Inntakið sem reynt er að fela.

Í helstu jóla kvikmynd þessara jóla segir frá stráknum Nikulási,búsettum í norðanverðu Finnlandi og var kallaður Christmas. Sagan snýst um hnípna þjóð í vanda, sem leitar að einhverju sem geti orðið til að bæta þjóðlífið. Hópur manna fer að leita að Álfheimum þar sem ætlað er að finna megi gleðina og hamingjuna. Nikulás finnur Álfheima og setur í gang verkstæði jólasveinsins og dreifir gjöfum einu sinni á ári. 

Jólin urðu skv. þessu til í Álfheimum. Inntak þeirra er með öllu óljóst utan þess, að Nikulás fer um á hreindýri og dreifir gjöfum. Þannig er nútímasagan um jólin.

Þetta fellur vel að þeirri hugmyndafræði, að aftengja jólin algerlega frá kristinni trú og helgisögunni um fæðingu Jesú og einn liður enn í þeirri viðleitni, að rótslíta kristnar þjóðir algerlega frá kristilegum grundvelli menningar sinnar. Þegar sagan þvælist fyrir er gripið til sögufölsunar eins og sést víða í kvikmyndaheiminum. Álíka merkileg sagnfræði eins og sagan um hinn norska Jesú,sem átti að hafa verið drepinn af Finnum, sem gerðu innrás. Norðmenn nútímans eru þó með það algerlega á hreinu, að Jesús hafi ekki fæðst í Noregi þar sem að vitringarnir komu að austan og þeir telja að þó leitað yrði með logandi ljósi mundu þrír vitringar ekki finnast í Svíþjóð.

Það endar sjálfsagt með því að fólk telur að Bart Simpson í þáttunum um Simpson fjölskylduna, hafi rétt fyrir sér þegar hann lítur upp úr kauptíðinni og gjöfunum og segir: 

"Erum við ekki að gleyma raunverulegu inntaki jólanna. Afmæli jólasveinsins".

 

Athugasemdir

[Guðjón E. Hreinberg, 30.12.2021 kl. 13:15]

Pútín reyndi líka að stela Letihaugi jólasveini fyrr í vetur en honum og Finnum tekst ekki að ræna honum og breyta honum aftur í mýtu.

[Guðjón E. Hreinberg, 30.12.2021 kl. 13:16]

Afsakið, gleymdi að bæta við. Jólin hafa ekkert að gera með fæðingu og þjónustu Jósúa Maríusonar heldur Míþraska blekkingu Konstantín keisara, langalangalangafa Klás Swab í Davos.

[Gunnar Heiðarsson, 30.12.2021 kl. 16:47]

Góður!

[Haukur Árnason, 30.12.2021 kl. 18:26]

Ragmenni, já
þau spyrja hvort ekki
sé dauður sá guð
er gerði oss menn.
Hver á að svara
og kannski
þeir deyði hann senn.

Skáldin, já
þau ortu áður
um allt sem þig snerti
um ástir, dauða og hryggð.
Nú er firringin
orðin hjá þeim
einskonar dyggð.

Spekingar, já.
Boðorðin öll
og athöfn og heit,
allt sem viska oss gaf
í Aþenu og Róm
eða austur við Jangtse
er horfið í aldanna haf.

Úr Dagbók um veginn, Indriði G. 1982.