Hinir alvitru

Samfylkingin fékk undir 10% atkvæða í síðustu Alþingiskosningum. Í rúman áratug hefur þessi flokkur verið smáflokkur. 

Það skýtur því nokkuð skökku við að 90% af þeim sem Ríkissjónvarpið kallar til sem "sérfræðinga" til að fjalla um mál skuli vera innvígðir og innmúrað Samfylkingarfólk. Nánast ekkert Sjálfstæðisfólk eða Framsóknarfólk er kallað til. Greinilegt að stjórnendum fréttastofu og Kastljóss Ríkissjónvarpsins finnst ekki vera önnur sérfræði sem mark sé á takandi en Samfylkingarsérfræði. 

Sem betur fer er þjóðin á annarri skoðun.

En hvað getur Ríkissjónvarp lengi verið Ríkissjónvarp, sem hafnar því að meirihluti þjóðarinnar og meirihlutaviðhorf fái sambærilega umfjöllun og auglýsingu og Samfylkingar"sérfræðin"? 

 

 

Athugasemdir

[Björn. (IP-tala skráð) 2.10.2021 kl. 15:44]

Ekki er það skárra hjá stöð 2 þar sem þáttastjórnendur eru jafnvel skráðir í samfylkinguna,og þarafleiðandi mjög svo hlutdrægir.

[Hrossabrestur, 2.10.2021 kl. 18:05]

Sæll Jón, já þjóðin lætur ekki landsöluliðið fífla sig, það er nú ánægjulegt, en hvað í ósköpunum er hægt að gera til að ryðja þetta greni RUV "Útvarp allra starfsmanna", hvað heldur verndarhendi yfir þessu liði eiginlega?

kv. hrossabrestur

[Heiðar Þór Leifsson (IP-tala skráð) 3.10.2021 kl. 03:47]

Hvað hefur pissukeppni með lýðræði að gera?

Alþingi Íslendinga hefur hreinlega ekkert með hagsmuni þjóðarinnar að gera.

Skiptir þá ENGU máli hverra flokka þeir eru!

Allra síst XD!

[Þorsteinn Sch Thorsteinsson (IP-tala skráð) 3.10.2021 kl. 12:43]

Sæll Jón,

Samspillingin (S) ásamt Vinstri grænum (Vg) kom á þessum skerðingum á öryrkja í júní 2009, svo og kom á þessari gjaldborg yfir heimilin, nú og EKKI einhverri skjaldborg, þar sem að yfir 10 þúsund fjölskyldur voru bornar út. Samspillingin (S) ásamt Vinstri grænum (Vg) hafa aldrei beðist fyrirgefningar eða hvað þá afsökunar á þessu öllu. Skjaldborg var hins vegar sett yfir Sjóvá og SpKef, því að Samspillingin stendur meira fyrir fyrirtækjaisma (e. corporatism), heldur en góðvild og réttlæti. Ef þessir einhliða og ritstýrðu fjölmiðlar væru ekki hérna, þá væri Samspillingin (S) með ekkert fylgi eða allt af því horfin.
KV. 
   

[Helga Kristjánsdóttir, 3.10.2021 kl. 14:29]

Sú spurning er virkilega aðkallandi,við hvern á meirihlutinn að kvarta útvarpsstjóra eða forseta?  

[Bjarni Jónsson, 3.10.2021 kl. 18:05]

Ef einhver fagmennska væri við lýði á frétttastofu RÚV, þá væri gætt eðlilegrar fjölbreytni í viðhorfum viðmælenda spyrlanna, en þetta virðist vera innrætingarstofa fremur en fréttastofa.  Fréttastofan er vísir að áróðursmálaráðuneyti.