Veisluborð á þinn kostnað.

Stjórnmálaumræður forustufólks stjórnmálaflokkana í Ríkissjónvarpinu í gær voru að verulegu leyti skelfilegar.

Sá veikleiki lýðræðisins, sem helst gæti orðið því að fjörtjóni, innistæðulaus yfirboð, léku þar stórt hlutverk. Þar var Katrín Jakobsdóttir í aðalhlutverki. Formaður Samfylkingarinnar og Flokks fólksins létu sinn hlut heldur betur ekki heldur eftir liggja varðandi höfnun á kostum markaðskerfisins og boðun innistæðulausrar velferðar á kostnað skattgreiðenda.

Aðspurð um það með hvaða hætti Katrín Jakobsdóttir og flokkur hennar ætlaði að afla þeirra skatttekna sem VG boðar, þá varð fátt um svör en þeim mun meira orðagjálfur um ekki neitt eins og þess formanns er gjarnt að grípa til enda hefur hún tileinkað sér umræðustjórnmál út í bláinn mun betur en nokkur nokkru sinni gerði meðan það var inntak stefnu Samfylkingarinnar.

Annar hlutur sem var eftirtektarverður er, að allir flokkar að Viðreisn og Sjálfstæðisflokknum undanskildum og e.t.v. Miðflokknum telja fráleitt að nýta kosti frjálsrar samkeppni. Í markaðsþjóðfélaginu þar sem það er viðurkennt meira að segja í lögum eins og t.d. Samkeppnislögum, að samkeppni á markaði stuðli að bættum lífskjörum. Þá mótmæla stjórnmálaleiðtogar vinstri flokkanna þ.á.m. Flokks fólksins því að tækt sé að nýta frjálsa samkeppni til að stuðla að aukinni velferð borgaranna og betri þjónustu fyrir minni pening. 

Öðru vísi mér áður brá t.d. með Samfylkinguna undir stjórn Össurar Skarphéðinssonar, en hann hafði jafn næman skilning á því og Sósíaldemókratar þess tíma að forsenda framfara og velferðar væri sú að kostir markaðskerfisins væru nýttir. 

Staðreyndirnar sem umræður um íslensk stjórnmál ætti að snúast um eru þær að skattar á almenning eru allt of háir og brýnt er að lækka skatta á almenning í landinu. Í öðru lagi þá er rekstrarafgangur ríkisins óverulegur þrátt fyrir skattpíningu og gríðarlegar tekjur af ferðamönnum. Í þriðja lagi þá hafa stjórnvöld vanrækt viðhald og uppbyggingu á innviðum samfélagsins vegna gríðarlegra velferðarútgjalda m.a. til velferðartúrista sem kallaðir eru hælisleitendur.

Eftir umræðurnar í gær sýnist mér brýnast að sett verði nýtt stjórnarskrárákvæði til varnar eigum og tekjum fólksins í landinu með því að takmarka það sem ríkisvaldið getur tekið af fólkinu í formi skatta.  Verði það ekki gert og forynjum sósíalismans sem birtust aftur og aftur í umræðunum í gær verður sleppt lausum, þá er hætt við að dugandi fólk greiði í auknum mæli atkvæði með fótunum eins og var í óskalandi sósíalismans Austur Þýskalandi allt fram að lokum síðustu aldar. 

Athugasemdir

[Jón Steinar Ragnarsson, 9.10.2017 kl. 12:17]

Ághugavert að sjá að allir voru ekki almenningur. Það er valkvætt hverjir heyra undir þann hóp.

Eins er "fólkið í landinu" ekki allt fólkið í landinu, einig valkvætt hverjir njöta þess heiðurs að tilheyra því mengi.

Mikið um áköll frá "fölkinu í landinu" og "þjóðinni" án tillits hve há prósenta var að baki ákallinu. Folkið í landinu og þjóðin getur átt við um 10-20% þessa mengis, eftir því hvað hentar. Fólkið í landinu, almenningur og þjóðin eru fljotandi og afstæðar stærðir, en almáttugur hvað það hljómar göfugt að nota þessi hugtök.

Einn og einn talar um "litla manninn", en þar er væntanlega átt við Þór Saari.

[Halldór Jónsson, 9.10.2017 kl. 21:26]

Frábær greining Jón Magnússon

[Jón Magnússon, 9.10.2017 kl. 21:35]

Einmitt Jón Steinar, en á sínum tíma var talað um þjóðina á Þórsgötu 3, en þar voru kommarnir með félagsmiðstöð á sínum tíma og töluðu jafnan í nafni þjóðarinnar.

[Jón Magnússon, 9.10.2017 kl. 21:36]

Takk fyrir það Halldór.

[Jón Valur Jensson, 10.10.2017 kl. 11:50]

Margar góðar ábendingar hér, nafni!

Eitt af því, sem Katrín Jakobsdóttir tilgreinir þó um nýja skatta til að hala inn fé fyrir ríkissjóð til að standa undir parti af hennar útgjaldaloforðum, er það sem hún kallar "auðlegðarskatt" á leigutekjur af húsnæði sem menn búa ekki í sjálfir. Þeir borga þó af þessum leigutekjum sínum fjármagnstekjuskatt, en nú vill Katrín þessi, sem stóð sízt með þjóðinni sem hlaupatík Steingríms J. 2009-2013 (tók þátt í öllum kosningasvikum hans), hefja nýja ofurskattheimtu á það fólk sem er að reyna að auka tekjur sínar með útleigu húsnæðis, oft á eigin kostnað með því að þrengja meira að sér og sínum.

Þessi hópur skattgreiðenda mun hugsa Vinstri grænum þegjandi þörfina við næstu kosningar.