi eins og þú veist, lögmaður.

Það er með ólíkindum ef þú nærð að sannfæra fólk, sem er skör skynsamara en Jón Valur, um að fólk sem hingað fær heimboð vegna skorts á vinnufærum mönnum, sé upp til hópa öfgasinnaðir múslimar og mótórhjólagengismeðlimir.

Þótt ég vilji hvorki sjá hér íslenska glæpamenn, Jón Val eða Jón Magnússon á Íslandi, mun ég ekki grípa til múgæsingar gegn öllum íslendingum og fara fram á að íslendingum verði bannað að setjast að í öðrum aðildarríkjum EES.

Ég mun heldur ekki fara fram á að einstaklingum sem hingað koma til þess að vinna, þegar hingað vantar fólk, verði meinað um landgöngu vegna þess að til eru glæpamenn frá sama landi sem flutt hafa sig um set.

Þetta er ægilega leiðinlegur málflutningur hjá þér Jón, ég bið þess að þú hugsir um boðskapinn sem þú ert að senda með honum. 

[Vilhjálmur (IP-tala skráð) 11.4.2007 kl. 17:19]

Og nákvæmlega hvernig á að sigta frá "öfgamenn", með öðrum hætti en gert er í dag?

[Jón Aðalsteinn Jónsson, 11.4.2007 kl. 23:31]

Íslensk fyrirtæki sum fara fram á sakavottorð þegar sótt er um vinnu. Hjá öðrum eru handahófskendar lyfjaprófanir. Yfirmenn á flutninga og fiskiskipum þurfa að framvísa lögildum atvinnuskírteinum og hafa þau ætíð um borð annars er skipið sent í land. Það er engin frágangssök að krefja fólk um bæði sakavottorð og atvinnuskírteini þegar sóst er eftir atvinnu hér. Það er auðvelt að sannreyna Íslensk atvinnuréttindi en því miður er erfiðara að sannreyna erlend. Þeir sem að hafa reynslu af þessum málum vita alveg hvernig ástandið er. Til eru dæmi um að einstaklingar  með pappíra upp á réttindi á einu sviði  sem sagt er upp vegna takmarkaðar kunnáttu birtist sem sérfræðingar á allt öðrum sviðum hjá öðru fyrirtæki skömmu seinna. Þetta er svo sem ekkert til að skammast yfir sjálfsbjargar viðleitini er frumþörf. En það er eitt sem að ég hef verið að velta fyrir mér. Hver er ábyrgð verkfræðinga verktaka og byggingarstjóra ef að seinna kemur í ljós alvarleg handvöm til orðin ekki af illvilja eða leti heldur vegna vanþekkingar á verkefninu eða lélegrar málakunnáttu og engrar þekkingar á sér Íslenskum aðstæðum. Er húsið sem þú keyptir járnbundið samkvæmt íslenskum stöðlum er burðarvirki stálgrindahúsinns sem unnið er í soðið af manni með suðuréttindi til þess. Einhvernvegin hefur aldrei komið til mála að viðurkenna atvinnuréttindi lækna lögfræðinga tannlækna og margs hámenntaðs  fólks enda kannski ekki furða við viljum vita hver sker okkur upp borar í tennurnar eða sér um okkar lögfræðilegu mál. En sé talað um að sá sem að sér um að sjóða saman burðarvirkið sem að heldur uppi hundraða tonna þunga yfir höfðum okkar og barna okkar þá er fólk rasistar. Á landsþingi Frjálslyndaflokksins var samþykkt í umræðuhóp ályktun um að gera kröfu um framvísun atvinnu skírteina sem hafin væru yfir allan vafa um að viðkomandi hefði umrædd réttindi. Í sama hóp var samþykkt önnur ályktun um að öll gild atvinnuskírteini veittu fólki rétt til að vinna í sínu fagi. Það hefur lítið farið fyrir upphrópunum um þessi atriði enda hentar það ekki til að kynda undir hræðslu áróðrinum gagnvart stefnu Frjálslyndra. Og margt myndi breytast hér ef að menntastéttirnar þyrftu að setja sig í spor iðnaðar og verkamanna og keppa við fólk um vinnu sína. En er það ekki tvískinnungur að viðurkenna sumt en annað ekki er það ekki lika stjórntæki til að vernda ákveðin hóp fólks og þess launakjör, og ef að svona mikil þörf er á folki til landsinns hversvegna er það þá lokað fyrir fólki utan ESS ?. Ekki stjórna Frjálslyndir þessum atriðum og því ættu að vera hæg heimatök þeirra sem ráða að breyta þessu og viðurkenna háskólamentun þeirra sem hingað eru komnir og einnig að opna landið fyrir fólki úr öðrum heimshlutum en Evrópu. Fyrr geta fjölmenningar sinnar varla talað um fjölmenningu.

[Jón Valur Jensson, 12.4.2007 kl. 00:12]

Haraldur, lítið er hugrekki þitt að skrifa ekki undir fullu nafni. Og svo stórortur ertu, að þú ættir að gera það. Jón Magnússon, sem setið hefur undir ósanngjörnum ásökunum, ætti að krefjast þess eins og fleiri, að hér skrifi aðeins innskráðir eða að öðrum kosti menn með fullu nafni og helzt kennitölu, því að undirskrift "óskráðra" er með þeim hætti, að menn geta ekki treyst því, að hún sé rétt; jafnvel þótt rekja megi pósta, er það ekki endilega á færi okkar venjulegra bloggara. -- Kem aftur, vil ekki taka þá áhættu að missa út lengri aths., eins og ég gerði áðan!

