Lögreglan ekki óvopnuð í Víðines- No go Zone?

Á fundi í gær lýsti forsætisráðherra hversu vanhugsað það hafi verið og mikil atlaga að íslensku samfélagi og öryggi borgaranna að samþykkja Útlendingalögin og opna allar flóðgáttir fyrir svonefndum hælisleitendum. 

Forsætisráðherra upplýsti, að lögreglan færi ekki óvopnuð í Víðines, þar sem yfirvöld leigja aðstöðu fyrir hælisleitendur. Fyrst svo er komið að lögreglan telur ekki öruggt að fara í Víðines nema vopnuð er þá ekki komið sama ástand og í Rosengård hverfinu í Malmö í Svíþjóð. 

Fyrst lögreglan metur aðstæður með þessum hætti í Víðinesi hvað þá með íbúa sem búa næst þessum stað. Hvaða þýðingu hefur það fyrir öryggi íbúanna og gæti þetta haft þau áhrif að fasteignaverð í Mosfellsbæ og Kjalarnesi snarlækki í verði?

Þá nefndi forsætisráðherra sem valkost, að teknar yrðu upp vegabréfsáritanir til Íslands. Þá hljóta spurningar að vakna. Hvað með ferðamannalandið Ísland. Af hverju vegabréfsáritun. Af hverju nefnir forsætisráðherra þetta sem valkost? Hvaða vandamál er verið að leysa með því?

Ári eftir samþykkt útlendingalaganna erum við komin með No go Zone þar sem lögreglan treystir sér ekki nema vopnuð. Við erum með þvílík vandamál og kostnað vegna ólöglegra hælisleitenda að varðar sennilega um eða yfir 10 milljarða í ár auk þess vanda sem forsætisráðherra lýsti og varðar aukna ógn í samfélaginu.

Miðað við ummæli forsætisráðherra ætlar ríkisstjórnin samt að stinga höfðinu í sandinn. Ríkisstjórnin ætlar ekki að stórefla lögreglu og löggæslu í landinu til að mæta þeirri vá sem forsætisráðherra lýsir. Það á ekki að breyta útlendingalögnum, en halda áfram að bæta í með töku fleiri kvótaflóttamanna.

Engin fréttamiðill hefur birt frétt um þessi ummæli forsætisráðherra nema Morgunblaðið í almennri frásögn af fundinum. Skrýtið? 

Það er allt í stakasta lagi sagði strúturinn um leið og hann stakk höfðinu í sandinn til að sjá ekki ljónið sem kom hlaupandi á móti honum. 

 

Athugasemdir

[Bárður G Halldórsson (IP-tala skráð) 14.9.2017 kl. 21:24]

ORÐ Í TÍMA TÖLUÐ! kv. BH

[Magnús Helgi Björgvinsson, 15.9.2017 kl. 01:25]

Bara að benda á að benda á að skv. fréttum þá hætti útlendingastofnun að nota Víðines í júni s.l.  Þannig að eitthvað er forsætisráðherra að rugla held ég. Í frétt frá 7 júlí segir:

"Útlendingastofnun hefur haft húsnæði í Víðinesi á leigu frá því í fyrrahaust, en þá voru um fjörtíu hælisleitendur fluttir þangað eftir að veggjalús kom upp í Bæjarhrauni. Útlendingastofnun skilaði af sér húsnæðinu í Víðinesi um síðustu mánaðarmót og vinnur nú að því að finna nýtt húsnæði fyrir hælisleitendur."

[Jón Valur Jensson, 15.9.2017 kl. 04:13]

Góður, nafni, þú ert alveg frábær -- en í raun ekkert harðari í horn að taka en efni og ástæður gefa tilefni til. Já, því að gjörhugull ertu og sérð hér hlutina í sínu ástandi og eðliseigindum og rökréttum ályktunum út frá því. Og við svo búið má ekki standa. Burt með þessi Útlendingalög, sem fabríkeruð voru undir rauðbleikri bjartsýnisstjórn formannsins Óttars Proppé.