Er einhver ómissandi?

"Það er hárrétt að þau fyrirtæki sem eru með eignarhald víða um heim og sérstaklega á þessum Jómfrúareyjum og öðrum eyjum, koma sér undan því að borga skatta til ríkisins, en það er ekki aðalvandinn.

Aðalvandinn er sá að eignarhaldið er líka dulið og mjög margt svipað hulu með þessum fyrirtækjum og það skaðar atvinnulífið miklu meira. Krosseignarhald getur verið dulið á þennan hátt, keðjueignarhald o.s.frv.

(Pétur H. Blöndal alþingismaður Sjálfstæðisflokksins í þingræðu 1.4.2009)

Áttar Sjálfstæðisfólk sig ekki á því að það er engin maður svo merkilegur eða ómissandi, að Sjálfstæðisflokkurinn sé ekki merkilegri eins og Jóhann Hafstein fyrrum formaður Sjálfstæðisflokksins sagði. Ef ekki þá er úti um Sjálfstæðisflokkinn.

Athugasemdir

[Elle_, 8.4.2016 kl. 00:01]

Ég man alltaf eftir einu commenti manns í akkúrat þinni vefsíðu Jón. Hann skrifaði: "Skítt með flokka." Menn eru alltaf merkilegri en flokkur. Ja oftast.

Það væri samt úti um flokk ef hann skilur ekki að flokkur snúist ekki um neinn einn mann og menn eru ekki ómissandi innan hans.

[Helga Kristjánsdóttir, 8.4.2016 kl. 06:24]

Síðan átti merkilegur þjálfari í enska boltanum eftir segja þetta um/við leikmann sem gerði sig breiðan.Sir Alex Ferguson. 

[Elle_, 8.4.2016 kl. 12:00]

Forsetinn er samt dæmi núna um kannski ómissandi stjórnmálamann. Ef enginn eins hæfur kæmi í hans stað.

[Ásthildur Cesil Þórðardóttir, 8.4.2016 kl. 14:10]

Rétt ályktað hjá þér Jón. 

[Sigrún Jóna Sigurðardóttir, 8.4.2016 kl. 16:49]

Meinar þú þetta? Að sjálfstæðisflokkurinn sé merkilegri en allir aðrir menn/flokkar?

[Jón Steinar Ragnarsson, 8.4.2016 kl. 19:49]

Fér finnst þessi deila vera farin að snúast mest um keisarans skegg með árasum á persónur og leikendur í stað þess að skoða grunn vandans.

fyrir það fyrsta þá er mönnum frjálst samkvæmt EES samningnum að finna peningum sínum eða rekstri sem hagstæðastan náttstað skattalega innan evrópusambandsins. Þökk sé aða ekki fjórfrelsinu rómaða.

Í öðru lagi má svo benda á þá staðreynd að flest ef ekki öll umrædd skattaskjól eru í eigu eða lögsögu sambandsins og þar eru stórtækastir Bretar, Hollendingar og Luxembourgh svo ekki sé minnst á Sviss.

Hvernig væri að beina reiðinni og nornaveiðunum þangað?

[Jón Magnússon, 9.4.2016 kl. 06:48]

Það er ég ekki að seja Sigrún Jóna Sigurðardóttir. Heldur var he´r vísað til þeirra sem þar eru.

[Jón Magnússon, 9.4.2016 kl. 06:49]

Jón Steinar þó ákveðið regluverk sé fyrir hendi sem veiti möguleika þá afsakar það ekki ákveðnar gjörðir.