Frjálslyndi flokkurinn er lykillinn að breytingum.

Miðað við skoðanakannanir þá skiptir máli að Frjálslyndi flokkurinn fái sem besta kosningu því annars verður ekki um breytingar að ræða í íslenskum stjórnmálum. Til að fella ríkisstjórnina þurfa 8% Kjósenda að kjósa Frjálslynda flokkinn og atkvæði greitt Frjálslynda flokknum nýtist að fullu.

Kjósendur eiga þess kost að kjósa Frjálslynda flokkinn, borgaralegan hægri flokk sem mun gæta aðhalds og sparnaðar í ríkiskerfinu, beita sér fyrir skattalækkunum og laga velferðarhallann.

Frjálslyndi flokkurinn einn  býður fólki upp á hjálp til sjálfshjálpar og viðunandi kjör handa þeim sem þufa á velferðarkerfinu að halda.

 Frjálslyndi flokkurinn setur hagsmuni íslensku þjóðarinnar ofar öllu. Við erum eini flokkurinn sem nýtur ekki stuðnings neinna sterkra hagsmunaaðila og erum ekki skuldbundin neinum sérhagsmunum. Frjálslyndi flokkurinn er flokkur fólksins í landinu.

Athugasemdir

[Jóhann H., 11.5.2007 kl. 00:50]

Samkvæmt síðustu könnun Stöðvar 2, þá er það aveg ljóst að það verður fylgi Frjálslyndra sem mun ráða örlögum stjórnarflokkanna.

Einnig er ljóst að Frjálslyndir eru eini raunverulegi valkosturinn til að forða okkur frá hreinni vinstri stjórn. 

Nái Frjálslyndir góðri kosningu og fái þ.a.l. sterkt umboð til setu í nýrri stjórn Kaffibandalagsins, þá þá mun flokkurinn vera límið, kjölfestan og aðhaldið í því stjórnarsamstarfi. 

Ég vil því skora á þá óákveðnu kjósendur sem eru nú orðnir langþreyttir á núverandi stjórnarflokkum en hugnast ekki hrein vinstri stjórn, að veita Frjáslynda flokknum brautargengi. 

Málefni flokksins, kjarkur og áræðni fulltrúa hans og síðast en ekki síst, sterkur málflutningur í kosningabaráttunni eru skýrar vísbendingar til óákveðinna kjósenda um að flokkurinn eigi fullt erindi til þátttöku í ríkisstjórn. Eftir tólf ára valdasetu núverandi ríkisstjórnar er kominn tími á breytingar. 

Það er komið nóg af einkavinavæðingum, velferðarhalla og auðmannadekri. 

Frjálslyndi flokkurinn er breytingaafl.  Tími hans er kominn.

Fellum ríkisstjórnina á laugardaginn með atkvæði greiddum Frjálslyndum og stuðlum þannig að myndun frjálslyndrar, jafnaðar-og félagshyggjustjórnar.