Er þetta aprílgabb?

Fimmtudaginn 1. apríl 2021 koma Árni Árnason forstjóri og Bjarni Bjarnason tæknimaður heim úr 7 daga vinnuferð til Svíþjóðar. Þeir framvísa báðir neikvæðu PCR prófi, sem sýnir að þeir eru ekki smitaðir af Covid. Í framhaldi af því eru þeir skimaðir við heimkomu og að því loknu handteknir vegna gruns um að þeir séu Covid smitaðir og fluttir nauðugir í sóttvarnarhús skv. valdboði ríkisstjórnarinnar.

Álíka og að framvísa hreinu sakavottorði og vera í framhaldinu úrskurðaður í gæsluvarðhald.

Þeir fá ekki að fara heim til sín í sóttkví heima þó báðir búi vel og rýmilega. Báðir halda þeir, að hér sé um vel útfært aprílgabb að ræða. Hvað annað á vitiborið fólk að halda. En þetta er ekki aprílgabb heldur sóttvarnaryfirvöld komin yfir öll eðlileg mörk skynsamlegrar beitingar sóttvarnarreglna.

Enn er tími fyrir ríkisstjórnina að hverfa frá þessari lögleysu, sem er án nokkurs vafa brot á reglum um meðalhóf, auk þess, sem ákvæði sóttvarnarlaga heimila ekki slíka valdbeitingu miðað við þessar aðstæður.

Er ekki rétt að ríkisstjórnin afstýri þessu aprílgabbi áður en það raungerist?

 

Athugasemdir

[Jón Þórhallsson, 30.3.2021 kl. 10:21]

Hérna eru 100% og mennsku og góðu gestirnir frá

TAYGETA-SÓLKERFINU

að vara okkur jarðarbúana við 5G-símkerfinu sem að gæti sent of mikla geislavirkni frá sér;

og þar gæti verið kominn útskýringin á corona-vírusinum:

https://www.youtube.com/watch?v=IStGVPWdD08&t=1s

---------------------------------------------------------------

Stríð framtíðinarinnar munu ekki snúast um sprengjuflugvélina

sem að mun koma óvænt inn í okkar lofthelgi

til að eyðileggja alla innviði.

heldur um SÁLFRÆÐIHERNAÐ í gegnum sjónvarpið; og 

"NEW WORLD ORDER" er ekkert að fela það hvernig þeir starfa: 

Gríðarlegur hafsjór af fánýtum fróðleik, vitleysisgangi, smáu letri og illsku myndefni er telft fram

í gegnum sjónvarpsið á allt of miklum hraða.

Þessi mikla NEIKVÆÐA ORKA; ein og sér getur leitt til allskyns andlegra kvilla og hnignunar á allan hátt: 

https://www.facebook.com/thealmightyjah/videos/547106685653876/

-----------------------------------------------------------------

Ég vil meina að "NEW WORLD ORDER"

eru með sína menn inn í íslenska stjórnkerfinu;

víða á bak við tjöldin.

þeir stefna að heimsyfirráðum og þeir starfa svona;

að gera alla óvirka sem að ekki eru í náðinni hjá þeim.

(=Nútímalegur nasistaflokkur sem að er inn um allt stjórnkerfið

en er ekki að flagga hakakrossinum opinberlega).

Ég legg til að rúv sýni þessa sígildu kvikmynd sem að gæti átt við í dag þó að hún sé orðin gömul: 

https://www.youtube.com/watch?v=6i_msSDvzbg&t=1s

----------------------------------------------------

[Hallgrímur Hrafn Gíslason, 30.3.2021 kl. 12:31]

Á sama tíma kemur flugvél frá öðrum hluta Evropu þar sem hluti farþega framvísa fölsuðum PCR prófum. og vottorðum um að hafa fengið covit, við skimun kemur hið sanna í ljós hjá hluta þessa hóps.  Þið Andersen viljið bjóða þessa smitbera velkomna til landsins.

[Halldór (IP-tala skráð) 30.3.2021 kl. 13:15]

Mér þykir þú helvíti bjartsýnn á að þessu öfgafólki sem hér stjórnar snúist hugur, Þessi "Frábæra" hugmynd sást einhverstaðar úti í útlöndum og því væri kjörið að taka þessi mannréttindabrot upp hér.

[Halldór Egill Guðnason, 30.3.2021 kl. 15:26]

 Þetta er alger geggjun að verða.

 Neiti einstaklingur að fara í sóttvarnarhús, skal málið lagt fyrir sóttvarnalækni sem sker úr um hvað skuli gera við viðkomandi??

 Haldi þetta brjálæði áfram er illt í efni. Þetta þarf að stöðva með einhverjum hætti. Stjórnmála og embættismenn hafa að því er virðist gjörsamlega tapað glórunni.

