Skoðanakönnun á Stöð 2

Skoðanakönnun sem birt var í umræðuþætti formanna stjórnmálaflokkana í kvöld á að sýna okkur Frjálslyndum að það skiptir öllu máli að herða baráttuna síðustu daga fyrir kosningar. Frjálslyndi flokkurinn var ekki nema með 3 þingmenn samkvæmt könnuninni en þarf að fá fleiri til að hafa veruleg áhrif í íslensku þjóðfélagi.

Skoðanakönnunin sem er brotin niður á kjördæmi er vafasöm af því að þar eru skekkjumörkin orðin verulega mikil. Þó að ég ætti að vera ánægður með mína stöðu miðað við niðurstöðuna þá er ég það ekki vegna þess að það þurfa að komast fleiri Frjálslyndir að.  Ég tel að það verði að skoða SV og Reykjavíkurkjördæmi í heild til að fá rétta niðurstöðu.

Magnús Þór Hafsteinsson varaformaður Frjálslynda flokksins er gríðarlega öflugur þingmaður og hefur verið boðinn og búinn til að aðstoða alla í baráttunni og geldur e.t.v. fyrir það að hafa lagt höfuðáherslu á heildarbaráttu flokksins en  minni á eigin hagsmuni. Alla vega gerir hann það skv skoðanakönnuninni.  Reykvíkingar Magnús Þór varaformaður Frjálslynda flokksins er heiðarlegur góður þingmaður og hann á skilið stuðning.  Reykvíkingar eiga ekki kost á mörgum jafngóðum þingmönnum og Magnúsi Þór Hafsteinssyni.

Athugasemdir

[Grétar Pétur Geirsson, 9.5.2007 kl. 21:27]

Tek undir þetta um leið og ég gleðst yfir þvi að þú skulir vera inni samkvæmt þessari könnun. En það er spurnig hvað hún er ábyggileg þegar kemur að skiptingunni milli kjördæma. Það er algjört likilatriði að  Magnús Þór komist inn það væri slys ef það næðist ekki. Þeir sem hafa fyllst með umræðunni undanfarna daga og hlustað á málflutning Magnúsar hljóta að sjá það að þarna er á ferð heiðarlegur stjórnmálamaður með mikla þekkingu á sjávarútvegsmálum einnig hefur hann nálgast umræðuna um innflytjendamál af mikilli ábyrgð.Veitum Magnúsi brautargengi 12.maÍ með því að setja X við F