Hvað verður nú til varnar vorum sóma?

Fyrir nokkru hafði lögreglan afskipti af mótmælafundi fólks, sem taldi sóttvarnaryfirvöld og ríkisstjórn ganga of langt. Sagt var, að ákæra yrði þá sem að þessu höfðu staðið þ.á.m. lækni, sem nýverið var svipt starfi sínu vegna skoðana sinna. 

Á Þorláksmessu hafði lögreglan afskipti af partíi ríka fína fólksins í Ásmundarsal í Reykjavík. Ráðherra sem hafði sett reglur sem bannaði slíkt samkomuhald, tók þátt í partíinu, sennilega á forsendunni sem orðuð var í rómverska orðtakin: Quod licet Jovi non licet bovi" (í frjálslegri þýðingu: Það sem guðunum leyfist leyfist ekki skóflupakkinu)

Laust eftir miðnætti á jólanótt hafði lögreglan síðan afskipti af messu í Landakotskirkju, en þeir í kaþólska söfnuðinum eru ekki eins værukærir og Lútherskir kollegar þeirra. 

Hvað gerir nú ákæruvaldið? Verða mótmælendurnir, sem draga í efa gildi sóttvarnarreglnanna ákærðir?  Verður ráðherrann og hitt ríka fína fólkið ákært? Verða kirkjugestir og forstöðumenn kaþólskra safnaðarins ákært? 

Málsvörn mótmælendanna er til staðar, þeir fylgdu sannfæringu sinni. Málsvörn kaþólsku kirkjunnar er líka til staðar, trúfrelsisákvæði stjórnarskrár og mörk þess og alsherjarreglu. 

En hver er þá málsvörn ráðherrans og hins ríka og fína fólksins? Þau voru vísvitandi að brjóta reglur og hætt er við að málsvörn aðila sem stendur að því að setja reglur og brjóti þær svo, verði harla haldlítil. Svo er spurningin sem þjóðin þarf að svara hvort það skipti yfirhöfuð einhverju máli.

Athugasemdir

[Helga Kristjánsdóttir, 25.12.2020 kl. 17:37]

Vegna fréttar!   Því sjaldgæfara eintak úr silfurborðbúnaði okkar sem týnist því sárara er það; ekki eins og einhver hefði látist,ónei byrjum bara að safna silfurskeiðum upp á nýtt.

[Ragnhildur Kolka, 25.12.2020 kl. 22:32]

Frjálsborið fólk á að geta borið ábyrgð á sjálfu sér. Eina skyldan í þessu máli er að smita akki aðra. Ef eitthvað þá hefði Bjarni átt að sýna þann anda í verki að taka ekki þátt í að hrifsa ábyrgðina af fullorðnu fólki. Stjórnlyndi hefur nú yfirhöndina og mörgum finnst það þægilegt. 

[Halldór Jónsson, 26.12.2020 kl. 11:06]

Bjarni er óendanlega betri en bavíanarnir sem hæst orga á afsögn hans. Og stjórnin er að renna sitt skeið á enda og maður á ekki að skipta um hest í miðri ánni. Bjarni brokkari passar sig kannski betur þá því með hverjum hann drekkur það sem eftir er því varla hefði hann klikkað svona ófullur og Katrín hlýtur að komast yfir þetta.

Og ef Kára tekst að fá Pfizer til að koma með 400k skammta og bólusetja þjóðina þá gleymist þetta fljótt og við kjósum hann aftur því hann Bjarni er með þeim skárri á þinginu hvað sem öðru líður.

[Jón Magnússon, 26.12.2020 kl. 13:42]

Ég er sammála þér Ragnhildur og hef þessvegna verið gagnrýnin á þau höft og bönn, sem ríkisstjórnin hefur sett vegna Covid 19. En ég reyni mitt ítrasta til að fara eftir þeim engu að síður. En að þeir sem setja regkurnar skuli ekki gera það er ámælisvert. Mér finnst líka að Bjarna megi aðallega gagnrýna fyrir það hvað hann hefur verið linur við að halda fram rétti frjálsborins fólks líka á tímum sóttvarna og smitsjúkdóms. Það er honum ekki til framdráttar núna eins og þú bendir réttilega á. 

[Jón Magnússon, 26.12.2020 kl. 13:49]

Ég er ekki að fella dóma Halldór heldur eingöngu að spyrja spurninga um hvað ákæruvaldið gerir. Mest spennandi í því efni finnst mér ekki Bjarni Benediktsson og partýhaldararnir heldur afskipti af kristnum söfnuðu á jólanótt. Það væri gott að fá dóm um það hvaða gildi stjórnarskrárákvæðið um trúfrelsi hefur og vægi þess á móti þeim bönnum sem ríkisstjórnin hefur sett á vegna sóttvarna. Ég hef kynnst mörgu forustufólki Sjálfstæðisflokksins í gegnum tíðina Halldór eins og þú. Þú veist það að þar fór fólk, sem lagði sig í líma við að efla hag þjóðar og flokks og vera til fyrirmyndar. Mér hefur því miður sýnst að sumir forustumenn flokksins allt frá árinu 2007 hafi verið of uppteknir við að vera í partíinu og ekki gætt þeirrar gullnu reglu sem forverar þeirra fóru eftir. 

[Þorsteinn Siglaugsson, 27.12.2020 kl. 22:49]

Bjarni stóð sjálfur að því að móta og framfylgja þeirri fáránlegu stefnu sem nú hefur verið fylgt hér í níu mánuði, með þeim afleiðingum að efnahagur landsins hefur verið lagður í rúst, framtíð barna og ungmenna stórsköðuð, sjálfsvígum fjölgað stórlega og möguleikar til að halda uppi viðunandi velferðarkerfi á næstu árum skaðaðir verulega. Geti þessi aumi maður ekki sjálfur fylgt þeim reglum sem hann krefur aðra um að fylgja, þá á hann ekki erindi í ríkisstjórn. Flóknara er það ekki. Hann á að hafa sig á burt tafarlaust. Ekki aðeins úr stjórninni, heldur einnig úr forystu flokksins.

[Torbjörn Andersen (IP-tala skráð) 27.12.2020 kl. 23:02]

Allir taka lifið svo alvarlega,

þegar það henta