Nú þarf að koma sér í kraftgöngu.

Sjálfsagt venjast menn á að vera í kosningabaráttu. Ég efa að ég fari í það margar að mér takist að ná þeirri færni sem Dr. Gunnar Thoroddsen náði en ég fór með honum á nokkra kosningafundi vítt og breytt um landið fyrir tæpum 40 árum. Ég var ungur maður og fannst það fyrirkvíðanlegt verkefni að fara með Dr. Gunnari en það var bæði skemmtilegt og lærdómsríkst. Dr. Gunnar kunni að hvíla sig þegar þess gafst kostur. Undirbúa sig þegar þess gafst kostur og umgangast fólk með þeim hætti sem fáum er gefið. Fyrirfram hafði ég talið að Dr. Gunnar væri frekar húmorslaus maður en þar hafði ég heldur betur rangt fyrir mér. 

Sjálfur hef ég ekki náð þeirri andlegu ró sem dr. Gunnar hafði öðlast og þarf að taka út þá líkamlegu timburmenn sem því fylgir að borða óreglulega og sofa óreglulega og missa úr hreyfingu og líkamsrækt. En það skal vera komið í lag fyrir þingsetningu í haust.  Það kosningaloforð gaf ég sjálfum mér og ætla ekki að svíkja það.

Athugasemdir

[Ásthildur Cesil Þórðardóttir, 15.5.2007 kl. 18:30]

Jón ég sé eftir frábærum félögum mínum þeim Sigurjóni Þórðarsyni og Magnúsi Þór Hafsteinssyni, ég hefíð líkað vilja sjá Kolbrúnu Stefáns þarna innanborðs.  En ég óska þér alls góðs og ég treysti ykkur fjórum til að standa vaktina fyrir okkur hin, svo okkar fólk eigi greiðari leið inn í næstu kosningum.  Því ég er sannfærð um að það verða nýjar kosningar innan tveggja ára.  Þessi úrslit eru fíasko.  Og standast bara ekki.  En þetta kemur vitanlega í ljós fyrr en seinna.

[Jón Magnússon, 15.5.2007 kl. 20:51]

Þakka þér fyrir Ásthildur.  Mér finnst slæmt að þeir Magnús og Sigurjón skuli ekki vera í þingflokknum. Það er nauðsynlegt að nýta þeirra krafta með einhverjum hætti fyrir flokkinn. Ég var að vona að við fengjum 7 þingmenn en vorum næstum búin að ná 5. Maður veit aldrei hvenær kosningar verða næst. Límið í ráðherrastólum er sterkt. En hins vegar þurfum við að vera við kosningum búin og undirbúa okkur.

[Ólafur Ragnarsson, 16.5.2007 kl. 00:04]

Tek heilshugar undir með Ásthildi.

[Inga Lára Helgadóttir, 16.5.2007 kl. 00:27]

Flott Jón það er fátt sem gengur eins vel og þegar líkaminn er í lagi, gott að hreyfa sig vel og borða hollan mat þú hefur kosningaloforð, ég á mér áramótaheit ....nokkurnveginn það sama.

Kær kveðja Inga Lára Helgadóttir