Sjálfstæðisflokkurinn er stefnulaus í skatta- og ríkisfjármálum.

Í umræðuþætti í kvöld í Ríkissjónvarpinu kom í ljós af málflutningi fjármálaráðherra að Sjálfstæðisflokkurinn er bæði úrræða og stefnulaus í skatta- og ríkisfjármálum. Á 15 ára valdatímabili Sjálfstæðisflokksins hafa opinber gjöld vaxið sem hlutfall af þjóðartekjum úr 32% í 42%. Samkvæmt spá Seðlabankans segir að með óbreyttri stefnu verði opinber útgjöld sem hlutfall af þjóðartekjum orðið 49% árið 2009.  Hafa verður í huga að þjóðartekjur hafa á þessu tímabili vaxið hraðar en nokkru sinni fyrr þannig að opinberu gjöldin hafa fengið að vaxa aðhaldslítið eða aðhaldslaust.

Það alvarlega við þetta er að þó að opinber útgjöld hafi vaxið úr 32% í 42% af þjóðartekjum þá hafa aðeins 4% af þessari 10% aukningu runnið til velferðarmála. Það skýrir að hluta þann velferðarhalla sem hefur myndast í tíð ríkisstjórnarinnar. Hinn hluti skýringarinnar er að skattleysismörk hafa ekki hækkað í samræmi við breytingar á launum. Þessvegna er greiðslubyrði láglaunafólksins allt of þung og kaupmáttaraukningin hefur ekki komið til þess hóps.

Í Þættinum kom fram að Frjálslyndi flokkurinn einn flokka er með heilsteypta skynsamlega stefnu í skattamálum.

Við viljum afnema stimpilgjaldið strax. Öðrum flokkum vefst tunga um tönn hvað það varðar.

Við viljum ekki hækka fjármagnstekjuskatt. Við erum ekki skattahækkunarflokkur.

Við viljum hins vegar hækka skattleysismörk í 150.000 til að bæta hag láglaunafólks og bótaþega.

Enginn annar flokkur býður jafn ákveðna og jákvæða  skattastefnu fyrir neytendur og launafólk og Frjálslyndi flokkurinn.

 Við viljum taka á ríkisbákninu og henda burt óhófinu og bruðlinu.

Það var nokkuð dapurlegt að í lok þáttarins skyldi fjármálaráðherra missa algjörlega tengsl við raunveruleikann en það er e.t.v. eina vörnin sem Sjálfstæðisflokkurinn á til þar sem hann hefur svo gjörsamlega brugðist stefnu sinni og stuðningsmönnum sínum í þessum málaflokki.

Sjálfstæðisflokkurinn sagðist bjóða upp á Kóka kóla en bauð í raun upp á Stalín Kóla. Því miður er þessi flokkur orðinn að úrræðalausum ríkishyggjuflokki. Styrkur hans hefur falist í lélegri stefnumörkun Samfylkingarinnar og Vinstri grænna í þessum málaflokki. Leiðin er því að kjósa Frjálslynda. Sá sem vill koma böndum á ríkisútgjöldin á samleið með okkur en ekki Sjálfstæðisflokknum.

Frjálslyndi flokkurinn X-F. Fyrir skynsamlega hagstjórn, minni ríkisútgjöld og minni skatta.

Athugasemdir

[Guðrún María Óskarsdóttir., 1.5.2007 kl. 23:18]

Sæll Jón.

Stalín Kóla mjög góð útskýring. Sú tilfinning sem maður fékk eftir áhorf á þáttinn var sú að hvorki Árni né Jón væru í sama landi og við , heldur annars staðar.

kv.gmaria.

[arnar (IP-tala skráð) 1.5.2007 kl. 23:26]

Hver sér ekki í gegnum þetta rugl í ykkur að Ríkisstjórninn hafi ekki staðið sig í skattamálum? 

Hagur þjóðarinnar hefur aldrei verið betri ég er ekki með háar tekjur en jú ég nota þær skynsamlega og fjárfesti. Þessar fjárfestingar mínar skila svo góðum hagnaði, afhverju? Jú því að stjórninn hefur komið með svo skipulagða og góða hagstjórn.

