Ríkissaksóknari.

Fróðlegt verður að sjá hvern Björn Bjarnason dómsmálaráðherra skipar í embætti ríkissaksóknara. Fjórir sækja um stöðuna þeir Egill Stephensen sem hefur verið starfandi hjá lögreglustjóranum í Reykjavík um árabil, Jón H:B. Snorrason fyrrum vararíkislögreglustjóri og núverandi varalögreglustjóri höfuðborgarsvæðisins. Sigríður Friðjónsdóttir sem hefur verið starfandi saksóknari.  Svo sækir um Brynjar Níelsson hæstaréttarlögmaður sem hefur kennt refsirétt við Háskólann á Bifröst og farið með mörg sakamál fyrir rétti sem verjandi. Það væri athyglivert að fá mann utan embættismannakerfisins í starfið en þar kemur Brynjar þá einn til greina.

Almannarómur segir hins vegar að Jón H. B Snorrason verði valin og það sé löngu ákveðið. En nú er spennandi að sjá hvort dómsmálaráðherra skipar fyrir eða eftir kosningar og hvern hann skipar.

 Var e.t.v. búið að ráðstafa embættinu?

Athugasemdir

[Jóhann H., 8.5.2007 kl. 09:00]

Þessi Björn Bjarnason mun ekki víkja af leið sinni varðandi einkavinavæðingu löggunar.  Jón H.B. mun verða skipaður og honum þannig verðlaunað þýlyndið sem hann sýndi yfirboðurum sínum við málareksturinn gegn Baugi. 

Einnig verður athyglisvert að sjá hver hefur verið valin til að gegna stöðu vararíkislögreglustjóra.  Fréttin á RÚV í gær um auglýsingu stöðunnar var kostuleg.  Staðan var ekkert auglýst, nema í Lögbirtingi, daginn sem umsóknarfrestur rann út.  Og merkilegt nokk, ein umsókn hafði borist.  Enda lét B.B. hafa eftir sér að ávallt hefði gefist vel að auglýsa í Lögbirtingablaðinu...

Ég hef sjalda séð skít staflað eins hátt þar sem B.B. er annars vegar.

[Þóra Guðmundsdóttir, 8.5.2007 kl. 09:52]

Ertu búinn að lesa þetta ?