Für das Volk /Fyrir þjóðina

Í fána kommúnistaríkisins Austur Þýskalands var aðalatriðið vígorðið "fyriþjóðina" (Für das Volk).

Nú hefur Joe Biden Bandaríkjaforseti gert þessa stefnu að sinni og segir þá sem hafa ekki látið bólusetja sig gegn Cóvíd séu óvinir þjóðarinnar og stefni samfélaginu í hættu. Í frétt rétthugsunar fréttastofu ríkisins (FÚV)var því bætt við að vondir Repúblikanar og Trumpistar væru óvinir þjóðarinnar og væru á móti bólusetningum. Hvoru tveggja alrangt en skiptir í sjálfu sér ekki máli.

Fréttafólk leitar ekki skýringa á því af hverju stór hópur fólks vill ekki láta bólusetja sig. Helstu fréttamiðlar og talsmenn heilbrigðisstofnana gera sitt til að kæfa alla umræðu um alvarlegar afleiðingar Cóvíd bólusetninga og málið er drifið áfram hér á landi sem einskonar Guðdómlegur gleðileikur með undirspili hljómsveita og aðkomu vinsælla plötusnúða og listamanna. 

Til að kóróna rétthugsunina eru síðan myndatökur af helstu hetjum Cóvíd baráttunnar eins og Kára, land- og sóttvarnarlækni. Svona á þetta að vera og vei ykkur fáráðar sem hlýðið ekki kallinu. 

En er það ekki skiljanleg afstaða og langt frá því að vera fordæmanleg, að einstaklingar vilji bíða og sjá til meðan bóluefnin eru þannig, að jafnvel framleiðendur þeirra þora ekki að taka ábyrgð á þeim. Er það einhver goðgá að hafa aðrar skoðanir en þær viðteknu? 

Eftir fjöldabólusetningar undanfarna mánuði þá verður ekkert sagt með vissu um afleiðingar bólusetninganna til langs tíma. Ekkert verður fullyrt um þýðingu þeirra gagnvart mismunandi afbrigðum Cóvíd og aðalatriðið er að framleiðendurnir þora ekki að taka ábyrgð á þeirra eigin framleiðslu. Vitað er um fjölda dauðsfalla í kjölfar bólusetninga og alvarlegar aukaverkanir.

Við þær aðstæður er þá ekki fordæmanlegt að forustufólk í stjórnmálum og heilsugæslu skuli gera þá kröfu að fólk fórni sér fyrir þjóðina, þó ekki liggi ljóst fyrir hvort sú fórn þjóni tilgangi. Væri ekki eðlilegra að hafa opna og öfgalausa umræðu um málið og krefjast þess að öll gögn og staðreyndir varðandi bólusetningarnar verði lögð á borðið. 

 

 

 

Athugasemdir

[Halldór Jónsson, 10.7.2021 kl. 13:51]

Var ekki agt hérna megin líka:Better dead than Red

[Halldór Jónsson, 10.7.2021 kl. 13:52]

Ég bauðst til að fara á landsfund Sjálfstæðisflokksins. Einu sinni rifum við kjaft þar saman.Kannski aftur?

[Kristín Inga Þormar, 11.7.2021 kl. 08:28]

Sæll Jón,

Ég blogga alla virka daga um nýjustu tölur yfir tilkynntar aukaverkanir, og á föstudaginn voru þær komnar í 2.100. Alvarlegar aukaverkanir eru nú 132, þar af 26 tilkynnt andlát.

Vitað er að aukaverkanir eru miklu fleiri en þær sem rata til Lyfjastofnunar, og leiða má hugann að því hvers vegna ekki er löngu búið að stöðva þessar tilraunabólusetningar miðað við þessar tölur!

[Þorsteinn Siglaugsson, 11.7.2021 kl. 11:48]

Veturinn 2018/19 fengu 42% Bandaríkjamanna bólusetningu gegn flensu. Árið 2019 var tilkynnt um 900 andlát í kjölfar allra bólusetninga, ekki bara við flensu. Nú hafa 48% fengið fulla bólusetningu gegn covid. Tilkynnt hafði verið um 7.000 andlát síðast þegar ég gáði. Tilkynningar um andlát eru vitanlega ekki sönnun þess að andlátið sé vegna bóluefnisins, en þegar eitt tiltekið bóluefni skilar tólfföldun slíkra tilkynninga myndi allt andlega heilbrigt fólk staldra við.

En vandinn er að andlegt heilbrigði hefur látið mjög undan síga á undanförnum þremur misserum. Rétt eins og það gerði í Þýskalandi á fjórða og fram á fimmta áratug síðustu aldar.