[Jón Valur Jensson, 12.4.2007 kl. 00:56]

Innlegg Haraldar var fullt af villu. Jón Magnússon hélt því alls ekki fram, "að fólk sem hingað fær heimboð vegna skorts á vinnufærum mönnum, sé upp til hópa öfgasinnaðir múslimar og mótórhjólagengismeðlimir", og ekki hefur hann gripið til múgæsingar gegn útlendingum almennt. Það hafa engir talað um það nema ÞÚ, Haraldur, að þeir vilji ekki hafa einhverja friðsama, saklausa, vinnandi menn hér í landinu ("Ég vil ekki hafa ykkur fylgismenn Frjálsblindra hér á landi" og: "Þótt ég vilji hvorki sjá hér íslenska glæpamenn, Jón Val eða Jón Magnússon á Íslandi ...").

Umræða JM um þessi mál hér ofar (spurningarnar fimm) lúta alls ekki að útlendingum almennt. Það er lágkúrulegt að vera að stressa Jón blessaðan með slíkum nafnlausum rógi. Og þegar Haraldur segir: "Ef hingað koma menn sem fremja afbrot þá er heimilt að vísa þeim úr landi eins og þú veist, lögmaður," þá er þetta fráleitt svar við þeim veruleika, sem nú ríkir á Norðurlöndum og í fleiri nágrannalöndum, að öfgamenn hafa bæði lagt á ráðin um hryðjuverk, framið þau (í Bretlandi og Hollandi) og verið dæmdir fyrir hatursáróður og fyrir slík hryðjuverkaáform (m.a. í Danmörku; þetta var ekki fyrsta skiptið þar, sem segir frá í blogguðu fréttinni). Það er of seint að vísa mönnum úr landi, þegar þeir hafa framið hryðjuverk. Þess vegna hafði Jón Magnússon lög að mæla, en það felur engan veginn í sér neinar ásakanir né tortryggni gagnvart fólki, sem er hér í vinnu, hvorki innlendu né útlendu. Það er um tvö ólik mál að ræða, þegar fjallað er um öfgamanna- og hryðjuverkahættuna annars vegar og hins vegar um stöðu og horfur í málefnum innflytjenda.

[Haraldur (IP-tala skráð) 12.4.2007 kl. 12:37]

Þú ert birtingarmynd illskunar Jón Valur, það finnst mér ekki spurning. Hvort sem ástæðan er einstrengingsleg heimska eða einfaldlega bilun á sönsum veit ég ekki. Svo virðist vera að þú gerir þér ekki grein fyrir því sem í brjósti þér býr. Jón Magnússon gerir það hins vegar. Hann er enginn kjáni og ætti að vita betur.

Þótt þú berir af þér sakir Jón Valur, milli þess sem þú slengir fram lygum, breiðir út órökstuddan hræðsluáróður og segist hafa gott eitt í hyggju, gerir það þig ekkert minna fyrirlitlegan.

Fordómar og hatur eru jafnömurleg fyrirbæri þótt þau séu grímubúin.

Helsta keppikefli þeirra sem þjást af illsku og mannvonsku er að sannfæra sjálfa sig um að þeir séu í raun góðir. Takist það hefjast þeir handa við að sannfæra aðra - það er hið endanlega takmark. 

[Logi Björnsson (IP-tala skráð) 12.4.2007 kl. 15:51]

Nei, ég vill ekki að íslendingar hvetji til hryðjuverka.

 En hvernig ætlið þið að koma í veg fyrir að íslendingar hvetji til hryðjuverka?

[) MÆ GOI (IP-tala skráð) 12.4.2007 kl. 21:49]

Viljum við láta sprauta okkur með fuglaflensu og þurfa að hlaupa maraþon nakin með villta úlfa eltandi okkur?

Svari hver fyrir sig. 

Jón, jafnvel einföldustu Íslendingar sjá í gegnum þetta. Það standa engir eftir nema rasistarnir.

[Jón Valur Jensson, 12.4.2007 kl. 23:25]

Innlegg Haraldar, sem þorir ekki að birta eftirnafn sitt, er greinileg hvatning til haturs og fyrirlitningar -- dæmigert um það alversta sem sést í nafnlausum bloggum. Vinsamlega eyddu þeim pósti, nafni, og síðan þessari litlu athugasemd minni. Hafðu samband, ef þú kannt ekki að fela athugasemdarfærslu. M. kveðju,

[Guðmundur Pálsson, 13.4.2007 kl. 11:25]

Ótrúlegt að lesa þetta. Ekki getur Haraldur þessi haft hemil á orðum sínum og skrifar þar að auki nafnlaust. Menn geta verið ósammála um margt og gengið í skrokk hver á öðrum með rökum, vegna mismunandi viðhorfa, það er í lagi. En þetta gengur ekki. Mér finnst þetta ekki eiga heima á bloggsíðu.

Virðingarfyllst