Breytingar á stjórnarskránni

Samkomulag hefur náðst í stjórnarskrárnefnd um að leggja fram ákveðnar breytingar á stjórnarskrár lýðveldisins. Það er fagnaðarefni og þannig á að vinna að breytingum á stjórnarskrá í þróuðum lýðræðisríkjum, að ná sem víðtækastri sátt um þann þjóðfélagssáttmála sem stjórnarskráin er og á að vera.

Ekki hefur verið greint frá því nákvæmlega hvaða tillögur stjórnarskrárnefndin leggur til, en leiða má líkum að því að samkomulag sé um aðferð til að knýja fram þjóðaratkvæðagreiðslu um mál, auðlinda- og umhverfismál.

Aðsúgsfólk að stjórnarskránni náði að telja fyrrverandi ríkisstjórn og ákveðnum hópi þjóðarinnar trú um að nauðsyn væri að kollvarpa núverandi stjórnarskrá og fékk hana til að fara með sér í ólánsvegferð sem kostaði mikinn tíma og peninga og endaði í algjöru glóruleysi eins og svo margt annað sem þau Jóhanna og Steingrímur baukuðu saman.  

Nú hillir undir að skynsemin fái að ráða og vitsmunir og hæfi ráði för við breytingar á stjórnarskránni, þannig að breytingar verði á henni gerðar til bóta, í samræmi við viðmið og venjur í þróuðum lýðræðisríkjum eins og okkar.

 

 

 

 

 

Athugasemdir

[Jósef Smári Ásmundsson, 18.2.2016 kl. 06:34]

Það jákvæða við þetta er að kjósa á um hvert breytingaratriði fyrir sig en ekki um allan pakkannm ef ég skil þetta rétt. En ég er þeirrar skoðunar að málskotsréttur til þjóðarinnar sé óþarfur og í raun forsetaembættið ef komið yrði á einstaklingskosningum hér á landi í stað flokkakosninga. En það kemur þó síðar sé. Það er ég alveg viss um.

[Jón Steinar Ragnarsson, 18.2.2016 kl. 11:31]

Rétt að árétta fyrir þá sem ekki muna yfir þröskuld, hvers vegna stjórnarskrármálið fór af stað. Bæði ESB umsoknin og stjórnarskrármálið var og er sama mál.

þau féllu bæði við álitsgerð Feneyjanefndarinnar 2013 þar sem þeir m.a. sögðu of marga fyrirvara á framsalsákvæðum. Fyrir vikið var nýja stjórnarskráin engu betri en sú gamla í þessu tilliti. Ekki var hægt að ganga í sambandið né opna kafla er vörðuðu framsal og því var sjálfhætt. Væru rýniskýrslurnar leyndardómsfullu sem ekki fá litið dagsins ljós, skoðaðar, þá yrði þetta væntanlega lýðum ljósara en nú.

Skora á ráðamenn að skerpa minnið og fara að líta á þessi tvö mál sem sama mál.

http://www.visir.is/stjornarskra-breytt-fyrir-esb-adild/article/200938564492

[Jón Steinar Ragnarsson, 18.2.2016 kl. 14:07]

Það sem vantar í auðlindaklásúluna er að ráðstöfunarvaldið sé ekki framseljanlegt. Þ.e. að engin smuga sé á að fullveldi þjöðarinnar yfir rástöfun þess sé til umræðu. Hvorki í samningum við ESB eða aðrar utanaðkomandi valdablokkir.

Öll meiriháttar ráðstöfun ætti raunar að vera háð þjöðaratkvæðum.