Magnús Þór Hafsteinsson stóð sig best.

Ég gleymdi að benda fólki á að hægt er að skoða þáttinn með frambjóðendum í Reykjavík norður á vísir.is Ég skora á alla að gera það og dæma fyrir sig sjálf um málflutning frambjóðendanna. Eins og kom fram í bloggi mínu áðan þá fannst mér Magnús Þór mjög sterkur og Össur Skarphéðinsson kom einnig sterkur inn. Guðlaugr þór stóð sig hins vegar miður. En hafa verður í huga að hann á erfiðan málstað að verja.

Athugasemdir

[Guðrún María Óskarsdóttir., 3.5.2007 kl. 00:29]

Þetta var líflegur og skemmtilegur þáttur, og Magnús stóð sig vel, Össur var ágætur.

kv.gmaria.

[Ragnar (IP-tala skráð) 3.5.2007 kl. 00:43]

Mikið óskaplega er ég orðinn leiður á þessum "eins málefna" stympli sem fréttamenn eru í tíma og ótíma að klína á xF. Þetta gerði Svanhildur í kvöld í tvígang og örugglega án betri vitundar. Fréttamenn, xF berst fyrir: Velferðar-, Fiskveiði- og Innflytjendamálum svo dæmi séu tekin. Þá hafið þið það!!

[Halldór Jónsson, 3.5.2007 kl. 07:43]

Aðeins að lífga uppá síðuna hjá þér Jón. Mér finnst allt púður úr ykkur F-lista mönnum, kannske byrjuðuð þið of snemma. Og verðtryggingarklisjan, h´æun lagar þetta ekki hjá ykkur.

Ykkur frjálsyndum yfirsést það, að verðtrygging er ekki annað en trygging sparandans fyrir því að fjármunir hans eyðist ekki ef abnormalt ástand skapast í hagkerfinu, oftast fyrir tilverknað ykkar stjórnmálamanna eða þá verkalýðsrekendanna, Ef hagkerfið er í jafnvægi, sem nokkurnveginn kyrrstöðuástand og oft atvinnuleysi, þá er verbótaþáttur vaxta núll, þá er engin verðtrygging heldur umsamdir vextir.

Fólk má ekki gleyma því að viðskiptafrelsið hefur fært okku það, að við getum tekið húsnæðislán okkar í erlendum gjaldmiðlum á þeim vöxtum sem þar fást með álagi íslenzks banka sem milligönguaðila, þar sem það er erfitt fyrir Jón Jónsson að fara í erlendan banka og fá lán útá fasteign á Íslandi- enn sem komið er. Þessir evruspekingar í Samfylkingunni þegja um þetta eins og Þorvaldur Gylfasons, sem tapar gersamlega glórunni þegar hann fer að skrifa hatursgreinar sínar um Sjálfstæðisflokkinn og meinta mannvonsku hans. En þið hafið einhvernvegin sprungið á limminu í innflytjendamálunum og því húrrið þið svona niður í skoðanakönnunum. Rifjaðu upp Ísland fyrir Ílsendinga Jón !