Kraftmikill talsmaður.

Magnús Þór Hafsteinsson sýndi það enn einu sinni í útvarpsumræðum á Rás 2 í dag þar sem efstu menn framboðslistana ræddu málin að hann er gríðarlega öflugur talsmaður Frjálslynda flokksins. Magnús Þór var án nokkurs vafa sterkastur í umræðunum og talaði tæpitungulaust um áherslumál Frjálslynda flokksins. Talsmenn Frjálslynda flokksins hafa staðið sig afburða vel í öllum umræðum á ljósvakamiðlum og á skilið að uppskera í samræmi við það. 

 Lokahnykkurinn er eftir það verða allir að gera sitt besta og muna þau gullvægu orð sem Ólafur Thors fyrrum formaður Sjálfstæðisflokksins sagði "Ef við vinnum þá vinnum við. Ef við vinnum ekki þá töpum við."  Við skulum vinna eins og við getum þangað til kjörstöðum verður lokað og uppskera í samræmi við það.

Athugasemdir

[Ragnar (IP-tala skráð) 10.5.2007 kl. 21:31]

Ég tel að Magnús Þór sé sá stjórnmálamaður sem ætti miklu meira hrós skilið. Hann hefur unnið gríðarlega vel að því að upplýsa vankanta Kvótakerfisins sem er loksins að skila sér inn í umræðuna sbr. Kompáss þáttinn um daginn. Ekki er úr vegi að rifja upp ummæli Árna Mathiesen fv Sjávarútvegsráðherra sem voru dæmd dauð og ómerk. Viðhorf Árna eru nokkuð hjákátleg m.v. þær upplýsingar sem nú liggja fyrir um kvótakerfið og spillinguna sem viðgengst í því kerfi. En hér eru ummæli Árna: "...hann er nú yfirlýstur andstæðingur kvótakerfisins og hefur margsagt það að hans markmið sé hérna að rífa niður þetta kerfi." þá voru þessi ummæli Árna dæmd dauð og ómerk: "Magnús Þór lýsti því hérna yfir að hann ætlaði sér sko að koma hérna höggi á fiskveiðistjórnunarkerfið erlendis og hérna, og koma, hvernig hann nú orðaði það, að hérna skemma fyrir íslenskum stjórnvöldum og því sem íslensk stjórnvöld eru að reyna að gera í fiskveiðistjórnun, á erlendri grundu. Þetta er náttúrulega fáheyrt, ef ekki bara óheyrt, að fréttamaður láti svona út úr sér, að hann hafi stefnu sem þessa". Að síðustu voru þessi ummæli Árna einnig dæmd dauð og ómerk: "...af því að við erum nú hérna í sjónvarpi og í svona fréttaviðtali, að mér finnst það hins vegar vera stórt mál fyrir fréttastofu hvort að hún ætli sér yfir höfuð að viðhafa svona vinnubrögð, að sviðsetja fréttir. Á Stöð 2 einu sinni þá var fréttamaður sem sviðsetti dópviðskipti uppi í Rauðhólum og hann var rekinn. Og það var einu sinni fréttamaður í Bandaríkjunum sem sviðsetti það að átta ára gömul blökkustúlka væri heróín neytandi og hann fékk Pulitzer Prize verðlaunin fyrir. Síðan komst þetta upp um hann og hann var auðvitað rekinn frá blaðinu sem hann var að starfa á og hérna hann þurfti að skila verðlaununum. Þess vegna spyr maður sjálfan sig sko. Eru þetta vinnubrögðin sem Ríkissjónvarpið ætlar að viðhafa, og þarf maður alltaf að hugsa í hvert einasta skipti sem maður hefur horft á einhverja frétt, sko bíddu, var þetta sviðsett eða var þetta alvörufrétt." Ég hef raunar aldrei skilið hversu langt Árni Mmathiesen hefur náð í stjórnmálum því ekki veður hann í vitinu. Mmagnús Þór er sá stjórnmálamaður sem hefur vaxið hvað mest í áliti hjá mér. Áfram Magnús Þór og Frjálslyndir!!!

[Grétar Pétur Geirsson, 10.5.2007 kl. 23:34]

Þetta er rétt hjá þér Ragnar. Magnús verður að hljóta góða kosningu 12.Maí Ef Magnús næði ekki að komast inn þá missum við manninn sem hvað mest hefur barist gegn þessu óréttláta kvótakerfi og haldið merkjum sjómanna á lofti auk margra annara góðra mála .Magnús hefur sterka réttlætiskend og berst fyrir réttindum fólks sem á undir högg að sækja.Tryggjum Magnúsi brautargengi 12.Maí X við F

[Jóhann H., 11.5.2007 kl. 01:22]

Var að ljúka við að hlusta á þáttin á RUV.  Magnús Þór var þar aldeilis í banastuði.  Málefnalegur, beinskeyttur og fullur af eldmóði og ferskum og þörfum ábendingum.

Hann var líka sérstaklega ærlegur í sínum málfutningi, t.d. þegar hann bað viðmælendur sína að fara varlega í brigslyrðum þeirra um Alfreð Þorsteinsson.  Benti á að maðurinn væri ekki á staðnum til að verja sig.  Algerlega fáheyrt í pólitískri orðasennu í útvarpi!

Þetta er lítill vitnisburður um erindi Magnúsar í pólitik.  Þar hefur hann djúpa réttlætiskennd, einlægni og sannfæringu í fyrirrúmi.  Í þessum þætti kom vel fram hversu þroskaður stjórnmálamaður Magnús er orðinn eftir sitt fyrsta kjörtímabil á Alþingi.

Því er afskaplega mikilvægt að kjósendur í Reykjavík -Suður veiti honum áframhaldandi brautargengi.  Ég vil skora á ókveðna að hlusta á kjördæmaþáttinn þar sem Magnús hreinlega ber af öðrum viðmæendum í máfutningi sínum.   

Í Magnúsi Þór munu kjósendur eignast öflugan fulltrúa og einlægan baráttumann á Alþingi Íslendinga á næsta kjörtímabili. 

Setjið x við F á kjördag!

[Ragnar (IP-tala skráð) 11.5.2007 kl. 08:40]

Ein athugasemd: Magnús Þór er í Reykjavík Norður og Jón Magnússon í Reykjavík Suður! Báðir eru þeir afburðamenn og góðir fulltrúar á alþingi. Kjósum xF!!!

[Jóhann H., 11.5.2007 kl. 09:57]

Afsakið, auðvitað meinti ég Magnús á þing fyrir Reykjavík -Norður.  Maður á ekki að vera að blogga svona seint! 

En báðir eru þeir Magnús og Jón verðugir fulltrúar Reykvíkinga á Alþingi Íslendinga á næsta kjörtímabili.  SETJUM X VIÐ F!!