Ber Reykjavíkurborg enga ábyrgð á ónýtum götum í borginni?

Leiðari Fréttablaðsins er oft athyglisverður einkum þar sem fyrrum borgarstjóri Jón Gnarr er í fleti fyrir aftan ritstjórana í stjórnunarstöðu á 365 miðlum.

Í leiðara blaðsins í dag er fjallað um hryllilegt ástand gatna í borginni, ástand sem aldrei hefur verið verra og kemst leiðarahöfundur að þeirri niðurstöðu að um sé að kenna eftirfarandi atriðum fyrst og fremst:  1.Nagladekk 2.Veðrið 3. Ferðamenn 4.Ríkið.

Nagladekk hafa verið við lýði í áratugi í Reykjavík og veðrið hefur iðulega verið ámóta erfitt fyrir göturnar. Þá verður ekki séð að ferðamennirnir spæni upp götur eða hvernig á að skýra bágt ástand gatna þar sem engin tengdur ferðamönnum fer um. Þá telur leiðarahöfundur að ríkið forgangsraði með röngum hætti og Vegagerðin standi sig ekki sem veghaldari.

Til að kóróna þessa makalausu ritsmíð leiðarahöfundar er tíundað að borgin hafi lagt aukið fé til viðgerðar gatna í borginni.

Niðurstaða leiðarahöfundar er því sú að þeir fjórir þættir sem fyrr eru nefndir séu orsakavaldur en stjórnendur Reykjavíkur hafi hins vegar staðið sig einstaklega vel.

Eitt sinn var borgartjóri í Reykjavík, sem hét Geir Hallgrímsson síðar formaður Sjálfstæðisflokksins. Hann setti fram þá stefnu að malbika skyldi allar götur í Reykjavík. Vinstri menn hæddust að þessu og töluðu um ómerkilegt áróðursbragð því þetta væri ekki hægt. Vissulega hefðu þeir ekki getað gert það, en í borgarstjóratíð Geirs Hallgrímssonar laust eftir miðja síðustu öld urðu vegir í Reykjavík malbikaðir og greiðfærir.

Um sama leitið og vegir í Reykjavík urðu greiðfærir og malbikaðir var Gambíu veitt sjálfstæði frá Bretum. Til voru nokkrir vegir í Gambíu sem Bretar höfðu malbikað. Síðan leið hálf öld og þeir sem koma til Gambíu gætu allt eins haldið að þeir væru að aka Hverfisgötuna í Reykjavík vegna þess að á malbikuðu vegunum í Gambíu eru álíka mörg göt í malbikinu og á Hverfisgötunni í miðbæ Reykjavíkur. Götin á götunum í Gambíu eru vegna þess að viðhald skortir. Það sama gildir í Reykjavík og gerði alla borgarstjóratíð Jóns Gnarr og nú Dags B.Eggertssonar og af sömu ástæðu eru göt á götum í Reykjavík og í Gambíu.

Í stað þess metnaðar og framsýni sem Geir Hallgrímsson sýndi og síðar Davíð Oddsson hafa setið við stjórnvölinn borgarstjórar sem hafa áhuga á að gera allt annað við göturnar í Reykjavík, en gera þær greiðfærar. Aldrei hefur það verið verra en síðustu tvö kjörtímabil.

En það er náttúrulega ferðamönnunum, veðrinu, nagladekkjunum og ríkinu að kenna en ekki borgarstjóranum núverandi eða fyrrverandi eftir því sem leiðari Fréttablaðsins segir.

Sjálfur Göbbels áróðursmálaráðherra Hitlers hefði ekki getað gert betur en leiðarahöfundur Fréttablaðsins í dag við að afvegaleiða umræðuna og afsaka þá sem ábyrgð bera á Holuhrauninu í Reykjavík.

