Var kveikt í?

Hafi verið kveikt í gám við Valhöll hús Sjálfstæðisflokksins þá er það fordæmanlegt.  Brotnar hafa verið rúður á skrifstofum Frjálslynda flokksins í Aðalstræti og sjálfur varð ég fyrir því að hent var grænni snöru inn í garðinn heima hjá mér. Svona atvik eru slæm og fordæmanleg. Virðing fyrir skoðunum annarra er grundvöllur menningarsamfélags og virks lýðræðis.

Allir stjórnmálaflokkar verða að taka höndum saman um að vinna gegn fordómum og neikvæðri andfélagslegri hegðun gagnvart andstæðingum sínum.

Eldur í gámi við Valhöll

Athugasemdir

[Baldvin Esra Einarsson (IP-tala skráð) 7.5.2007 kl. 10:46]

Leiðinlegt að heyra um árásir á ykkar flokk.

Kannski var þetta einhver reiður kvótakóngur helpirraður á rausinu í ykkur um að taka af honum kvótann (og allt staffið hans). Hann hafi verið út að borða á Sjávarkjallaranum (fagna því að hann græddi milljónir með því gera ekki neitt) og verið á röltinu og séð glottið á erkióvinum sínum endurspeglast í gluggum skrifstofu ykkar. Ekkert annað í stöðunni en að brjóta rúður (hugsanlegt líka að hann hafi drukkið svolítið ótæpilega af kampavíni).

[Ár & síð, 7.5.2007 kl. 16:31]

Ofbeldið tekur við þegar rökin þrýtur.
Matthías

[Inga Lára Helgadóttir, 7.5.2007 kl. 19:36]

Flottur pistill hjá þér, að tala um þetta svona almennt en ekki sem árás frá einum flokki til annars

Kveðja Inga Lára