Móðgun við bandalagsríki

Eftir að hafa hlustað á kvöldfréttir RÚV í gær þá var mér meira en nóg boðið. Ríkis fréttastofan á Íslandi kallar ríkisstjórnir fjögurra bandalagsríkja okkar í EES og NATO, öfga- og fasistastjórnir. Við skulum vona að fólk erlendis sé eins og hér almennt hætt að taka mark á fréttaflutningi RÚV.

Stjórnmálaflokkurinn AfD (Alternativ für Deutschland)sem vann afgerandi kosningasigur í Þýskalandi í gær er kallaður öfgaflokkur af fréttastofu RÚV.

Ég kynnti mér hvernig fréttamiðlar í okkar heimshluta skýra frá þessum hlutum. Af virtum dagblöðum og fréttamiðlum á Norðurlöndunum, Þýskalandi, Bretlandi og Bandaríkjunum er hvergi að finna að AfD sé kallaður öfgaflokkur. Þá er hvergi að finna að þessir fréttamiðlar leyfi sér að kalla ríkisstjórnir Póllands, Slóvakíu, Tékklands og Ungverjalands öfgafullar fasistastjórnir eins og RÚV gerir.

Hvað AfD varðar þá eru þeir í fréttum dagsins kallaðir "hægri pópúlistar", flokkur á móti innflytjendastefnu Merkel, "langt til hægri" Í vinstra blaðinu Politiken eru þeir kallaðir "fremedfjendsk parti, islam og invandringskritiske" en í öðrum virtum fréttamiðlum á Norðurlöndum eru þeir kallaðir hægri pópúlistar. Hvergi kemur fyrir orðið öfgar eða "extremism" Ég kannaði ekki skúmaskotafjölmiðla kommúnista eða þeirra líka en e.t.v. er þar að finna sama fréttamat og hjá RÚV.

Stjórnendur RÚV verða að átta sig á að þeir bera ábyrgð á fréttaflutningi stofnunarinnar. Fréttir eiga að hvera hlutlægar og sannar. Fréttamaðurinn sem ber ábyrgð á fréttinni um fasísku öfgastjórnirnar í Póllandi, Slóvakíu, Tékklandi og Ungverjalandi er ekki starfi sínu vaxinn og það er stjórnandi fréttaútsendingarinnar ekki heldur.

Hvað svo með að móðga fjórar lýðræðisþjóðir bandalagsþjóðir Íslands. Er það bara allt í lagi að bullukollast með stjórnarfar í þeim löndum eins og fréttamenn RÚV og stertimennið Eiríkur Bergman gerðu í gærkvöldi. Varðar það engum viðurlögum innan RÚV eða eiganda þess,að standa sig ekki í starfi og segja hlustendum ósatt eða hagræða sannleikanum í fréttatímum?

Athugasemdir

[Gunnar Th. Gunnarsson, 14.3.2016 kl. 13:34]

Datt einmitt það sama í hug. Þessar þjóðir þekkja af eigin raun vandamál tengdu flóttamannastraumi frá N-Afríku og varúðartal gagnvart óheftum flaumi þaðan fær hljómgrunn meðal almennings. Ekkert "öfga" við það en visulega hægt að tala um popúlisma ef stjórnmálahreyfingar gera eingöngu út á ótta við Islam-væðingu. Óttinn getur skapað ringulreið og ofbeldi sem oft bitnar á þeim sem síst skyldi.

[Elle_, 14.3.2016 kl. 15:38]

Nei það gengur ekki að RUV hafi þennan Eirík Bergmann svona oft á skjánum fyrir framan okkur.  Maðurinn er búinn að vaða uppi með brenglanir og rangfærslur (eða viljandi ósannindi) og ómarktækar fullyrðingar í RUV of oft og alltof lengi.  Mætti halda að hann byggi þarna.  Og mætti ekki eins kalla hann öfgamann í RUV?  

[Kolbrún Hilmars, 14.3.2016 kl. 17:38]

Þjóðskyldufréttastofan þarf að gera betur.  Margir íslendingar fylgjast ekkert sérstaklega með erlendum stjórnmálum og RÚV ber skylda til að birta hlutlausar fréttir og fréttaskýringar í stað þess að birta áróður að eigin smekk.
Sem dæmi óttast nú margir að Trump nái kosningu sem forseti vestra og að Sanders sé hinn valkosturinn vegna þess að fréttastofan útskýrir hvergi um hvað er nú kosið þar vestra.
Það er því mjög líklegt að líkt sé farið um stjórnmálafréttir frá Evrópu.

[Jón Valur Jensson, 14.3.2016 kl. 23:34]

Já, þeir eru einmitt að hagræða sannleikanum í fréttatímum.

Í dag heyrði ég Rúv AfD-flokkinn kallaðan "hægri öfgaflokk".

Ég lýsi eftir rökum Fréttastofu Rúv fyrir þeirri nafngift, sem hún hefur sennilega fengið patentbréf (einkaleyfi) fyrir, því að erlendis finnur maður ekki fréttamiðla sem nota þtta orðalag.

Vera má, að eitthvað gruggugt finnist í stefnuskrá AfD, ef maður skoðar hana vel, en Fréttastofa Rúv hlýtur að hafa kannað málið sjálfstætt, út frá sínum forsendum og standördum, því að ekki mun hún hafa tekið við þessu orðbragði frá sínu heittelskaða BBC né jafnvel frá goðmagninu mikla The Guardian.

[Jón Valur Jensson, 14.3.2016 kl. 23:46]

En þetta ótrúlega tilfelli, að fjögur bandalagsríki okkar í NATO eru á Rúv að ósekju sögð vera undir "öfgafullum fasistastjórnum", er náttúrlega fullt tilefni fyrir útvarpsstjóra og útvarpsráð (og jafnvel, ef annað þrýtur, fyrir menntamálaráðherrann og Alþingi) til að kalla eftir rannsókn á vinnubrögðum fréttastofunnar og einstakra fréttamanna og hreinsa þar síðan til, ef niðurstaða rannsóknarinnar mælir ótvírætt með slíkri lausn mála.

Fréttastofu Rúv ber ótvírætt að standa undir lagaskyldu sinni til hlutlægs fréttaflutnings og óhlutdrægni.

[Jón Valur Jensson, 14.3.2016 kl. 23:49]

Ríkisstjórnin eða utanríkisráðherra ætti ennfremur að biðja sendiherra eða ræðismenn ríkjanna fjögurra, Póllands, Slóvakíu, Tékklands og Ungverjalands, opinberlega afsökunar á þessari fullkomnu móðgun og grófu misnotkun ríkisfjölmiðilsins.

[Halldór Egill Guðnason, 15.3.2016 kl. 01:17]

Hverjir eru fréttastjórar á RÚV? Hvað er eiginlega í gangi á þessum fjölmiðli "Allra landsmanna"? Hvaða Göbbels"er að stjórna svona "fasistafréttaflutningi.? 

Góðar stundir, með kveðju að sunnan.