 

Athugasemdir

[Elías (IP-tala skráð) 9.3.2016 kl. 00:32]

Það varst nú þú sjálfur sem úrskurðaðir mér í óhag þegar ég skaut máli mínu gegn Reykjavíkurborg til Úrskurðarnefndar í vátryggingamálum. Bíllinn hjá okkur gereyðilagðist vegna vanræksu starfsmanna Reykjavíkurborgar við götu eina í Reykjavík. Í ofánalag þurfti ökumaður að leita til bráðamóttöku LSH vegna áverka. Svo ekki voga þér að hlaupa fram á völlinn og skamma borgarstjóra, þegar þú sjálfur hefur ekki innyfli til að bregðast við og aðstoða almenning gegn svona hrópandi óréttlæti.

[Halldór Egill Guðnason, 9.3.2016 kl. 00:58]

Fréttablaðið er ekki merkilegur "fjölmiðill". Innanbúðar sitja handbendi óáreiðanlegra gosþambara, sem virðast hafa tekið að sér að mæra núverandi borgarstjórnarmeirihluta um flest, þó allur almenningur sjái hvurslags dómadagsbjálfar sitja að völdum. Ráðandi borgarstjórn Reykjavíkur er samanseett af tómum bjálfum, ef einungis gatnakerfið er tekið fyrir. Fyrir utan delluna í nánast öllu sem þetta "samráðshópslið" tekur sér fýrir hendur og hvolfir yfir borgarbúa, er varla heil brú í nokkrum hlut lengur hjá þessu ólánsliði. Borgarstjórinn útmálaður trúður og yfirleitt eins og illa undirbúinn bjálfi i flestum viðtölum, hvort heldur um er rætt gúmmí á sparkvöllum, eða holur í götum borgarinnar. Svo aumur er karlinn sá orðinn að hann hikar ekki við að neita að svara, en bendir þess í stað á undirmenn sína og lætur þá taka hitann af reiði almennings. Aumasta stjórnvald sem finnst. Gunguháttur. Reykjavíkurborg og sjóðir hennar eru tómir. Borgarsjóður tapar yfir einni milljón á klukkutíma! Allt árið um kring, undir hlandleiðslu þessara bjálfa. Segi og skrifa "hlandleiðslu". Er virkilega ekkert í sveitarstjórnarlögum, sem veitt getur langþreyttum borgarbúum vopn í hendur, til að losna við svona bjálfa? Hvað þá tæki við, ef tækist, er erfitt að segja til um, þar sem sennilega hefur aldrei í sögu borgarinnar, setið annað eins liðleskjulið í andstöðunni. Það fólk má alveg skoða sinn innri rann og íhuga hvort kraftar þeirra væru ekki betur komnir einhvers staðar annars staðar.

 Góðar stundir, með kveðju að sunnan.

[Gunnlaugur I., 9.3.2016 kl. 03:11]

Enn einn makalaus leiðari Fréttablaðsins, helsta málgagni vinstri anarkista á eftir sjálfu RÚV.

Það vantaði bara að kenna sjálfum bílnum og ökumönnunum um ónýtt ástand gatnakerfis borgarinnar.

Svo er ég líka hissa á að þeir skríbentar Frbl. skuli ekki líka hafa fundið það út að helsta ástæðan fyrir ónýtu viðhald gatnanna í Reykjavík sé sú að aðildarviðræðunum við ESB hafi verið hætt !

[Jón Magnússon, 9.3.2016 kl. 09:54]

Elías af skiljanlegum ástæðum vil ég ekki fjalla um þitt mál á opinberum vettvangi en bendi þér á að hringja í mig í síma 8980523 varðandi niðurstöðu Úrskurðarnefndar í vátryggingamálum sem þú vísar til. Sú afstaða sem þar var niðurstaðan varðaði ekki viðhald gatna almennt heldur ákveðið tilvik og sönnun. En með mikilli ánægju mundi ég vilja heyra í þér Elías og ræða við þig um þetta mál. Kveðja,

[Guðbjörg Snót Jónsdóttir (IP-tala skráð) 9.3.2016 kl. 10:42]

