Delerandi fullur eða bara delerandi.

Sagt er að frambjóðandi Flokks fólksins í 2. sæti í Norðausturkjördæmi hafi verið delerandi og fullur á framboðsfundi í Menntaskólanum á Akureyri. 

Frambjóðandinn neitar því að hafa verið fullur. En þeir sem skoða myndbandsbrot af fundinum sjá að hann er delerandi.  Taka verður orð frambjóðandans trúanleg um að hann hafi verið bláedrú, þó hann hafi delerað.

Af gefnu tilefninu kom mér í hug saga af forstjóra stórfyrirtækis í New York, sem sagði við starfsfólk sitt, að ef það þyrfti að drekka áfengi í hádeginu, þá óskaði hann þess, að það fengi sér drykki sem lyktuðu þannig að viðskiptavinirnir vissu að þau væru full en ekki svona vitlaus. 

Sitt sýnist greinilega hverjum.

Athugasemdir

[Jón Steinar Ragnarsson, 13.10.2017 kl. 13:42]

Ég fæ meiri ónot yfir að hugsa til þess að Magnús Þór Hasteinsson skuli vera flokkseigandi þessa flokks og ráði öllu bakvið tjöldin.

[Jónatan Karlsson, 14.10.2017 kl. 17:31]

Sígilt máltæki á líklega vel við hér í fjós ilminum, ef það sleppur í gegnum fíngerða síu höfundar:

Það er betra að vera sagan, en sögumaðurinn.

[Jón Steinar Ragnarsson, 16.10.2017 kl. 12:52]

Hafi maðurinn verið edrú, þá er málið sínu verra. Að vera fullur og delerandi á sér allavega skýringu.