[Ómar Geirsson, 11.7.2021 kl. 14:43]

Blessaður Jón.

Sem fróður maður, fæddur um miðja síðustu öld, ættir þú að vita að eftir að Friðrik hermannakeisari barði prússneskan aga inní atvinnumannaher sinn, þá var aðeins tvennt í boði fyrir evrópskar stórþjóðir, að lúta sambærilegum aga, eða lúta í gras fyrir honum.  Það er því rangt hjá þér að tengja þetta við Volk, Bretar til dæmis voru mun agaðri í stríðsaðgerðum sínum í seinna stríði, hervæddu strax efnahagslífið sitt (sem Þjóðverjar biðu með til 1944) og sannalega liðu ekki tvær skoðanir eða efa.  Evrópskur agi var síðan skýring þess að Evrópa drottnaði yfir heiminum í um tvær aldir. 

En raunveruleikinn er að skera úr um þetta sem þú reifar í pistli þínum.

Hver er hættan af kóvid versus bólusetningum, Norður Evrópu þjóðir auk nokkurra þjóða í Asíu eru að ná upp þröskuldi hjarðónæmisins, aðrar þjóðir fara sér hægar, hvort sem það er vegna andstöðu almennings eða skorti á bóluefnum ásamt veikum innviðum við að fjöldabólusetja.

Tíminn mun skera úr hvort farnist betur, hvort hættan af kóvid hafi verið vanmetin, ofmetin eða allt þar á milli.  Eins mun tíminn skera úr um hvort það sé endalaust hægt að loka fólk inni líkt og mér sýnist að andfætlingar okkar í Astralíu ætla að reyna, sættir fólk sig við þetta og svo framvegis.

Hins vegar held ég að það þurfi ekki að hóta fólki kárínum ef það bólusetur sig ekki, heilbrigðiskerfið og tryggingakerfið mun sjá um það.

Til hvers ætti heilbrigðsstarfsfólk endalaust að vinna við lífshættulegar aðstæður, íklætt heilsuspillandi sóttvarnabúningum, þegar ljóst er að sjúklingarnir er fólk sem neitar bólusetningu og vill því veikjast??  Og hver selur óbólusettum einstaklingi sjúkratryggingar eftir nokkrar vikur eða mánuði??, það er enginn bissness í því nema gegn hárri aukaþóknun, og buddan mun því grípa inní.

Eins er það með þjóðir þar sem sóttin geisar, það verða takmarkanir á ferðlögum þangað, og þaðan verður enginn velkominn, fólk sem sækir í farandvinnu hjá betur stæðum Norður Evrópu, mun því láta bólusetja sig.

En ef sóttin reynist skaðminni þegar hún fær að hafa sinn gang, sem og að bólusetningar hættulegri en sagt er, mun þetta þá ekki vera öfugt??

Því eins og hlutirnir hafa þróast, það er megaklúður í bólusetningu heimsbyggðarinnar, þá eru allar sviðsmyndir í gangi, og raunveruleikinn er sérfræðingur í að skera úr um hvað er rétt, og hvað er rangt.

Tekur aðeins tíma.

Kveðja að austan.

[Þorsteinn Sch Thorsteinsson (IP-tala skráð) 11.7.2021 kl. 18:00]

Sæll Jón, 

Takk fyrir góða grein, þetta hérna fyrir neðan er eitthvað sem að menn ættu að athuga varðandi Sjúkratryggingar Íslands (SÍ): 

"Við áætlun á rekstrarkostnaði hjá SÍ er miðað við að talsverður fjöldi umsókna berist vegna COVID-19 bólusetningar. Athuga þarf að heildarkostnaður vegna bráðabirgðaákvæðisins gæti orðið miklum mun meiri en hér er áætlað. SÍ berast um 150–180 umsóknir um bætur úr sjúklingatryggingu á hverju ári. Hvert mál felur í sér gagnaöflun og mat á bótarétti auk mats á umfangi tjóns og upphæð bóta. Málsmeðferð hvers máls er því umfangsmikil. Stöðugildi í sjúklingatryggingu eru nú 4–5. Í kostnaðarmatinu er reiknað með að bæta verði við tveim viðbótarstöðugildum lögfræðinga til tveggja ára og tveimur stöðugildum fulltrúa. Umfang gæti þó jafnvel krafist fleira starfsfólks. Að þessu virtu er talið að kostnaður ríkissjóðs vegna frumvarpsins geti orðið kr. 128.228.383 á ári næstu tvö árin." https://www.althingi.is/altext/151/s/0463.html?fbclid=IwAR1TCmpfjtMAHztyorBj6s0aY099wtlzzKY7tXF_VfzqOjG5KRKWjA2o7_A