Þýska keisaradæmið studdi Lenin.

Þýska keisaradæmið útvegaði Lenín járnbrautarvagn og flutti hann frá Mið-Evrópu til Rússlands til að tryggja að byltingin í Rússlandi mundi heppnast. Þannig varð til ógnarstjórn sem Rússar sátu upp með í 70 ár.

Vilhjálmur 2 Þýskalandskeisari og ráðgjafar hans hugsuðu ekki lengra en að draga mátt úr Rússum og samningurinn við Lenin var um að saminn yrði friður á Austurvígstöðvunum. Það gekk eftir. Lenín samdi frið við Þýskaland.

Í 30 ára stíðinu í Þýskalandi studdu kaþólikar iðulega mótmælendur og öfugt. Það er margt skrýtið í sögunni bæði frá fyrri tíma og nútímanum.

Ég velti því t.d. fyrir mér af hverju Landsvirkjun studdi Ómar Ragnarsson leiðtoga Íslandshreyfingarinnar um 8 milljónir. Hver var hugsunin með því? Þurfti að draga úr fylgi vinstri grænna og Frjálslyndra?

Fæðingardegi Leníns fagnað á Rauða torginu

Athugasemdir

[Níels A. Ársælsson., 22.4.2007 kl. 16:22]

Studdu ekki þínir menn úr Sjálfstæðisflokknum Adolf Hitler ?

[Jón Magnússon, 22.4.2007 kl. 18:14]

Mínir menn í Sjálfstæðisflokknum meðan ég starfaði þar voru aðllega Bjarni Benediktsson, Gunnar Thoroddsen og Jóhann Hafstein. Enginn þeirra studdi Adolf Hitler eða þýska nasista. Jóhann Hafsteinn stofnaði Vöku félag lýðræðissinnaðra stúdenta sem barðist gegn þeim öfgastefnum sem þá voru uppi Nasisma og kommúnisma. Jóhann var einn ötulasti baráttumaður gegn nasismanum.

[Jónbjörg Þórsdóttir, 22.4.2007 kl. 22:40]

Hvaða meining með málefninu er að taka á móti framlaginu?

[Jónbjörg Þórsdóttir, 22.4.2007 kl. 22:42]

Hvaða meining með málefninu er að taka á móti framlaginu?

[Snorri Bergz, 23.4.2007 kl. 07:17]

Taka fylgi frá Frjálslyndum? Hvaða fylgi?

P.S. ég er ekki með stækkunarglerið með mér. Reyni að finna það þegar ég kem á skrifstofuna.

[Sigfus. (IP-tala skráð) 23.4.2007 kl. 09:01]

Ógnarstjórnin í Sovétríkjunum kom í raun ekki fyrr en Lenín féll frá og Stalín tók við, Lenín sinnti skildum sínum vel, og var með hugsjónir sínar á réttri leið, sem Stalín svo afbakaði til að gera völd sín sem mest.

[Guðmundur G. Hreiðarsson (IP-tala skráð) 23.4.2007 kl. 10:01]

Lenin var litlu betri en Stalin, honum entist bara ekki heilsa.

[Jón Valur Jensson, 23.4.2007 kl. 11:46]

Rétt, Guðmundur, en Sigfús fer með rangt mál. -- Og laukrétt hjá þér, Jón, að herforingjaveldið í Þýzkalandi átti sök á byltingu bolsévika. En þú hefur tíma fyrir svona sagnfræðidútl í kosningaslagnum?! Jú, síðasta setningin tengist nú kosningunum og merkilegt þetta, sem þú segir þar, að "Landsvirkjun studdi Ómar Ragnarsson leiðtoga Íslandshreyfingarinnar um 8 milljónir." Hvenær var þetta, Jón (og svaraðu nú, annars hætti ég að skrifa þér) -- var það alveg nýlega?

Það er spurning líka, hvort Sjálfstæðisflokkurinn haldi í tauminn á leiðtoga Baráttusamtaka aldraðra. Það vonlausa framboð gæti nefnilega, vegna klókinda D-listamanna með skiptingu Reykjavíkurkjördæmis, stuðlað að því, að stórflokkurinn fái að ríkja í a.m.k. 20 ár.