 Góðar stundir, með kveðju að sunnan.

[Bjarni Jónsson, 30.3.2021 kl. 17:55]

Þú hefur áreiðanlega rétt fyrir þér um það, að þessi valdbeiting sé klárt lögbrot á Íslandi.  Á hún sér nokkra hliðstæðu í Evrópu ?

[Jón Magnússon, 30.3.2021 kl. 22:46]

Er það svo Hallgrímur að það sé framvísað fölsðum PCR vottorðum. Ég hef ekki heyrt það. Þú hefur greinilega betri upplýsingar. Ef það er svo að það er ekkert að marka PCR vottorðin af hverju er þá verið að neyða ferðamenn til að borga offjár til að afla sér þeirra? Held að þetta standist enga skoðun sem þú ert að segja Hallgrímur. 

[Jón Magnússon, 30.3.2021 kl. 22:50]

Halldór veistu það, að ég missti allt traust á ríkisstjórninni í dag, þegar hún samþykkti þessa vitleysu. En síðan er hver áróðursmeistari lokunar dreginn fram núna Gylfi hagfræðingur, sem virðist halda það, að hægt sé að loka landinu algerlega. Meira að segja Þórólfur áttar sig á því að það er ekki hægt. En Gylfi hagfræðingur er svo ánægður með kaupmáttinn og annað honum tengt, en tengir ekki saman að þessi kaupmáttur er allur í skuld vegna ofurskuldsetningar ríkissjóðs.  Ég held svei mér þá að Sölvi Helgason hafi verið nákvæmari reiknimeistari en hagfræðingurinn í Kastljósi, En hann fellur vel að einhliða áróðri RÚV, sem hleypir nánast aldrei að öðrum en þeim sem dásama lokanir og takmarkanir í sambandi við Cóvid. 

[Jón Magnússon, 30.3.2021 kl. 22:52]

Góðar stundir Halldór Egill. Já manni er nánast öllum lokið að þurfa að verða vitni að þessari geggjun. Ég hélt að það væri þó einhver í ríkisstjórninni sem hefði þor til að rísa gegn þessu og segja Sóttvarnarlæknir ríkisins Ekki meir. Ekki meir eins og Steinn Steinar orti á sínum tíma um húsameistara ríkisins í kvæðinu um Hallgrímskirkju. 

[Jón Magnússon, 30.3.2021 kl. 22:55]

Bjarni ég sé ekki betur en þetta standist ekki ákvæði 13.gr. sóttvarnarlaga. Ég var að lesa í kvöld sóttvarnarreglur í mismunandi Evrópulöndum og miðað við það sem þar var að finna, þá erum við sér á báti eftir þessa uppákomu, þá er ég að tala um lönd eins og t.d. Þýskaland, Spán svo tvö fjölmenn ríki álfunnar séu tekin.  

[Þorsteinn Siglaugsson, 31.3.2021 kl. 00:00]

Ég hvet þig til að hafa uppi á einhverjum sem er á leið til landsins Jón og neitar ofbeldinu, fara síðan með málið fyrir dómstóla. Er ekki hægt að koma þessu í kring?

[Guðmundur Ásgeirsson, 31.3.2021 kl. 00:33]

Það er ekkert að marka PCR vottorðin hvort sem þau er fölsuð eða "ófölsuð", því sjálf rannsóknaraðferðin er húmbúkk. Með nógu mikilli mögnun er nánast hægt að greina hvað sem er í hverju sem er með PCR aðferðinni.

Svo er hvergi nein lagaheimild til þess að frelsissvipta fullfrískt fólk í nafni sóttvarna. Sú heimild nær aðeins til þeirra sem smitaðir eru og PCR próf er ekki nægilega sönnun þess eins og spænskur dómstóll hefur staðfest.

Samkvæmt stjórnarskrá má ekki neita íslenskum ríkisborgara inngöngu í landið. Það ákvæði veitir enga undanþágu til að binda þá inngöngu íþyngjandi skilyrðum, hvorki framvísun heilsufarsvottorðs né tímabundnu gæsluvarðhaldi.

Grímuskylda er ekki heldur lögleg, því hún kemur hvergi fram nema í reglugerðákvæði sem skortir lagastoð.

Svona mætti lengi telja fjölbreytt dæmi löglausra aðgerða til að berjast við Kínaveiruna. Ég er ekki á móti því að berjast við hana en hef áhyggjur af lögleysunum.

[Jón Magnússon, 2.4.2021 kl. 12:03]

Ég er óhræddur við að taka slíkt mál að mér. Á grundvelli 15.gr. sóttvarnarlaga er hægt að láta reyna á þetta þannig að það taki stuttan tíma að fá niðurstöðu í málinu.