Blessaði bóluefnið

Sjá ég boða ykkur mikinn fögnuð, yður er í dag frelsari fæddur,  sagði engillinn við fjárhirða á Betlehemsvöllum fyrir rúmum 2000 árum.

Í dag eru það ekki englar heldur ljósvakamiðlar sem hafa verið ótrauðir við að boða þann hinn mikla fögnuð, að bóluefni gegn Covid væri á leiðinni. Frá því kl. 7 í morgun hefur verið hægt að fylgjast með því hvar bóluefnið væri statt allt frá Amsterdam til lendingar á Keflavíkurflugvelli, þar sem bóluefninu var ákaft fagnað.

Fréttirnar af komu bóluefnisins hafa verið ítarlegri og æsilegri en við komu þjóðhöfðingja. Á móti þjóðhöfðingjanum er tekið og ekið með hann á Bessastaði. Bóluefnið fær líka konunglegar móttökur og ekið með það í móttökufyrirtæki í sama sveitarfélagi. Síðan hefst samfelld hátíðadagskrá þar sem veirutríóið og nokkrir ráðherrar sjá um að halda uppi fagnaðinum og fjörinu. 

Mikið er það nú gott að geta búið við samfellda gleði alla jólahátíðina í þeirri trú að þarna hafi endurlausnin verið fram borin fyrir hnípna þjóð í vanda, þar sem bóluefni fyrir rúmlega 1% þjóðarinnar er hér með komið til landsins.

Sjálfsagt verður ríkisstjórnin í hópi þeirra sem fyrst verða bólusettir. Slíkt verður kærkomið einkum fyrir þá ráðherra sem treysta sér ekki til að hlíta þeim reglum, sem þeir setja fyrir almenning í landinu. 

Athugasemdir

[Jón Þórhallsson, 28.12.2020 kl. 11:21]

Ég vil frekar setja þennan atburð í sambandi við Águstus keisara sem að ákvað að það skil SKRÁSETJA ALLA  LANDSMENN 

(í gegnum sóttvarnarhlið).

----------------------------------------------------------------

Hver á að AXLA ÁBYRGÐINA ef að fólk fer að veikjast og deyja

vegna óæskilegra aukaverkana frá þessu bóluefna-eiturbrasi

frá New Word Order?

1.Forsætisráðherra íslands?

2.Heilbrigðisráðherrann?

3 Þríeykið?

4.Almenningur sjálfur fyrir að stökkva á vagninn?

5.Lyfjafyrirtækið?

Hlustum á fólkið með Dr.gráðurnar? 

https://www.youtube.com/watch?v=XW3H6PBkrbU&fbclid=IwAR2MLJ2NYIBzTjXErRHlqAG_xiiwVVB0CvjAwEqS20TDm-oA0Bl-BQ5u1dA