PS. Þrymur telur bolsévikabyltinguna þá "fyrstu sem kom neðan frá". Það er alls ekki rétt, enda kom hún ekki neðan frá! Hún var framkvæmd sem samsæri og valdarán, stutt fjárhagslega af Þjóðverjum, ruddi um koll byltingu Kerenskís, svipti þjóðina stjórnar- og réttindaumbótum hans og innleiddi alræði bolsévika í krafti járnharðs valds og stuðnings 25% verkamanna í Moskvu og Pétursborg. Tökum ekki ofan fyrir því sem alþýðubyltingu!

[Jón Magnússon, 23.4.2007 kl. 12:11]

Þessi stuðningur til Ómars mun hafa verið veittur á síðasta ári í sambandi við kvikmynd Ómars af fyllingu Hálslóns auk þess sem mér skilst að Ómar hafi iðulega gist hjá Landsvirkjun á þessum tíma. Aðrir munu einnig studdu þessa kvikmyndagerð Ómars en það hef ég ekki staðfest  en þú getur spurt Ómar.

[Jón Valur Jensson, 23.4.2007 kl. 12:25]

Virkilega athyglisvert -- og verður fróðlegt að heyra, hverju Ómar hefur við þetta að bæta.

[Jón Valur Jensson, 23.4.2007 kl. 16:07]

Atburðirnir 1905 komu neðan frá, sömuleiðis var hreyfing fjöldaflokka að baki byltingu Kerenskís í febrúar 1917. Með því að hafna því, að valdarán Leníns (á ákaflega veikri stundu ríkisvaldsins) hafi "komið neðan frá", var ég auðvitað ekki að halda því fram, að kommúnistaklíkan hafi verið yfirstétt! En hún hafði ekki stuðning meirihlutans; þegar bolsévikar kváðu loks saman stjórnlagaþingið snemma árs 1918, voru þeir sjálfir þar í algerum minnihluta (eftir síðustu frjálsu kosningarnar í Rússlandi), en leystu málið með því að leysa upp þingið með hervaldi! Á sama ári hófst mikil útrýmingarherferð fjöldamorðingjans Leníns.

Hér eru lærdómsríkir punktar úr bók Roberts Conquest, Lenin (Fontana/Collins, 1972/1981), varðandi sum þeirra atriða sem við höfum drepið hér á: "... after April [1917, sem sé stuttu eftir febrúarbyltingu Kerenskís, en um hálfu ári fyrir Októberbyltingu Leníns] it is clearly established that German funds reached the Bosheviks on a large scale (s. 85). Vitaskuld var þetta landráðastarfsemi. Arnór Hannibalsson getur upplýst Þrym um, hve háar þessar upphæðir voru, en þær komu reyndar fram í sjónvarpsþætti sem sýndur var hér fyrir nokkrum árum. -- Og meira:

"Two hundred and forty-five peasant uprisings are officially given for 1918 only, while ninety-nine are listed in twenty provinces---about a third of Bolshevik territory---in seven months of 1919 ..." (s. 96).

Varðandi stuðning verkamanna við Lenín, lesum þetta í sömu bók (s. 103-4): "At the Tenth [Communist] Party Congress in March 1921 Zinoviev declared that if a congress of workers (proposed by Shlyapnikov) were called, 99 per cent of it would be Menshevik, Social-Revolutionary [úr hinum fjölmenna Þjóðbyltingarflokki, sem stóð líka gegn bolsévikum] and in general non-Communist. Trotsky attacked this as a great exaggeration, but admitted that in any free workers´ election, non-Communists would be heavily represented. He added that the Party was "in duty bound to retain its dicatorship, regardless of the temporary vacillations of the amorphous [ómótuðu] masses, regardless of the temporary vacillations of the working class." -- As early as 1919 Lenin himself found it necessary to make a remark crucial to the whole Leninist attitude to the working class: "We recognise neither freedom, nor equality, nor labour democracy [my italics [þ.e. R.C.]] if they are opposed to the emancipation of labour from the oppression of capital." In 1920, he was insisting that "revolutionary violence" was essential "against the faltering and unrestrained elements of the toiling masses themselves.""

So much for Boshevik mass support, Þrymur minn!

[Jón Valur Jensson, 23.4.2007 kl. 19:52]

Það fréttnæma á þessari síðu er það sem Jón Magnússon hefur upplýst hér um verulegan fjárstuðning við Ómar Ragnarsson. En ætli fjölmiðlarnir taki við sér?