Móðir allra sigra

Svo virðist sem að sigur íslenska landsliðsins í knattspyrnu hafi valdið því að þjóðinni muni fjölga töluvert níu mánuðum eftir þennan sögulega sigur.

Blaðið Daily Telegraph segir, að á Íslandi verði sigursins yfir Englandi minnst um ókomna tíð, en nú sé talið að sigurinn hafi einnig haft þá þýðingu að óvænt fjölgun barnseigna fylgi í kjölfarið. Blaðið vísar í lækninn Ásgeir Pétur Þorvaldsson í því sambandi.

Þá er bara að vona að landsliðið haldi áfram að vinna góða sigra svo að framhald geti orðið á fjölgun barnseigna með blómstrandi þjóðlífi og fleiri ánægjustundum með þjóðinni.

Er þá ekki við hæfi að segja áfram Ísland?

Athugasemdir

[Helga Kristjánsdóttir, 29.3.2017 kl. 13:39]

Alltaf tilbúin að taka undir Það um leið og ég minnist þess viðburðar sem einnrar allra mestu þjóðarstemmningar frá hruni.

En um leið minni ég á að af sömu ástæðu verður það ekki ef konurnar ná þeim áfanga,sem er að mínum dómi innan seilingar. Áfram Ísland!

[Jón Steinar Ragnarsson, 29.3.2017 kl. 19:07]

Þetta reyndist nú ekkifrétt, þegar betur var að gáð. Þeir eru mikið í að semja fréttir hjá svona skeiniblöðum eins og Telegraph.