Hjarðhræðslan

Sennilega hefur yfirvöldum aldrei í veraldarsögunni, tekist jafnvel og á síðasta rúma ári, að koma á alræði óttans og blindri hlýðni fólks við yfirvöld. Þetta er ekki staðbundið heldur á heimsvísu. Bandalag fjölmiðla, fyrirfólks í læknisfræði og stjórnmálamanna tryggði þessa algjöru hugrænu undirokun og uppgjöf mannsandsans fyrir ofurvaldi "sérfræðinnar" og valdsins.

Þrígengið sem var í raun fjórgengi hélt daglega ógnar- og hræðslufundi til að tryggja algjöra hlýðni við minnisblöð sóttvarnarlæknis og reglugerðir heilbrigðisráðherra. Alþingi laut valdi "sérfræðinnar" þegjandi og hljóðalaust að einum undanskildum og ungaði út nýjum sóttvarnarlögum og síðar breytingum við sóttvarnarlögin.

Raunar hefði mátta auðvelda Alþingi og ráðuneytisstarfsmönnum vinnuna með því að setja í lög einfalt ákvæði í samræmi við það sem vilji Alþingis stóð til. Það hefði getað hljóðað svona:

"Nú er það mat sóttvarnarlæknis, að grípa þurfi til einhverra þeirra aðgerða, sem heimilaðar eru í lögum þessum og skal þá gripið til þeirra aðgerða án nokkurs fyrirvara."

Eini þingmaðurinn á Alþingi sem andæfði þessari skefjalausu hjarðhegðun Alþingis og valdaframsali, Sigríður Andersen mátti gjalda fyrir stöðutöku með frelsinu og var tekin af lífi pólitískt, í bili, fyrir þá sök, að standa með frelsinu gegn helsinu. 

Loksins rann upp stund fagnaðar fyrir hrjáð og hrætt fólk og bóluefni komu fram í stríðum straumum. Þau eru þó með þá vankanta, að þau hafa ekki fengið tilskyldar prófanir, framleiðendur efnanna neita að taka ábyrgð á þeim og þrátt fyrir að aukaverkanir komi fram, er reynt að þegja þær í hel og láta sem ekkert c.

Fyrir skömmu komust opinberir álitsgjafar að því að af fjölmörgum dauðsföllum í kjölfar bólusetninga þá væri ekki hægt að fullyrða óyggjandi að nokkuð þeirra væri tengt bólusetningunni nema e.t.v. eitt. Hefði sömu aðferðarfræði verið beitt gagnvart meintum dauðsföllum af hálfu Cóvíd er líklegt að komist hefði verið að þeirri niðurstöðu að ekkert þeirra væri óyggjandi tengt Cóvíd heldur undirliggjandi sjúkdóma nema e.t.v. eitt eða tvö. 

En guðdómlegi gleðileikur bólusetninganna skal leikinn af fullri orku. Sjónvarpsstöðvar sýna aftur og aftur á hverjum degi þegar hópur fólks er sprautaður og fjórgengið hvetur fólk til að láta bólusetja sig og það er talið jafnbrýna svikum við þjóðina að skerast úr leik. Jafnvel þó um bóluefni sé að ræða, sem nágrannaþjóðir okkar hafa tekið úr umferð og telja hættuleg.

En er ekki of langt gengið þegar verið er að bólusetja ungt fólk og unglinga með efni, sem framleiðandinn tekur enga ábyrgð á. Efni, sem hefur ekki verið prófað með eðlilegum hætti. Efni sem gæti haft mjög alvarlegar aukaverkanir í framtíðinni. Látum vera þó að eldri borgarar og þeir sem eru í námunda við það glæpist á þessu, en er það virkilega svo, að ráðamenn telji eðlilegt að troða tilraunaefnum í fólk, sem skv. könnunum og reynslu er ekki í neinni verulegri hættu jafnvel þó það smitist af hinni raunverulegu veiru.

Valdboðinu skal síðan fylgt út í æsar. Venjulegt vegabréf verður ekki nóg í framtíðinni heldur kemur auk þess bólusetningarvegabréf Evrópusambandsins og þeir sem hafa það ekki mega sig hvergi hræra nema innanhúss og e.t.v. innanlands.

Athugasemdir

[Jón Þórhallsson, 15.6.2021 kl. 10:06]

Styður þú þessa ríkisstjórn?

[Bjarni Jónsson, 15.6.2021 kl. 13:40]

Ég tel þetta hárrétt athugað hjá þér allt saman.  Fjöldabólusetningar með efnum á tilraunastigi orka mjög tvímælis, þegar höfð er í huga hættan af C-19 sýkingu.  Hún er sambærileg hættunni af sýkingum fyrri skæðra flensupesta, t.d 1959 og 1968.  Þeir, sem látizt hafa af völdum C-19 hérlendis, en hinir, sem látizt hafa í kjölfar bólusetninga, eru um 20 og gætu orðið jafnmargir hinum áður en lýkur.  Að hvítþvo bóluefnin, eins og gert er, finnst mér ótrúverðugt.  Að bólusetja ungviðið með þeim rökum, að það sé nauðsynlegt til að ná hjarðónæmi, gengur ekki upp, því að langflestum undir 30 ára verður mjög lítið um að sýkjast af C-19 og eru líklega lítið smitandi af þeim sökum.  

[Þorsteinn Siglaugsson, 16.6.2021 kl. 00:00]

Sigríður Andersen er eini þingmaðurinn sem býr að nægilegri greind og siðferðisstyrk til að taka sér stöðu gegn þessum glæpsamlega ríkisrekna óttafaraldri. Sjálfstæðismenn höfnuðu henni í prófkjöri, fyrst og fremst vegna þessara mannkosta. Þess vegna fær flokkurinn ekki mitt atkvæði í næstu kosningum.

Og hvað bólusetningar ungmenna varðar liggur nú fyrir að jafnvel á Bretlandi, háborg kóvítóttans, munu yfirvöld ekki heimila þær.

Fólki undir tvítugu er það sextán sinnum hættulegra að fá bóluefni en að fá kóvít, þegar aðeins er litið til líkinda á hjartavöðvabólgu. Og þá er ekki verið að taka blóðtappana með í reikninginn.

[Helga Kristjánsdóttir, 16.6.2021 kl. 01:06]

Ég á ekki til orð hvernig við líðum okkar kjörnu fulltrúum að taka þátt í þessari alheims "Breiðivík" þar sem enginn kemst undan óþokkaskap stjórnenda.--Fyrir alla muni látið börnin vera! Hvað hefur breyst frá því þeim varð ekki meint af veirunni. 

[Kristín Inga Þormar, 16.6.2021 kl. 08:45]

Takk fyrir þetta Jón, þetta er allt hárrétt hjá þér.

[Þórdís Björk Sigurþórsdóttir, 16.6.2021 kl. 19:46]

Frábær pistill Jón. Sjáðu dæmi um hvað konur eru að ganga í gegnum eftir sprauturnar. Hvers konar bóluefni er þetta?
https://thordisb.blog.is/blog/thordisb/entry/2265987/

[Arndís Hauksdottir (IP-tala skráð) 18.6.2021 kl. 07:58]

Ekki hægt að orða þessi furðulegheit betur. Nú er byrjað að "bólusetja" mæður með börn á brjósti og börnin veikjast í kjölfarið.