Þeir þurftu að berjast við að koma þreytu og biluðu hjóli á stað og nú er það í toppstandi þá kemur penningurinn inn og þeir geta farið að einbeyta sér meira af velferðarmálum og öðru. Það er alveg ótrúlegt hvað stjórnarandstaðan snýr út úr öllu og reynir að gera mál úr því.

Þið áttuð að nota síðustu 4 ár í að veita ríkisstjórninni aðhald ekki gera mál úr engu og hægja þar með á hjólinu og innreið velferðar inn í samfélagið

Hinsvegar er ég sammála ykkur í einu og margir hafa snúið út úr hjá ykkur þar með talið ríkisstjórnarflokkarnir og það er stefnumálið um ábyrgt eftirlit á innflytjendum, en ef þið stígið of langt í þeim málum verðið þið littlu skárri en Hitler og þurfið því að fara varlega    

[arnar (IP-tala skráð) 1.5.2007 kl. 23:28]

Hver sér ekki í gegnum þetta rugl í ykkur að Ríkisstjórninn hafi ekki staðið sig í skattamálum? 

Hagur þjóðarinnar hefur aldrei verið betri ég er ekki með háar tekjur en jú ég nota þær skynsamlega og fjárfesti. Þessar fjárfestingar mínar skila svo góðum hagnaði, afhverju? Jú því að stjórninn hefur komið með svo skipulagða og góða hagstjórn.

Þeir þurftu að berjast við að koma þreytu og biluðu hjóli á stað og nú er það í toppstandi þá kemur penningurinn inn og þeir geta farið að einbeyta sér meira af velferðarmálum og öðru. Það er alveg ótrúlegt hvað stjórnarandstaðan snýr út úr öllu og reynir að gera mál úr því.

Þið áttuð að nota síðustu 4 ár í að veita ríkisstjórninni aðhald ekki gera mál úr engu og hægja þar með á hjólinu og innreið velferðar inn í samfélagið

Hinsvegar er ég sammála ykkur í einu og margir hafa snúið út úr hjá ykkur þar með talið ríkisstjórnarflokkarnir og það er stefnumálið um ábyrgt eftirlit á innflytjendum, en ef þið stígið of langt í þeim málum verðið þið littlu skárri en Hitler og þurfið því að fara varlega    

[Solveig Friðriksdótti (IP-tala skráð) 1.5.2007 kl. 23:30]

Rvík,1.mai.2007.

Íslendingar telja sig vera frjálshyggjumenn í dag.  Þess vegn  vex fylgi  Sjálfstæðisflokksins jafnt og þétt.  Það kemur ekki til að nægja að hampa einstökum málum. Sbr. útlendingaeftirlit.  Skattamál o.s.frv.   

[Páll Einarsson, 2.5.2007 kl. 10:42]

Samfylkingin vill fella niður stimpilgjöldin strax og hefur síðust 4 ár lagt það fyrir alþingi að svo verði!

kveðja,

[Sigurður Þórðarson, 2.5.2007 kl. 11:05]

Sjálfstæðisflokkurinn stendur ekki vörð um frelsi einstaklingsins  og er enn síður frjálshyggjuflokkur.  Hann er þvert á móti fyrirhyggju- og kvótaflokkur, sem eykur ríkisafskipti jafnvel meir en Steingrím og Ögmund gæti látið sig dreyma um. 

Ríkisfyrirtækjum og auðliondum hefur verið úthlutað til þóknanlegra og búið til lénskipulag í sjávarútvegi.                                                     Utanríkisþjónustan hefur verið þanin út til að búa til embætti fyrir afdankaða stjórnmálamenn og minni skósveina.                                  Óþarfar ríkisstofnanir hafa veið búnar til sem síðan vaxa sjálfstætt.    Hingað til hefur þetta verið fjármagnað með neyslusköttum af tímabundinni þenslu og viðskiptahalla, auk sölu ríkiseigna.   Afleiðingin er hrikaleg.  Aukin skattbyrði einkum hjá láglaunafólki.   Ríkisstjórnin er á fylleríi með heftið á yfirdrætti (viðskiptahalli).            Bráðum koma timburmenn. Jafnvel Davíð er búinn að átta sig á því.