Ríkisstjórnin fallin.

Það eru stórtíðindi þegar slitnar upp úr ríkisstjórnarsamstarfi eftir samfellda 12 ára samstarf. Sjálfstæðisflokkurinn á þá kost á að mynda ríkisstjórn til vinstri með Samfylkingunni og langt til vinstri með Vinstri grænum eða mynda Frjálslynda umbótastjórn með Frjálslynda flokknum hugsanlega þannig að Framsóknarflokkurinn mundi verja þá ríkisstjórn eða koma að þeirri ríkisstjórn. En valið er alfarið Geirs Haarde eins og staðan er í dag og fróðlegt að sjá hvað kemur upp úr þeim hatti. 

Það er frumskylda stjórnmálamanna að mynda starfhæfa ríkisstjórn sem fyrst. Nútíma þjóðfélag þolir illa að vera með starfsstjórn til lengdar. Sá sem fær umboð forseta væntanlega Geir Haarde ber því mikla ábyrgð á því að unnið sé hratt og allir möguleikar séu skoðaðir.

Ekki grundvöllur fyrir áframhaldandi samstarfi stjórnarflokkanna

Athugasemdir

[doddi (IP-tala skráð) 17.5.2007 kl. 16:47]

mér finnst persónulega ekki vænlegt að stofna rasista ríkisstjórn með mönnum eins og þér jón

[Árni Gunnarsson, 17.5.2007 kl. 17:01]

Það er slæmt þegar skynsamir menn eins og þú doddi gleyma að segja til nafns. Ég sé nú ekki fyrir mér að það verði mynduð sannfærandi ríkisstjórn fyrr en þú hefur sagt hvað þér finnst um hana persónulega.

Ég held að þú sért vænsti maður og leynir á þér eins og ýmsir fleiri í okkar upplýsta samfélagi.

Óska þér aukins þroska og góðs bata!