Mér finnst nú lítið til um þennan Fréttablaðsbleðil eða það, sem stendur í honum, eins og blaðamennskan er þar á bæ. Varðandi götur borgarinnar, þá er viðhaldið á þeim til háborinnar skammar vægast sagt. Þær sýna best, hvernig forgangasröðunin er hjá ráðhúskrökkunum, sem þykjast vera að stjórna borginn, og að það er meira en kominn tími til að fara að skipta um stjórnendur í borginni og fá eitthvað vitibornara og ábyrgðarfyllra fólk í stjórn heldur en við höfum orðið að búa við til þessa. Það er meira hugsað um að þrengja götur og skemmta sér heldur en að laga það, sem aflaga hefur farið. Hvorki bílar, reiðhjól né gangandi geta farið um göturnar, eins og þær eru. Það kemur líka niður á götum og gangstéttum, þegar þær eru ekki almennilega hreinsaðar og allt látið dankast í þeim efnum. Þessir krakkar í Ráhúsinu hafa engan áhuga á þvílíku. Þeir vilja bara gera það, sem er gaman að gera og skemmtir fólki. Það eru allir búnir að fá sig löngu fullsadda af þessu liði þarna og finnst kominn tími til að fá nýja ráðamenn. Auðvitað söknum við gömlu góðu borgarstjóranna, sem létu sig miklu varða um velferð borgarinnar ekki síður en íbúanna, eins og góðir borgarstjórar eiga að gera. Mér finnst annars furðulegt, að ráðhúskrakkarnir skuli geta boðið ferðamönnum upp á að sjá göturnar svona illa farnar, því að þetta er nú ekki beinlínis góð auglýsing fyrir borgina okkar. Við ættum að spyrja þessa krakka að því, hvort þau myndu vilja bjóða gestum heim til sín, ef ástandið á gólfunum þar væri, eins og er á götunum, og annað væri eftir því, eins og mér finnst vera yfirleitt hér í borg. Það væri gaman að vita, hvernig svörin hjá þeim yrðu, því að þá gætum við spurt aftur, hvort þeim finnist það vera forsvaranlegt að láta útlenda ferðamenn horfa upp á þessi ósköp á götunum og aka eftir þeim svona á bílaleigubílunum, eða þá ganga eftir gangastéttunum, sem eru sumar lélegar líka. Ætli yrði ekki fátt um svör? Það þýðir líka lítið að röfla þetta um þéttingu byggðar, ef ekkert er gert í viðhaldi gatna. Þetta lið er svo að tala um, að það vanti fleiri peninga til þessa, - en spurningin er, hvort þeir peningar færu ekki í allt annað skemmtilegra og áhugaverðara að þeirra dómi en viðhaldið, ef þeir fengju peninga til verksins. Mig grunar, að svo mundi fara. Nei, það er hreinasta hörmung að horfa upp á þetta. Það segi ég satt. Við skulum bara vona, að vitibornara fólk komist til valda eftir næstu kosningar. Mál er að linni þessu hörmungaráststandi, sem hefur viðhaldist hérna alltof lengi, og allir eru orðnir löngu fullsaddir á.

[ls (IP-tala skráð) 9.3.2016 kl. 12:02]

Það er ósköp einföld ástæða fyrir því að götur á höfuðborgarsvæðinu (hvort sem þær eru á forræði sveitarfélaganna eða ríkisins) eru holóttar og lélegar núna. Viðkomandi yfirvöld (líka þar sem Sjálfsæðisflokkurinn er í meirihluta) hafa ákveðið að nota peninginn í annað. Auðvitað er einhver munur á, en allir þessir aðilar hafa sett minni pening í að vihalda götum en þyrfti.

Það er samt kjánalegt að kenna öllu öðru um.

[Helgi Jónsson (IP-tala skráð) 9.3.2016 kl. 12:21]

Sæll Jón, þú talar um götótta Hverfisgötu, var ekki verið að taka alla Hverfisgötuna í gegn...??