Nýju fötin borgarstjórnarinnar

Borgarfultrúar allra stjórnmálaflokka hamast við það á hópeflis-trúarsamkomunni í París, um hnattræna hlýnun, að setja fram hugmyndir og leiðir til að gera íbúum sínum sem erfiðast fyrir í framtíðinni í samgöngu og atvinnumálum og semja reglur til að geta haft sem mest afskipti af lífi og starfi borgaranna í framtíðinni.

Á sama tíma og Kir-Royal lepjandi borgarfulltrúar Reykjavíkurborgar eyða tíma í vandamál vegna hnattrænnar hlýnunar, stendur venjulegt fólk á Stór-Reykjavíkursvæðinu í ströngu við að komast leiðar sinnar í mesta snjóþunga sem mælst hefur í meira en öld. Það í einum mesta kulda sem mælst hefur lengi í desemberbyrjun. Degi B. Eggertssyni með fulltingi annarra flokka í borgarstjórninni liggur þar af leiðandi á,  að finna sem allra skepnulegustu reglur til að tryggja að í framtíðinni komist borararnir helst hvorki lönd né strönd og þurfi að leita út í dreifbýlið eftir arðbærri vinnu í framleiðslugreinum.

Franski heimspekingurinn Voltaire skrifaði bókina Birting til að gera grín að trúarsetningum kirkjunnar á 18.öld. Með sama hætti væri hægt að skrifa bók núna til að gera sambærilegt grín að trúarsetningum hlýnunarsinna. Hvað sem gerist í veðrinu er skrifað á hnattræna hlýnun. Nú þegar kuldi og snjór herjar á íbúa Norðurslóða, Reykvíkinga sem aðra, segja hlýnunarprestarnir að þetta sé vegna hlýnunar af mannavöldum. Aukin kuldi er þá vegna hlýnunar eins og Altunga í Birtingi sagði, þegar hann og Birtingur voru hnepptir í þrældóm að það væri vegna þess að algóður Guð gerði eingöngu góða hluti. Þrældómurinn hlaut því að vera góður.

Eitraður útblástur jarðefnaeldsneytis vegna loftslagsráðstefnunnar í París nemur meiru en tveggja ára útblæstri Eistlands og sennilega meir en fimm ára útblæstri Íslands. Reglurnar sem elítan í París er að tala um að þurfi að setja á venjulegt fólk gildir bara fyrir venjulegt fólk en ekki fyrir Kir-Royal lepjandi ráðstefnugesti í París.

Athugasemdir

[Sigurdur Hjaltested (IP-tala skráð) 3.12.2015 kl. 19:47]

Thad hefur aldrei verid annad eins svartnaetti yfir Reykjavik eftir ad Dagur tok vid. Vonandi dagar aftur thegar Dagur er farinn

.

[Kolbeinn Pálsson, 3.12.2015 kl. 21:02]

Etna á Sikiley byrjaði að gjósa! Hvaða áhrif á global w???

Global warming einkaþotna til og frá Paristown bættu hve miklu við global warming??

Kringum Landnám var Vatnajökull aðeins  2 litlir jöklar, það var þjóðleið frá suðurströnd til norðurlands milli Klofajökuls, eins og þeir tveir smájöklar voru kallaðir.

Ég kvitta ekki á "Global Warming Bullið" fyrr en Íslensku jöklarnir hafa hopað í sambærilegar stærðir og þeir voru um landnám.

[Halldór Jónsson, 5.12.2015 kl. 00:16]

hefurðu nokkuð heyrt í Bjarna Benediktssyni formanni Sjálfstæðisflokksins hvað varðar loftslagsmál og ráðsetfnuna í París félagi Jón? Maður fær enga línu eins og hér áður.