Tjáningarfrelsið og Angela Merkel

Erdogan alræðistjórnandi Tyrkland hefur krafist þess af Angelu Merkel vinkonu sinni Þýskalandskanslara að hún sjái til þess að grínistinn Jan Böhmermann verði ákærður fyrir að móðga hinn "háæruverðuga" Erdogan. Eins og Angelu Merkel var von og vísa þá tók hún að daðra við Erdogan í stað þess að standa vörð um tjáningarfrelsið.

Sök grínistans var sú, að segja að Erdogan kúgaði minnihlutahópa, væri með ofsóknir gegn Kúrdum og berði á Kristnum á meðan hann horfði á barnaklám. Auk þess hafði grínistinn farið áður með vafasama vísu um Erdogan.

Þetta var meira en Erodan þoldi og að ósk Tyrkneskra stjórnvalda hófst rannsókn í Þýskalandi, á meintu broti grínistans á grundvelli hegningarlagagreinar nr. 103 í þýska refsiréttinum. Sú hegningarlgagrein er sögð ekki hafa verið notuð svo lengi sem elstu menn muna, en leggur refsingu við því, allt að þriggja ára fangelsi, fyrir að fara meiðandi orðum um erlendar stofnanir eða fulltrúa erlendra ríkja.

Undanlægjuháttur Merkel er svo mikill að hún tók það sérstaklega fram eftir að Tyrkjasoldán kvartaði að henni fyndist grín Jan Böhmerman óviðunandi og forkastanlegt. Annar fulltrúi "góða fólksins" Hakan Tanriverdi sakaði Jan Böhmerman um að vera rasisti. Ekki óþekkt í orðræðunni þegar rök skortir.

Þjóðhöfðingjar og stjórnmálamenn um víða veröld þurfa að sætta sig við að grínistar um veröld víða geri sér mat úr einhverju sem þá varðar t.d.Sigmundur Davíð. Þá hafa heldur betur fallið alvarlegri ummæli um Obama Bandaríkjaforseta og Hollande Frakklandsforseta svo dæmi séu tekin. En engum þessra eða yfir höfuð stjórnmálamanna í frjálsum ríkjum dettur í hug að krefjast þess af erlendri ríkisstjórn að hún lögsæki grínista á grundvelli úreltra hegningarlagaákvæða.

Annað gildir um Erdogan Tyrkjasoldán. Hann hefur fangelsað fleiri blaða- og fréttamenn en nokkur annar í veröldinn og nú verður að þagga niður í fréttafólki og grínistum í öðrum löndum svo fólk fái aldrei að vita hvers konar drullusokkur Erdogan er.

Því miður virðist Angela Merkel ekki átta sig á mikilvægi Tjáningarfrelsins og vilja dansa eftir pípu Erdogans. Skömm hennar verður stöðugt meiri.  

Athugasemdir

[Ragnar Thorisson (IP-tala skráð) 14.4.2016 kl. 17:05]

 Undirstaða theocracy kúltúrs eins og Islam, þar sem orð guðs er eini leyfilegi sannleikurinn er að tjáningarfrelsið sé óvirkt. Ekki þarf neina spekinga til að sjá að slíkur fasismi getur ekki gengið í okkar vestræna samfélagi mannréttindana þar sem þvert á móti tjáningarfrelsið er undirstaða framfara og mannréttinda. Engum getur dulist að með uppgangi Islams í Evrópu hefur tjáningarfrelsi átt undir högg að sækja. Nærtækasta dæmið er auðvitað að því hefur verið kyngt að ekki megi teikna, skrifa bækur eða gera kvikmyndir um einhvern kall sem heitir Múhameð. En stæsta hræsnin í fasískum uppgangi Islams í vestrænni siðmenningu er að dauða kúltúrinn hefur fengið til liðs við sig liberalismann á vinstri kantinum til að níðast á mannréttindunum. Einmitt sama fólkið sem svo gjarnan vill láta líta út sem þau séu bestu vinir mannréttindana. Píratar ættu með réttu að vera það aflið sem hæst léti í sér heyra um valdníðslu Islams á tjáningarfrelsinu, svo mikið sem þeir hafa agenterað fyrir mikilvægi upplýsinga og tjáningarfrelsi. En þeir þegja manna mest.

[Jóhann Kristinsson, 16.4.2016 kl. 20:33]

Það hefur ekki verið rit og tjáningarfrelsi í Þýskalandi siðan í það minsta janúar 1933 ef ekki fyrr.

Kveðja frá Houston