Við leysum vandamálið

Stjórnmálamenn eiga það sameiginlegt að vilja sýna, að þeir leysi vandamálin. Ef þau eru engin, þá búa þeir þau til eins og aðalritari sovéska kommúnistaflokksins Nikita Krúsjeff sagði forðum "Stjórnmálamenn eru allsstaðar eins þeir byggja brú, þó engin sé áin."

Á sínum tíma var þekkt sagan af frambjóðandanum sem heilsaði upp á Jón bónda og Guðrúnu konu hans og spurði hvort ekki væri eitthvað að og eitthvað sem hann gæti gert. Jón og Guðrún sögðu svo ekki vera nema að Jón sagði eftir að frambjóðandinn hafði ítrekað leitað eftir vandamáli hjá þeim hjónum, að það væri það helst, að þeim hefði ekki orðið barna auðið. Frambjóðandinn brást við og sagði leiddu hestinn minn í haga Jón minn meðan ég staldra við. 

Þetta var á þeim tíma, þegar það mátt gera grín nánast af öllu mögulegu meira að segja múslimum.

Í kóvíd faraldrinum hefur það sýnt sig, að stjórnmálamenn reyna í lengstu lög að fela sig á bakvið "sérfræðina" og fara í einu og öllu eftir því sem sóttvarnaryfirvöld leggja til og þá hafa þeir berað sig af því að skoða ekki hvort að aðgerðirnar valda meira tjóni en þær koma í veg fyrir. 

Ómikron afbrigðið geisar nú og smitum fjölgar sem aldrei fyrr. Íslenska ríkisstjórnin brá við og setti hertar sóttvarnarreglur sem heilbrigðisráðherra ákvað samt að tækju ekki gildi á þeim stöðum og þeim tilvikum, þar sem mesta sótthættan var fyrr en síðar. Sérkennileg ráðsmennska það. 

Á Spáni hefur smitum vegna Ómíkron fjölgað mikið og spænska ríkisstjórnin sýndi því einurð og festu og ákvað að nú skyldi bera grímur á víðavangi, þar sem engin smithætta er.

Um þessi áramót er smittíðni hæst á Íslandi og skýtur nokkuð skökku við þar sem að forseti lýðveldisins og veirutríóið töldu að veirunni hefði verið útrýmt í júníbyrjun 2020 svona er nú sérfræðin í bland við pópúlismann. Sjálfsbirgingsháttur okkar ríður sjaldan við einteyming. 

Hvað sem því líður þá kann það að vera blessun í dulargervi, að ómikron veiran geisi með þeim hætti sem hún gerir og heilbrigðisráðherra hafi verið svolítið slakur í veiruvörninni, ef það kemur í ljós, sem virðist vera, að veikindin séu væg og veiti náttúrulega vörn gegn Kóvíd mun betri en allt sprautufarganið. 

Af lestri forustumanna íslenskra stjórnmála verður ekki annað ráðið en á árinu 2022 megum við búast við gróandi þjóðlífi með blóm í haga þar sem vandamálin eru fá og þau sem eru til staðar eða verða það verði auðveldlega leyst með styrkum höndum stjórnmálastéttarinnar. 

Vonandi er það rétt. En það er samt eitt sem veldur mér áhyggjum. Einhverjum kann að finnast það svo smávægilegt að það sé skömm af því að tala um það. En það veldur mér samt vökunum.

Sú staðreynd, að yfirvöld ætli að sprauta íslensk börn með tilraunabóluefni og gera það í skólum landsins til að auka á þrýsting hvers barns að vera eins og hinir og láta bólusetja sig. Þetta er óðs manns æði. Ég biðla til heilbrigðisráðherra, að hann a.m.k. fresti þessu um hálft ár helst lengur. Það verður að koma góð reynsla á þessi lyf áður en það er afsakanlegt að dæla þeim í börn og unglinga. Það er ekki afsakanlegt að dæla lyfi í fólk,sem framleiðandi lyfsins treystir sér ekki til að bera ábyrgð á. 

Athugasemdir

[Guðjón E. Hreinberg, 31.12.2021 kl. 15:41]

Það má gera grín að múslímum, en þá lyfti ég vísifingri og annarri augabrún.

[Kristinn Bjarnason (IP-tala skráð) 1.1.2022 kl. 17:42]

Það er augljóslega allt annar tilgangur með bólusetningum en að verjast vírus. Ég er ekki hissa að þetta skuli halda vöku fyrir þér, þetta er svo galið.

[Grímur Kjartansson, 1.1.2022 kl. 20:51]

Stafræn Reykjavík - 10 000 000 000 kr verkefnið hennar Dóru Bjartar
er nýbuið að senda frá sér myndband fyrir Borgarstjórnarkosningarnar  þar sem Píratar eru lofaðir í hástert fyrir að sinna sínum áhugamálum og búa til brýr sem enginn vill

[Guðjón E. Hreinberg, 1.1.2022 kl. 21:46]

Flýið! Reisið mínum griðastaði og/eða gettó, þar sem við sjáum um okkur sjálf.

[Hörður Þormar (IP-tala skráð) 2.1.2022 kl. 01:56]

Eg er að velta því fyrir mér hvert sé vandamálið í samskiptum Rússlands og Vesturlanda. Ekki er það hagsmunalegs eðlis því að það hlýtur að vera hagur beggja að vinna sem nánast saman.

Kannski á klaufaskapur vestrænna ráðamanna eftir hrun Sovétríkjnna einhvern þátt í þessu. Þeir horfðu með velþóknun upp á niðurlægingju andstæðingsins úr kalda stríðinu, það olli beiskju. Það vill svo undarlega til að skásta sambandið virðist vera á milli Rússa og Þjóðverja, fyrrverandi erkióvinanna. Kannski voru það Þjóðverja sem skildu Rússa best.

Líka á aldagömul tortryggni Pólverja í garð Rússa og krafa þeirra um að ganga í NATO  einhvern þátt í þessu. Og svo er það sambandið á milli Rússlands og Úkraínu sem ég botna ekkert í.

En ekki síst kann það að vera beiskleiki og vænisýki valdhafans í Kreml, sem horfði máttvana á Sovétríkin leysast upp.

Eftir stóð "miðlungsríkið" Rússland sem var þó enn eitt öflugasta kjarnorkuveldi heims.

Kannski ber hann þá duldu von í brjósti að endurreisa hið gamla veldi í einhverri mynd.

[Þórdís Björk Sigurþórsdóttir, 2.1.2022 kl. 18:55]

Þetta gæti útskýrt margt:

https://frettin.is/2021/12/31/bolusetja-tharf-bornin-til-ad-lyfjafyrirtaekin-sleppi-undan-skadabotakrofum/?fbclid=IwAR39_uosNb_U8HGOj7UfozRqaJ0KmBTthN8LQpXD2sq4A0LeNJxtD2a2zmQ